GUVNL’s Online Service close from 6-10 June : ગુજરાત ઉર્જા વિકાસ નિગમ લિમિટેડ (GUVNL) ડેટા સેન્ટર ખાતે નોન-આઇટી ઇન્ફ્રાસ્ટ્રક્ચરની નવીનીકરણની કામગીરીને લઈને સરકારી વીજ કંપનીઓની ઓનલાઇન સેવા આજે સાંજે 6 વાગ્યાથી 10 જૂનના સવારે 10 વાગ્યા સુધી બંધ રહેશે. આ મામલે GUVNLએ તેની સત્તાવાર વેબસાઇટ પર જાણકારી આપી છે.
સરકારી વીજ કંપનીઓની ઓનલાઇન સેવાઓ 6થી 10 જૂન સુધી બંધ
GUVNLના જણાવ્યા મુજબ, આજે શુક્રવારે (6 જૂન) સાંજના 6 વાગ્યાથી 10 જૂને 10 વાગ્યા સુધી GUVNL અને તેની વીજ વિતરણ કંપનીઓમાં UGVCL, MGVCL,PGVCL, DGVCL, GETCO અને GSECLની ઓનલાઇન સેવા બંધ રહેશે. GUVNL ડેટા સેન્ટર ખાતે નોન-આઇટી ઇન્ફ્રાસ્ટ્રક્ચર સહિતની કામગીરી કરવાની હોવાથી આ પ્રકારનો નિર્ણય કરાયો છે, ત્યારે ઓનલાઇન લાઇટ બીલ ભરવા સહિતની કામગીરીને લઈને ગ્રાહકોએ તેની નોંધ લેવા જણાવાયું છે. જ્યારે GUVNLની મેઇન્ટેનન્સની કામગીરી પૂર્ણ થતાં ફરીથી ઓનલાઇન સેવા કાર્યરત કરાશે.
કઈ સેવાઓ રહેશે બંધ?
– કંપનીની વેબસાઇટ
– ગ્રાહક પોર્ટલ
– ઈ-વિદ્યુત સેવા
– ઇ-ગ્રામ
– વર્ચ્યુઅલ બૅંક એકાઉન્ટ
– સીએસસી સેન્ટર
– બૅંક શાખાઓ મારફત વીજ બિલ
– ઓનલાઇન વીજ બિલ
– અન્ય ચૂકવણી
