ડાકોર નગરપાલિકાની આજે મળેલી સામાન્ય સભામાં ૨૦૨૬-૨૭ માટે ૩.૯૨ કરોડની પુરાંતવાળું બજેટ સર્વાનુમતે મંજૂર કરવામાં આવ્યું છે. જિલ્લા આયોજનની ૫૦ લાખની ગ્રાન્ટમાંથી વિકાસના કામો મંજૂર કરાયા હતા.
ડાકોર પાલિકામાં આજે બપોર બાદ ચાર વાગ્યે સામાન્ય સભા યોજાઇ હતી. જેમાં ૨૦૨૬-૨૭ માટે ઉઘડતી સિલક ૮૭.૭૫ લાખ અને ૨૩.૬૭ કરોડની આવક સાથે કુલ ૨૪.૫૫ કરોડની આવક દર્શાવાઇ છે. જયારે બંધ સિલક ૧૨.૮૩ કરોડ અને ખર્ચ ૨૦.૬૩ કરોડ દર્શાવવામાં આવ્યો છે. પાલિકાનો વાર્ષિક ખર્ચ ૨.૬૩ કરોડનો પગાર ખર્ચ બાદ ૩.૯૨ કરોડની પુરાંતવાળું બજેટ સર્વેનુમતે મંજૂર કરવામાં આવ્યું હતું.
જયારે જિલ્લા આયોજનની ૫૦ લાખની ગ્રાન્ટમાંથી એમ્બ્યુલન્સ અને ગોમતી નદીના ખડીયાદ વિસ્તારમાં પ્રોટેક્શન વોલ બનાવાવમાં આવશે.
