સંગીત દુનિયાના સૌથી પ્રતિષ્ઠિત ગણાતા ’68માં વાર્ષિક ગ્રેમી એવોર્ડ્સ’માં આ વર્ષે ઈતિહાસ રચાયો છે. તિબ્બતી બૌદ્ધ ધર્મગુરુ દલાઈ લામાએ તેમનો પ્રથમ ગ્રેમી એવોર્ડ જીતીને વિશ્વભરના ચાહકોને ચોંકાવી દીધા છે.
સંગીત દુનિયાના સૌથી પ્રતિષ્ઠિત ગણાતા ’68માં વાર્ષિક ગ્રેમી એવોર્ડ્સ’માં આ વર્ષે ઈતિહાસ રચાયો છે. તિબ્બતી બૌદ્ધ ધર્મગુરુ દલાઈ લામાએ તેમનો પ્રથમ ગ્રેમી એવોર્ડ જીતીને વિશ્વભરના ચાહકોને ચોંકાવી દીધા છે. આ પ્રથમ ઘટના છે જ્યારે કોઈ આધ્યાત્મિક ગુરુને સંગીત ક્ષેત્રનું આ સર્વોચ્ચ સન્માન પ્રાપ્ત થયું હોય.
દલાઈ લામાને તેમના વિશેષ આલ્બમ ‘મેડિટેશન: ધ રિફ્લેક્શન્સ ઓફ હિઝ હોલીનેસ ધ દલાઈ લામા’ માટે આ એવોર્ડ આપવામાં આવ્યો છે. તેમને ‘ઓડિયો બુક, નેરેટર અને સ્ટોરીટેલિંગ રેકોર્ડિંગ’ શ્રેણીમાં વિજેતા જાહેર કરવામાં આવ્યા હતા. આ સ્પર્ધા ખૂબ જ રસાકસી ભરી હતી, કારણ કે તેમણે અમેરિકાના સુપ્રીમ કોર્ટના જસ્ટિસ કેતનજી બ્રાઉન જેક્સન જેવા દિગ્ગજોને પાછળ છોડીને આ ટ્રોફી પોતાના નામે કરી છે.
આ સમારોહમાં અન્ય એક મોટો રેકોર્ડ પ્રખ્યાત ફિલ્મ નિર્દેશક સ્ટીવન સ્પીલબર્ગના નામે નોંધાયો હતો. ‘મ્યુઝિક ફોર જોન વિલિયમ્સ’ માટે તેમને પોતાનો પ્રથમ ગ્રેમી એવોર્ડ મળ્યો. આ જીત સાથે સ્પીલબર્ગ હવે EGOT ક્લબમાં સામેલ થઈ ગયા છે. EGOT એટલે એવા કલાકારો જેમની પાસે એમી (Emmy), ગ્રેમી (Grammy), ઓસ્કાર (Oscar) અને ટોની (Tony) એમ ચારેય પ્રતિષ્ઠિત એવોર્ડ હોય.
સંગીત ક્ષેત્રે હાલમાં ધૂમ મચાવતા K-Pop એ પણ આ વખતે ગ્રેમીમાં ખાતું ખોલાવ્યું છે. ‘ડેમન હન્ટર્સ’ના ગીત ‘ગોલ્ડ’ ને વિઝ્યુઅલ મીડિયા માટે શ્રેષ્ઠ લેખિત સોન્ગનો એવોર્ડ મળ્યો છે. કોઈ K-Pop કલાકાર માટે ગ્રેમી જીતવાનો આ પ્રથમ અવસર છે. કલાકારોએ તેમનું સ્વીકૃતિ ભાષણ અંગ્રેજી અને કોરિયન બંને ભાષામાં આપીને સૌનું દિલ જીતી લીધું હતું. આ વર્ષના ગ્રેમી એવોર્ડ્સે સાબિત કર્યું છે કે સંગીત અને કલાની કોઈ સીમા હોતી નથી, જેમાં એક તરફ આધ્યાત્મિકતા છે તો બીજી તરફ આધુનિક પોપ કલ્ચર અને હોલીવુડની ભવ્યતા.
