નિક જોનાસની બહેન માયા કિબેલનું 30 વર્ષની વયે લાંબી બીમારી બાદ અવસાન થયું છે. નિક જોનાસ ખૂબ જ દુ:ખી છે. પ્રિયંકા ચોપરા પણ માયા કિબેલની નજીક હોવાનું કહેવાય છે.
પ્રિયંકા ચોપરાના પતિ અને ગાયક નિક જોનાસના બાળપણના મિત્ર અને બહેન માયા કિબેલનું 30 વર્ષની વયે અવસાન થયું છે. તે વિલ્સન રોગ નામની એક દુર્લભ આનુવંશિક સ્થિતિથી પીડાતી હતી. માયાની માતાએ સોશિયલ મીડિયા પર આ દુ:ખદ સમાચાર શેર કર્યા. પ્રિયંકા ચોપરાના પતિ નિક, તેની બહેનના મૃત્યુથી આઘાતમાં છે.
તેના પરિવારના જણાવ્યા મુજબ, માયા 7 માર્ચે પડી ગઈ હતી અને તેને તાત્કાલિક ઇમરજન્સી રૂમમાં લઈ જવામાં આવી હતી. તબીબી પ્રયાસો છતાં, ડોકટરો તેને બચાવી શક્યા નહીં કારણ કે તેના હૃદય અને ફેફસાંએ કામ કરવાનું બંધ કરી દીધું હતું. તેની માતાએ કહ્યું કે માયાને તેની માંદગી દરમિયાન ખૂબ જ દુખાવો થયો હતો પરંતુ તે અંત સુધી બહાદુરીથી લડી.
માયા કિબેલની માતા કિયોકો કિબેલે, સોશિયલ મીડિયા પર એક ઈમોશનલ પોસ્ટ શેર કરતા લખ્યું, આ દુ:ખદ સમાચાર પોસ્ટ કરતાં મને ખૂબ જ દુઃખ થાય છે. માયા વિલ્સન ડિસીઝ નામની એક દુર્લભ બીમારી સામે લડી રહી હતી. તેણે સખત લડત આપી, પરંતુ તેનું શરીર હાર માની ગયું. 3/7 ની સવારે, તે પડી ગઈ, અને તેનું હૃદય અને ફેફસાં કામ કરવાનું બંધ કરી દીધું. ઘણું મોડું થઈ ગયું હતું, અને તેનું ER માં અવસાન થયું.
તેણે એટલું બધું સહન કર્યું કે તે ઘણીવાર પીડાને કારણે રડતી અને સૂઈ જતી, તેમણે ઉમેર્યું. પરંતુ હવે તે સ્વર્ગમાં ગઈ છે જ્યાં તે કોઈ પણ પીડા કે આંસુ વિના તેના પિતા સાથે રહી શકે છે.
કિબેલનો જોનાસ પરિવાર સાથે ગાઢ સંબંધ હતો અને ખાસ કરીને નિક જોનાસની નજીક હતો. અહેવાલો અનુસાર, બંને ભાઈ અને બહેનની જેમ મોટા થયા હતા. પોસ્ટ પર પ્રતિક્રિયા આપતા, પ્રિયંકા ચોપરાના પતિ નિકે કોમેન્ટમાં શ્રદ્ધાંજલિ આપી, લખ્યું, મારી બહેન હંમેશા. હંમેશા તમારા માટે હાજર. નિક જોનાસની પત્ની અને ગ્લોબલ આઇકન પ્રિયંકા ચોપરા પણ માયા કિબેલની નજીક હોવાનું કહેવાય છે. નિક જોનાસની પોસ્ટ પછી, ફેન્સ પણ નિક સાથેની તેમની તસવીર શેર કરીને માયા કિબેલના નિધન પર શોક વ્યક્ત કરી રહ્યા છે.
