પોર્ટુગલે 2026ના ફિફા વર્લ્ડ કપના રાઉન્ડ ઓફ 16 માટે ક્વોલિફાય કર્યું છે. તેમણે રાઉન્ડ ઓફ 32માં ક્રોએશિયાને 2-1થી હરાવ્યું હતું. ટોરન્ટોમાં રમાયેલી આ મેચમાં પોર્ટુગલે આખરે આ રોમાંચક મેચ જીતી લીધી અને હવે રાઉન્ડ ઓફ 16માં 2010ના ચેમ્પિયન સ્પેનનો સામનો કરશે. દરમિયાન ક્રોએશિયા વર્લ્ડ કપમાંથી બહાર થઈ ગયું છે. પોર્ટુગલ માટે ક્રિસ્ટિયાનો રોનાલ્ડોએ પેનલ્ટી ફટકારી હતી. ગોન્ઝાલો રામોસે 90મી મિનિટે ઈજાના સમયમાં ગોલ કર્યો.
53મી મિનિટે ક્રોએશિયા માટે પેરિસિકે ગોલ કર્યો. આ ક્રોએશિયન ફૂટબોલ દિગ્ગજ લુકા મોડ્રિકનો છેલ્લો વર્લ્ડ કપ હોઈ શકે છે અને મેચ પછી રોનાલ્ડોએ તેને ભેટી પડ્યો હતો.હાફ-ટાઇમ પર કોઈ ગોલ થયો ન હતો. પોર્ટુગલે પહેલા હાફમાં સતત વળતા હુમલા શરૂ કર્યા. રોનાલ્ડોએ પ્રથમ 10 મિનિટમાં હેડરની સરળ તક ગુમાવી. પોર્ટુગલે બીજી ઘણી તકો પણ ગુમાવી. ક્રોએશિયાના ડિફેન્ડર્સે શાનદાર બચાવ કર્યો. પોર્ટુગલે પહેલા હાફમાં નવ ગોલ કર્યા જ્યારે ક્રોએશિયાએ ત્રણ ગોલ કર્યા હતા.ક્રિસ્ટિયાનો રોનાલ્ડોએ ફિફા વર્લ્ડ કપ 2026 માટે ટોરન્ટોમાં પોર્ટુગલ અને ક્રોએશિયા વચ્ચેના રાઉન્ડ ઓફ 32 મેચમાં ઇતિહાસ રચ્યો હતો. 41 વર્ષીય સ્ટારે વર્લ્ડ કપ નોકઆઉટ સ્ટેજમાં પોતાની કારકિર્દીનો પહેલો ગોલ જ નહીં પરંતુ ટુર્નામેન્ટના ઇતિહાસમાં બીજો એક મોટો રેકોર્ડ પણ બનાવ્યો હતો.આ ગોલ રોનાલ્ડો માટે ખૂબ જ ખાસ હતો કારણ કે તે ફિફા વર્લ્ડ કપ નોકઆઉટ મેચમાં તેનો પ્રથમ વખત ગોલ કરવાનો હતો. અગાઉ વર્લ્ડ કપમાં તેના બધા ગોલ ગ્રુપ સ્ટેજમાં આવ્યા હતા.
આ વર્તમાન ટુર્નામેન્ટમાં તેનો ત્રીજો ગોલ હતો. તેણે અગાઉ ગ્રુપ સ્ટેજમાં ઉઝબેકિસ્તાન સામે બે ગોલ કર્યા હતા.આ ગોલ સાથે રોનાલ્ડોના હવે ફિફા વર્લ્ડ કપમાં કુલ 11 ગોલ થઈ ગયા છે. તેણે વર્લ્ડ કપ ઇતિહાસમાં સૌથી વધુ ગોલ કરનારા ખેલાડીઓમાં પોતાનું સ્થાન મજબૂત કર્યું.રોનાલ્ડોએ મેદાનમાં પ્રવેશતાની સાથે જ વધુ એક ઐતિહાસિક સિદ્ધિ હાંસલ કરી. 41 વર્ષ અને 147 દિવસની ઉંમરે તે ફિફા વર્લ્ડ કપ નોકઆઉટ મેચ રમનાર ઇતિહાસનો સૌથી વૃદ્ધ ખેલાડી બન્યો. આ સિદ્ધિએ તેના લાંબા અને શાનદાર આંતરરાષ્ટ્રીય કારકિર્દીમાં વધુ એક યાદગાર પ્રકરણ બનાવ્યું.
લેમિન યમાલે પેલે અને મેસ્સીની ખાસ ક્લબમાં એન્ટ્રી કરી
જે રીતે 1958 માં પેલેએ નાની ઉંમરે બ્રાઝિલને વર્લ્ડ ચેમ્પિયન બનાવ્યું હતું, તે જ રીતે 2026 માં લેમિન યમાલ સ્પેનની ટીમને ફરી એકવાર વર્લ્ડ કપની ટ્રોફી અપાવવા માટે મજબૂત દાવેદાર દેખાઈ રહ્યો છે. બાર્સેલોનાના આ યુવા ખેલાડીઓએ ખરેખર વર્લ્ડ કપના ઈતિહાસને પોતાના અનોખા અંદાજમાં ધૂમ મચાવી છે.વર્લ્ડ કપ 2026 માં સાઉદી અરેબિયા સામેની મેચમાં સ્પેને 4-0 થી ભવ્ય વિજય મેળવ્યો હતો. આ મેચમાં માત્ર 10મી મિનિટે ગોલ કરીને લેમિન યમાલ વર્લ્ડ કપ ઈતિહાસમાં ગોલ કરનાર 8મો સૌથી યુવા ખેલાડી બની ગયો છે. 19 વર્ષની ઉંમર પહેલાં વર્લ્ડ કપમાં ગોલ કરનારા ખેલાડીઓની યાદી ખૂબ જ મર્યાદિત છે, જેમાં હવે બ્રાઝિલના મહાન પેલે અને આર્જેન્ટિનાના લિઓનલ મેસ્સી સાથે લેમિન યમાલનું નામ પણ જોડાઈ ગયું છે.
