રાજકોટ/અમદાવાદ:
કહેવાય છે કે દરેક સફળ પુરુષ પાછળ એક સ્ત્રીનો હાથ હોય છે, પણ આજે ગુજરાતમાં એક એવી ઘટના સામે આવી છે જ્યાં એક સ્ત્રીની સફળતા પાછળ એક યુવકના અતૂટ પ્રેમ અને બલિદાનની ગાથા છુપાયેલી છે. કોલેજના દિવસોમાં શરૂ થયેલી એક પ્રેમકથા આજે ખાખી વર્દીના સન્માન સાથે લગ્નમંડપ સુધી પહોંચી છે.
સ્વપ્ન તેણીનું, સંઘર્ષ તેનો!
વર્ષો પહેલા જ્યારે કોલેજના કેમ્પસમાં આ યુગલ મળ્યું, ત્યારે યુવતીએ પોતાની આંખોમાં એક સપનું સેવ્યું હતું – IPS ઓફિસર બનવાનું. આર્થિક પરિસ્થિતિ કે અન્ય કારણો અવરોધ ન બને તે માટે તેના પ્રેમીએ એક મોટો નિર્ણય લીધો. તેણે પોતાનો અભ્યાસ અધવચ્ચે જ છોડી દીધો અને કમાવાનું શરૂ કર્યું, જેથી તે પોતાની પ્રેમિકાના ભણતરનો ખર્ચ ઉઠાવી શકે અને તેના સપનાને પાંખો આપી શકે.
“મેં મારો અભ્યાસ છોડ્યો કારણ કે મારે તેના સપનાને જીવતું રાખવું હતું. આજે જ્યારે તે IPS બનીને મારી સામે ઉભી રહી અને લગ્નનો પ્રસ્તાવ મૂક્યો, ત્યારે મારો તમામ થાક ઉતરી ગયો.” — યુવકના શબ્દો
દરેક છોકરી સરખી નથી હોતી: વફાદારીની જીત
સોશિયલ મીડિયા પર ઘણીવાર નકારાત્મક કિસ્સાઓ સાંભળવા મળતા હોય છે, પરંતુ આ કિસ્સો સમાજ માટે એક ઉદાહરણ છે. IPS ઓફિસર બન્યા બાદ પણ તે યુવતી પોતાની જૂની યાદો કે તે યુવકના ઉપકારને ભૂલી નથી. આજે તેણે જ સામેથી લગ્નનો પ્રસ્તાવ મૂકીને સાબિત કરી દીધું કે “મારી રાણી વિશ્વાસુ નીકળી.”
નવી દુનિયાની શરૂઆત
ટૂંક સમયમાં જ આ યુગલ લગ્નના બંધને બંધાવા જઈ રહ્યું છે. “પાક્કો ગુજરાત” ની સમગ્ર ટીમ તરફથી આ નવદંપતીને આવનારા જીવન માટે ખૂબ ખૂબ શુભકામનાઓ અને આશીર્વાદ. તમારો પ્રેમ અને એકબીજા પ્રત્યેનો આદર કાયમ જળવાઈ રહે તેવી પ્રાર્થના.
