આ વર્ષે સલમાન ખાન અભિનીત ફિલ્મ “સિકંદર” બોક્સ ઓફિસ પર ખરાબ રીતે નિષ્ફળ ગઈ. બધાની નજર હવે “દબંગ” અભિનેતાની આગામી ફિલ્મ “battle of galwan” પર છે. સલમાન 27 ડિસેમ્બરે 60 વર્ષનો થશે. તેના ફેન્સ તેના જન્મદિવસ પર એક ખાસ ફિલ્મ માટે રાહ જોઈ રહ્યા છે.
સૂત્રોના જણાવ્યા અનુસાર, તેની આગામી ફિલ્મ “battle of galwan” નો ફર્સ્ટ લુક આ ખાસ દિવસે રિલીઝ થશે.અપૂર્વ લાખિયા દ્વારા દિગ્દર્શિત, આ ફિલ્મનું શૂટિંગ તાજેતરમાં પૂર્ણ થયું છે. ગલવાન ખીણમાં 2020માં ભારતીય અને ચીની સૈનિકો વચ્ચે થયેલી અથડામણ પર આધારિત, સલમાન 16 બિહાર રેજિમેન્ટના કમાન્ડિંગ ઓફિસર કર્નલ બી. સંતોષ બાબુની ભૂમિકા ભજવશે. “battle of galwan” નું શૂટિંગ ઓગસ્ટમાં શરૂ થયું હતું અને તેનો નોંધપાત્ર ભાગ લદ્દાખમાં ફિલ્માવવામાં આવ્યો હતો.
સલમાન ખાન ઉપરાંત, અભિનેત્રી ચિત્રાંગદા સિંહ અને અંકુર ભાટિયા પણ બેટલ ઓફ ગલવાનમાં મહત્વપૂર્ણ ભૂમિકા ભજવતા જોવા મળશે. આ ફિલ્મ માટે ગોવિંદાનું નામ પણ ચર્ચામાં છે.
battle of galwanના નિર્માતાઓ હાલમાં તૈયારીઓ કરી રહ્યા છે, તે સ્પષ્ટ છે કે સલમાન ખાન 2026માં જોરદાર વાપસી માટે તૈયાર છે. જોકે, battle of galwanની રિલીઝ તારીખ હજુ સુધી નક્કી કરવામાં આવી નથી. એવું અનુમાન કરવામાં આવી રહ્યું છે કે battle of galwan જૂન 2026 માં મોટા પડદા પર આવી શકે છે.
