૨૦૨૬ કોમનવેલ્થ ગેમ્સ પૂર્ણ થઈ ગઈ છે, જેમાં ભારત ૩૯ મેડલ સાથે મેડલ ટેલીમાં ચોથા સ્થાને છે. ભારતીય ખેલાડીઓએ ૧૩ ગોલ્ડ, ૧૭ સિલ્વર અને ૯ બ્રોન્ઝ મેડલ જીત્યા છે. આ વર્ષે કોમનવેલ્થ ગેમ્સમાં માત્ર ૧૦ રમતો રમાઈ હતી, છતાં ભારતે ૩૯ મેડલ જીત્યા છે. વડાપ્રધાન નરેન્દ્ર મોદીએ ભારતના પ્રદર્શનની પ્રશંસા કરી છે.
નીરજ ચોપરાથી લઈને મીરાબાઈ ચાનુ અને લવલીના બોર્ગોહેન સુધી, કુલ ૩૮ ભારતીય ખેલાડીઓએ કોમનવેલ્થ ગેમ્સમાં મેડલ જીત્યા છે. ગુલવીર સિંહ બે વ્યક્તિગત મેડલ જીતનાર એકમાત્ર ભારતીય હતા. ગુલવીરએ પુરુષોની ૧૦,૦૦૦ મીટરમાં સિલ્વર અને ૫,૦૦૦ મીટરમાં બ્રોન્ઝ મેડલ જીત્યો હતો.
પીએમ મોદીએ સોશિયલ મીડિયા પર ભારતીય ખેલાડીઓ પ્રત્યે ગર્વ વ્યક્ત કરતા કહ્યું, “મને ગ્લાસગો કોમનવેલ્થ ગેમ્સમાં ભારતીય ખેલાડીઓના પ્રદર્શન પર ગર્વ છે. મને આનંદ છે કે ભારતે ૧૩ ગોલ્ડ સહિત ૩૯ મેડલ જીત્યા. બધા મેડલ વિજેતાઓને અભિનંદન.”
પોતાના સંદેશમાં પીએમ મોદીએ આગળ લખ્યું, “આપણા પ્રતિભાશાળી ખેલાડીઓએ કોમનવેલ્થ ગેમ્સ દરમિયાન અવિશ્વસનીય કૌશલ્ય, દૃઢ નિશ્ચય અને સમર્પણ દર્શાવ્યું. તેમની મહેનત યુવાનોને પ્રેરણા આપતી રહેશે. આગામી ઇવેન્ટ્સ માટે ભારતીય ખેલાડીઓને શુભકામનાઓ. મને આશા છે કે રમતવીરો પોતાનું શ્રેષ્ઠ આપીને દેશને ગૌરવ અપાવતા રહેશે.”
યાદ કરો કે 2022 બર્મિંગહામ ગેમ્સમાં 210 ભારતીય ખેલાડીઓએ ભાગ લીધો હતો. તેની સરખામણીમાં, 2026 ગેમ્સ માટે ફક્ત 122 ખેલાડીઓ ગ્લાસગો ગયા હતા. આમ છતાં, ભારતે મેડલ ટેલીમાં પોતાનું ચોથું સ્થાન જાળવી રાખ્યું. ભારતે 13 ગોલ્ડ, 17 સિલ્વર અને 9 બ્રોન્ઝ મેડલ જીત્યા.
