ભારતમાં સોનાની કિંમતમાં તેજી જોવા મળી રહી છે. સોનું અને ચાંદી બંનેની કિંમતો ઝડપથી વધી રહી છે. ત્યારે 12 માર્ચે પણ સોના ચાંદીના ભાવમાં ફેરફાર આવ્યો.
ઇરાન-ઇઝરાયલ અને અમેરિકા વચ્ચે ચાલી રહેલા યુદ્ધની અસર વૈશ્વિક સ્તરે જોવા મળી છે. એક તરફ ગેસની અછત થઇ રહી છે તો બીજી તરફ સોના ચાંદીના ભાવ પણ આસમાને પહોંચી રહ્યા છે. શેરબજારમાં સ્થિતિ ડામાડોળ છે પરિણામે રોકાણકારો પરેશાન છે. ત્યારે રોજબરોજ સોના ચાંદીમાં ફેરફાર આવ્યા બાદ 12 માર્ચે સોના ચાંદીની કિંમત શું છે તે વિશે જાણીએ.
ભારતમાં આજે સોનાના ભાવમાં વધારો જોવા મળી રહ્યો છે. દેશમાં આજે 22 કેરેટ સોનાનો ભાવ પણ વધ્યો છે. આજે 22 કેરેટ સોનાનો ભાવ પ્રતિ ગ્રામ આશરે ₹14970 છે. સ્થાનિક બજારમાં 22 કેરેટ સોનાના 10 ગ્રામનો ભાવ આશરે ₹149700 છે, જ્યારે 100 ગ્રામનો ભાવ આશરે ₹1497000 છે. તેવી જ રીતે 18 કેરેટ સોનાનો ભાવ આશરે ₹12248 પ્રતિ ગ્રામ છે, જે ગઈકાલની સરખામણીમાં ₹69 નો વધારો દર્શાવે છે. આજે 18 કેરેટ સોનાના 10 ગ્રામનો ભાવ આશરે ₹1,22,480 છે, જ્યારે 100 ગ્રામનો ભાવ આશરે ₹12,24,800 છે.
ભારતમાં ચાંદીના ભાવમાં ગુડ રિટર્ન્સ અનુસાર ઘટાડો નોંધાયો છે. ચાંદીના ભાવ પ્રતિ ગ્રામ ₹280 અને પ્રતિ કિલોગ્રામ ₹280,000 પર સ્થિર રહ્યા. મુંબઈ, દિલ્હી, કોલકાતા, બેંગલુરુ, પુણે, વડોદરા અને અમદાવાદ જેવા શહેરોમાં આજે ચાંદી પ્રતિ 10 ગ્રામ ₹2,800 ના ભાવે વેચાઈ રહી છે.
મોટા શહેરોમાં આજનો સોનાનો ભાવ (ગુડ રિટર્ન્સ અનુસાર)
શહેર 24 કેરેટ પ્રતિ 10ગ્રામ 22 કેરેટ પ્રતિ 10 ગ્રામ
અમદાવાદ 1,62,270 1,48,750
વડોદરા 1,62,270 1,48,750
રાજકોટ 1,62,270 1,48,750
સુરત 1,62,270 1,48,750
મુંબઈ 1,62,220 1,48,700
દિલ્હી 1,62,230 1,48,850
નિષ્ણાંતો કહે છે કે ભૂરાજકીય અનિશ્ચિતતાથી સોનાને માળખાકીય ટેકો મળી રહ્યો છે, પરંતુ વ્યાપક મેક્રોઇકોનોમિક પરિબળો પણ એટલા જ મહત્વપૂર્ણ છે. રોકાણકારો વૈશ્વિક ફુગાવાના વલણો અને કેન્દ્રીય બેંકની નીતિઓ પર નજીકથી નજર રાખી રહ્યા છે. આ દરમિયાન આજે પ્રતિ બેરલ 100 ડોલરને પાર કરતા ક્રૂડ ઓઇલના ભાવ પણ સોનાના ભાવ પર અસર કરી રહ્યા છે. સામાન્ય રીતે જ્યારે ક્રૂડ ઓઇલના ભાવ વધે છે, ત્યારે સોનું પણ વધુ મોંઘું થાય છે. ક્રૂડ ઓઇલના ભાવથી લઈને ઉત્પાદન સુધીના ખર્ચમાં વધારો કરે છે. આ ફુગાવાનું જોખમ વધારે છે, અને સોનાને લાંબા સમયથી ફુગાવા સામે સલામત રોકાણ માનવામાં આવે છે.
વધુમાં તેલના ભાવ ડોલરના મૂલ્ય પર પણ અસર કરે છે, કારણ કે તે વિશ્વભરમાં તેલના વેપાર માટે વપરાતું ચલણ છે. જ્યારે તેલના ભાવ વધે છે, ત્યારે અમેરિકા જેવા તેલ આયાત કરતા દેશોના ખર્ચમાં વધારો થાય છે. આનાથી ક્યારેક ડોલર નબળો પડે છે. જ્યારે ડોલર નબળો પડે છે, ત્યારે રોકાણકારો સલામત સ્વર્ગ તરીકે સોના તરફ વળે છે. તે સ્પષ્ટ છે કે સોનાની માંગ વધવાની સાથે તેની કિંમત પણ વધશે.
