2026ની વિધાનસભા ચૂંટણી પહેલા કેરળમાં સ્થાનિક સ્વરાજ્યની (પંચાયત અને મ્યુનિસિપલ) ચૂંટણીઓમાં યુનાઇટેડ ડેમોક્રેટિક ફ્રન્ટ(UDF)નો હાથ ઉપર હોય તેવું લાગે છે. વળી, ભાજપના નેતૃત્વ હેઠળના NDAએ તિરુવનંતપુરમ મ્યુનિસિપલ કોર્પોરેશન અને કોંગ્રેસના સાંસદ શશી થરુરના ગઢ ગણાતા ત્રિપુનિથુરા જીતીને ઇતિહાસ રચ્યો છે.
ક્યાં કોણે મારી બાજી?
કેરળની 1199 સ્થાનિક સંસ્થાઓ માટે સવારે 8 વાગ્યે શરુ થયેલી મતગણતરીમાંથી મળેલા આંકડા દર્શાવે છે કે, LDF કરતાં UDF વધુ ગામડા અને બ્લોક પંચાયતો, નગરપાલિકાઓ અને કોર્પોરેશનોમાં એલડીએફ કરતાં આગળ છે. રાજ્ય ચૂંટણી પંચ દ્વારા જાહેર કરાયેલા વલણો મુજબ, કોંગ્રેસની આગેવાની હેઠળની યુડીએફ 3155 વૉર્ડમાં આગળ છે. સીપીઆઇ(એમ)ની આગેવાની હેઠળની લેફ્ટ ડેમોક્રેટિક ફ્રન્ટ(LDF) 2565 વૉર્ડમાં આગળ છે, જ્યારે ભાજપની આગેવાની હેઠળનો એનડીએ 577 વૉર્ડમાં આગળ છે. અન્ય 532 વૉર્ડમાં આગળ છે.
કેરળમાં બે તબક્કામાં ચૂંટણી
નોંધનીય છે કે, કેરળમાં સ્થાનિક સ્વરાજ્યની ચૂંટણીઓ બે તબક્કામાં યોજાઈ હતી. મતદાન 9 અને 11 ડિસેમ્બરે થયું હતું. ચૂંટાયેલા પંચાયત સભ્યો, મ્યુનિસિપલ કાઉન્સિલરો અને કોર્પોરેશન કાઉન્સિલરોનો શપથગ્રહણ 21 ડિસેમ્બરે થશે.
કેરળમાં બે મુદ્દા, જેની અસર એકદમ અલગ
સબરીમાલા મંદિરના સોનાના નુકસાનનો મુદ્દો સૌથી મોટું ચૂંટણી હથિયાર બન્યો. UDFએ તેને વહીવટી નિષ્ફળતા અને LDF સરકાર દ્વારા વિશ્વાસઘાત તરીકે રજૂ કર્યો. આ ઝુંબેશ લોકોમાં પડઘો પાડતી રહી. બીજી બાજું, હાંકી કાઢવામાં આવેલા એલડીએફ કોંગ્રેસના ધારાસભ્ય રાહુલ મામકુટાથિલ સામે જાતીય સતામણીના આરોપો પર આધારિત એક હરીફ ઝુંબેશ, યુડીએફ સામે એવું જ વાતાવરણ બનાવવામાં નિષ્ફળ ગઈ.
મતદાર યાદીમાં પોતાનું નામ પાછું મેળવવા માટે કેરળ હાઇકોર્ટમાં ગયેલા કોંગ્રેસના ઉમેદવારનો વિજય
તિરુવનંતપુરમ કોર્પોરેશનના મુટ્ટાડા વિભાગના કોંગ્રેસના ઉમેદવાર, જેમણે સ્થાનિક સ્વરાજની ચૂંટણીમાં મતદાર યાદીમાં પોતાનું નામ પાછું મેળવવા માટે કેરળ હાઇકોર્ટનો સંપર્ક કરવો પડ્યો હતો, તેમણે શનિવારે 300થી વધુ મતોના માર્જિનથી વિજય મેળવ્યો. રાજ્ય ચૂંટણી પંચ (SEC) તરફથી નોટિસ મળ્યા બાદ વૈષ્ણવે કેરળ હાઇકોર્ટનો સંપર્ક કર્યો હતો. ત્યારબાદ, હાઇકોર્ટે SECને તેમના દાવાની ફરીથી તપાસ કરવાનો નિર્દેશ આપ્યો. SECએ તેમના કેસની સુનાવણી કરી અને મતદાર યાદીમાં તેમનું નામ પુનઃસ્થાપિત કર્યું. કોંગ્રેસ પાર્ટીએ આરોપ લગાવ્યો હતો કે વૈષ્ણનું નામ મતદાર યાદીમાંથી દૂર કરવું એ LDFનું કાવતરું હતું.
