IND VS WI : વેસ્ટ ઇન્ડીઝે ચોથી ટી20 મેચમાં ભારતને 24 રને હરાવ્યું છે. આ શાનદાર જીત સાથે 5 મેચની ટી20 સિરીઝ 2-2ની બરાબરી પર આવી ગઈ છે અને હવે સિરીઝનો આખરી અને નિર્ણાયક મુકાબલો શનિવારે ઑગસ્ટે બેંગલુરુમાં રમાશે.
ટોસ હારતા પહેલા બેટિંગ કરવા ઉતરેલી વેસ્ટ ઇન્ડીઝની ટીમે 20 ઓવરમાં 3 વિકેટે 247 રનનો વિશાળ સ્કોર બનાવ્યો હતો. કેપ્ટન શાઈ હોપે માત્ર 50 બોલમાં અણનમ 102 રનની વિસ્ફોટક ઇનિંગ રમી હતી, જેમાં 4 ચોગ્ગા અને 9 છગ્ગા સામેલ હતા. હોપનું આ આખી સિરીઝમાં બીજી સદી છે, અગાઉ તેણે રાંચીમાં રમાયેલી બીજી મેચમાં પણ સદી ફટકારી હતી. તેની સાથે શેરફેન રદરફોર્ડે પણ અણનમ 49 રનનું મહત્વપૂર્ણ યોગદાન આપ્યું હતું. ભારત તરફથી બોલિંગમાં પ્રિન્સ યાદવ, અક્ષર પટેલ અને અર્શદીપ સિંહે 1-1 વિકેટ ઝડપી હતી.
વેસ્ટ ઇન્ડીઝના 247 રનના જવાબમાં ભારતીય ટીમ 223 રનમાં ઓલઆઉટ થઈ ગઈ છે. કીમો પોલે શાનદાર પ્રદર્શન કરતા 5 વિકેટ ઝડપી હતી. મેન્સ ટી20 ઇન્ટરનેશનલમાં આ તેનો બીજો 5 વિકેટ હોલ છે અને તે આ સિદ્ધિ મેળવનાર વેસ્ટ ઇન્ડીઝનો પહેલા બોલર બની ગયો છે.ભારતીય ઇનિંગ્સની છેલ્લી ઓવરમાં અર્શદીપ સિંહ ઇજાગ્રસ્ત થઈ ગયો. તેણે 4 બોલમાં 5 રન બનાવ્યા અને રિટાયર્ડ હર્ટ થઈને મેદાનની બહાર જતો રહ્યો.
આ જીત સાથે વેસ્ટ ઈન્ડિઝે 5 મેચની ટી20 શ્રેણીમાં જોરદાર વાપસી કરી છે. ભારત પાસે શ્રેણી જીતવાની તક હતી, પરંતુ ચોથી મેચમાં હાર મળતાં હવે નિર્ણાયક પાંચમી મેચ બંને ટીમો માટે મહત્વપૂર્ણ બની ગઈ છે. બંને ટીમો હવે શ્રેણી જીતવાના ઇરાદા સાથે મેદાનમાં ઉતરશે.
કીમો પોલ ભારત સામે પાંચ વિકેટ ઝડપનાર બીજો બોલર બન્યો
કીમો પોલે હૈદરાબાદમાં 41 રન આપીને 5 વિકેટ લીધી. તેઓ ભારત સામે ટી-20 આંતરરાષ્ટ્રીય ક્રિકેટમાં 5 વિકેટ લેનારા બીજા બોલર છે. તેમના પહેલાં વેસ્ટ ઇન્ડિઝના જ ઓબેડ મેકકોયે 2022માં આ સિદ્ધિ મેળવી હતી.
હોપ વેસ્ટ ઇન્ડિઝ માટે ટી-20 આંતરરાષ્ટ્રીયમાં સૌથી વધુ સદી ફટકારનાર બેટ્સમેન બની ગયા. તેમણે ક્રિસ ગેઇલ અને ઇવિન લૂઇસની 2-2 સદીઓને પાછળ ધકેલી દીધી.હોપે ટી-20 આંતરરાષ્ટ્રીયમાં 16મો 50+ સ્કોર બનાવ્યો. તેણે વેસ્ટ ઇન્ડિઝ માટે સૌથી વધુ ફિફ્ટી અથવા તેનાથી વધુ સ્કોર બનાવવાના મામલે ક્રિસ ગેઇલની બરાબરી કરી. બંનેએ 16-16 વખત આ સિદ્ધિ મેળવી છે.
વિન્ડિઝના 248 રનના લક્ષયાંક સામે ભારત 223માં ઓલઆઉટ થઇ ગયુ હતું
