ગણપત યુનિવર્સિટીએ સ્ત્રી સમાનતાને પ્રોત્સાહન આપવા માટેના મહત્વપૂર્ણ સીમાચિહ્નરૂપ, EmpowHer 2026 સમિટનું આયોજન કરવામાં આવ્યું, જેની થીમ “Breaking Barriers, Shaping the Future” હતી. આ કાર્યક્રમમાં શિક્ષણ, ઉદ્યોગ, કાયદો અને સામાજિક ક્ષેત્રોમાંથી પ્રતિષ્ઠિત અગ્રણીઓ એકઠા થઈને મહિલા સશક્તિકરણ માટેના પડકારો, ઉકેલો અને દ્રષ્ટિકોણો પર ચર્ચા કરી. સમિટમાં પ્રેરણાદાયી સંબોધનો, પેનલ ચર્ચામાં ફેકલ્ટી, વિદ્યાર્થીઓ તથા અતિથિઓને સામેલ કરીને સર્જનાત્મક વાતાવરણ બનાવવામાં આવ્યું, જેનો ઉદ્દેશ્ય સર્વાંગી વિકાસને પ્રોત્સાહન આપવાનો હતો.
પછી એક પરંપરાગત દીપ પ્રાગટ્ય વિધિ કરવામાં આવી, જે જ્ઞાનની અજ્ઞાન પર અને સમાનતાની અસમાનતા પર જીતનું પ્રતીક છે.ફેકલ્ટી ઓફ એગ્રીકલ્ચર અને અલાઇડ સાયન્સિસ ટેક્નોલોજીના એક્ઝિક્યુટિવ ડીન ડો. મૌર્વી વસાવડાએ સ્વાગત સંબોધન આપ્યું, જેનાથી વાતાવરણ અર્થપૂર્ણ બન્યું. તે પછી ગણપત યુનિવર્સિટિના પ્રેસિડેન્ટ અને પેટ્રોન ઇન ચીફ, ડૉ. ગણપત આઈ. પટેલના શબ્દો દ્વારા નેતૃત્વને હેતુગત બનાવવા પર ભાર મૂકવામાં આવ્યો, તેમણે જણાવ્યું કે ગણપત યુનિવર્સિટી “એવા શીખવાના મંદિરમાં પરિવર્તિત થઈ છે જ્યાં સપના દિશા મેળવે છે અને જ્ઞાન હેતુ મેળવે છે.”
એક ભાવ્નાત્મક ક્ષણે શ્રીમતી મંજુલાબેન પટેલનો જન્મદિવસની કેક કાપવામાં આવી. શાંત શક્તિના સ્તંભ તરીકે વર્ણવાયેલી દાદીને ઉત્તર ગુજરાતમાં શ્રીમતી એમ. જી. પટેલ સૈનિક શાળા ફોર ગર્લ્સનું સંચાલન સહિત છોકરીઓની શિક્ષણમાં પ્રમુખ દાતા તરીકે માટે સન્માનિત કરવામાં આવ્યાં. આક્ષણે મૂલ્યોની અને સ્થિરતા દ્વારા સશક્તિકરણની સ્વગૃહેથીજ શરૂઆત થઈ.
મુખ્ય આકર્ષણ “Breaking Barriers, Shaping the Future” પરની પેનલ ચર્ચા હતી, જેનું સંચાલન ઇન્ટરનેશનલ અફેર્સની એક્ઝિક્યુટિવ ડીન ડૉ. રેમી મિત્રા અને ઑફ-કેમ્પસ સેન્ટરના એક્ઝિક્યુટિવ ડીન અને GUNI-CMSRની અધ્યક્ષા ડૉ. પ્રિયંકા પાઠકે કર્યું. પેનલિસ્ટમાં સામેલ હતા: માર્વેલ સેમિકન્ડક્ટર (કેલિફોર્નિયા, USA)ની ઇન્ટરનેશનલ ટેક્સની સીનિયર ડિરેક્ટર અને ગણપત યુનિવર્સિટીના બોર્ડ ઓફ ગવર્નર્સના સભ્ય- શ્રીમતી રીટા પટેલ, જેમણે વૈશ્વિક ટેક્સ વ્યૂહરચના અને ઉદ્યોગ-એકેડેમિયા સહયોગ પર આંતરદૃષ્ટિ આપી; વાઇનબર્ગ, જેકોબ્સ & તોલાણી, LLP (મેરીલેન્ડ, USA)ની મેનેજિંગ પાર્ટનર, વ્યવસાય કાયદા, નિયમન અનુપાલન અને એસ્ટેટ પ્લાનિંગની નિષ્ણાત શ્રીમતી અનિતા તોલાણી ; રાષ્ટ્રીય પુરસ્કાર વિજેતા શૂટર, સાત પુસ્તકોની લેખિકા જે વડાપ્રધાન દ્વારા માન્યતા પામેલી, NCC મેન્ટર જેમણે 37 કેડેટ્સને અધિકારી બનાવ્યા તે લેફ્ટેનન્ટ ડૉ. સ્વાતી નિગમ ; અને જેમના VSSMએ 27 જિલ્લામાં 200,000થી વધુ પરિવારોને પરિવર્તિત કર્યા તે શ્રીમતી મિત્તલ પટેલ, જેમણે નાગરિક અધિકાર પુનઃસ્થાપિત કરીને નિવાસ, આરોગ્યસેવા, શિક્ષણ અને સામાજિક સુરક્ષા પૂરી પાડી હોય, જેમણે નારી શક્તિ પુરસ્કાર અને આશોકા ફેલોશિપ જેવા સન્માનો મેળવ્યા.
ચર્ચામાં સિસ્ટેમેટિક અવરોધો અને કાર્યસ્થળ પર અસમાનતા જેવા પડકારો, સંસ્થાકીય અને સમુદાય કાર્યવાહી દ્વારા ઉકેલો, અને સશક્તિકરણને નિયમ બનાવવાની દ્રષ્ટિ પર ચર્ચા કરવામાં આવી. પેનલિસ્ટ્સએ વાર્તાઓ શેર કરીને સમાજને આકાર આપવા અને વિચારોને અસરમાં ફેરવવા પર ભાર મૂક્યો.
શ્રીમતી મિત્તલ પટેલે પછી “મહિલાઓની સામાજિક સ્થિતિ” પર વિશેષ સંબોધન આપ્યું, જે 15 વર્ષના પાયાગત કાર્યઅનુભવ પર આધારિત હતું, જેમાં વંચિત મહિલાઓને જીવનધારણ વિકાસ, નાણાકીય સમાવેશ, શિક્ષણ અને કાનૂની ઓળખ પુનઃસ્થાપન દ્વારા સશક્ત બનાવવામાં આવી. તેમણે યુવા છોકરીઓને સાહસિક બનીને સમાજસેવા કરવા માટે પ્રોત્સાહિત કરી.
કાર્યક્રમનું સમાપન ફેકલ્ટી ઓફ નર્સિંગની એક્ઝિક્યુટિવ ડીન ડૉ. કર્પગાવલ્લી નાગેશ્વરન દ્વારા આભાર સાથે થયું. તેમણે ઉપસ્થિત સર્વેના સમર્પણની પ્રશંસા કરી. તે પછી યુનિવર્સિટી ગીત અને ગ્રુપ ફોટો સેશન થયું.
