ઝઘડીયા GIDC પોલીસને મળેલી ચોક્કસ બાતમીના આધારે વાસણા ગામે રહેતા ૩૧ વર્ષીય અનિલ વસાવાના ઘરે રેડ કરી હતી.
તપાસ દરમિયાન આરોપી પોતાના ઘરે આંક ફરકનો સટ્ટો રમાડી નાણાંની હાર-જીતનો જુગાર રમાડતા રંગેહાથ ઝડપાઈ ગયો હતો. પોલીસે ઘટનાસ્થળેથી ₹૧૧,૩૦૦/- ની રોકડ રકમ, આંકડા લખવાની બુક, બોલપેન અને અન્ય સાધન-સામગ્રી કબજે કરી છે. પોલીસે આરોપી વિરુદ્ધ જુગારધારા કલમ હેઠળ ગુનો નોંધી કાયદેસરની કાર્યવાહી હાથ ધરી છે.
