બોક્સ ઓફિસ પર અત્યારે બોલીવુડ અને હોલીવુડની ફિલ્મો વચ્ચે ટક્કર છે. હોલીવુડની ફિલ્મ ‘અવતાર 3’ અને બોલીવુડની ફિલ્મ ‘ધુરંધર’ વચ્ચે જોરદાર જંગ જામી છે. આ બધા વચ્ચે સોશિયલ મીડિયામાં અત્યારે સુપરસ્ટાર ગોવિંદા ‘અવતાર 3’માં કેમીયો કરી રહ્યા છે તેવી અફવાએ જોર પકડયું છે. સોશિયલ મીડિયામાં અવતાર ફિલ્મની કેટલાીક વીડિયો કલીપ સામે આવી છે જેમાં ગોવિંદા દેખાય છે. ગોવિંદા અને ‘અવતાર 3’ને લઈને અત્યારે સોશિયલ મીડિયામાં જોરદાર ચર્ચા છે. હકીકતમાં ગોવિંદાનો આ વીડિયો AI જનરેટેડ છે.
‘અવતાર 3’ની સોશિયલ મીડિયા પર અનેક ક્લિપ્સ સામે આવી છે જેમાં ગોવિંદા ફિલ્મ “અવતાર” ના નવી જેવો દેખાય છે. બ્લુ રંગનું શરીર અને નાવી જેવી હેરસ્ટાઈલમાં અભિનેતા ગોવિંદા પોતાના સંવાદો બોલે છે. વાયરલ કલીપમાં દેખાય છે કે ગોવિંદા હોલીવુડ સ્ટાઈલમાં નહીં પણ બોલીવુડમાં સ્ટાઇલમાં સંવાદ બોલે છે અને પ્રેક્ષકો તાળીઓ પાડે છે અને સીટીઓ વગાડે છે. ગોવિંદા વીડિયોમાં પોતાના પ્રખ્યાત સંવાદો બોલતા જોવા મળે છે, જોકે આ બધા વીડિયો AI નો ઉપયોગ કરીને બનાવવામાં આવ્યા હતા.
ગોવિંદાના આ AI-જનરેટેડ વીડિયો પર ચાહકો જોરશોરથી હસી રહ્યા છે. કેટલાક લોકો અભિનેતાની મજાક ઉડાવી રહ્યા છે, અને લખી રહ્યા છે કે ગોવિંદા “અવતાર 4” માં એક લાંબી ભૂમિકા ભજવશે, જે પેન્ડોરાની દુનિયાને બચાવશે. કેટલાક વપરાશકર્તાઓ વાદળી ગોવિંદાને જોઈને હાસ્યથી લપસી રહ્યા છે. તેઓ ખુશ છે કે ગોવિંદા આખરે “અવતાર” ફિલ્મ શ્રેણીમાં દેખાયો છે, જેના વિશે અભિનેતા ઘણા વર્ષોથી વાત કરી રહ્યા છે. જોકે, ગોવિંદા ખરેખર આ ફિલ્મનો ભાગ નથી.
બોલીવુડની ‘ધુરંધર’ ફિલ્મને લઈને અત્યારે મોટું તોફાન છે. રણવીરનો આ ફિલ્મ હવે હોલીવુડની ‘અવતાર 3’નો સામનો કરી રહી છે. પ્રખ્યાત હોલીવુડ ફિલ્મ નિર્માતા જેમ્સ કેમેરોને તેમની ” અવતાર ” શ્રેણીનો ત્રીજો ભાગ , “અવતાર: ફાયર એન્ડ એશિઝ” ગત સપ્તાહે થિયેટરમાં રિલીઝ થઈ ગઈ છે. હોલીવુડની સૌથી રાહ જોવાતી ફિલ્મ, અવતાર: ફાયર એન્ડ એશ રિલીઝ થઈ ગઈ છે. આ હોલીવુડ ફિલ્મે ત્રણ દિવસની અંદર ત્રણ હજાર કરોડનો આંકડો વટાવી દીધો છે. ધુરંધરની આંધી સામે ફિલ્મ બોક્સ ઓફિસ પર મક્કમગતિએ આગળ વધી રહી છે.
