સલમાન ખાનના બનેવી આયુષ શર્માને ધમકીભર્યો ઈમેલ મળ્યો છે. મીડિયા રિપોર્ટ મુજબ આ ઈમેલ લોરેન્સ બિશ્નોઈ ગેંગનો હોવાનું જણાય છે. મુંબઈ ક્રાઈમ બ્રાન્ચે બુધવારે જણાવ્યું હતું કે આયુષને ધમકીભર્યો ઈમેલ મળ્યો હતો અને મોકલનાર વ્યક્તિએ લોરેન્સ બિશ્નોઈ ગેંગ સાથે સંકળાયેલો હોવાનો દાવો કર્યો હતો.
મુંબઈ ક્રાઈમ બ્રાન્ચે જણાવ્યું હતું કે આયુષ શર્માને લોરેન્સ બિશ્નોઈ ગેંગ તરફથી પ્રોટોન મેઈલ દ્વારા ઈમેલ દ્વારા ધમકી મળી હતી, જ્યારે રણવીર સિંહને VPNનો ઉપયોગ કરીને વોટ્સએપ વોઈસ નોટ મળી હતી.રણવીર સિંહને વોટ્સએપ પર કરોડો રૂપિયાની માગ કરતો ધમકીભર્યો વોઇસ મેસેજ મળ્યાના થોડા સમય પછી આયુષને ધમકી આપવામાં આવી છે. ધમકી બાદ તેના ઘરની બહાર સુરક્ષા વધારી દેવામાં આવી હતી અને પોલીસે તપાસ શરૂ કરી હતી.
અધિકારીઓએ જણાવ્યું હતું કે મોકલનાર વ્યક્તિએ VPN દ્વારા વોઈસ નોટ મોકલી હતી જેથી તેનું સ્થાન શોધવાનું મુશ્કેલ બને. તેને પોતાને બિશ્નોઈ ગેંગ સાથે સંકળાયેલા હોવાનો દાવો કર્યો હતો.
મીડિયા રિપોર્ટ મુજબ બંને કિસ્સાઓમાં એટલે કે આયુષને મોકલવામાં આવેલ ઈમેલ અને રણવીરને મોકલવામાં આવેલ વોટ્સએપ મેસેજ મોકલનારની ઓળખ છુપાવવામાં આવી છે અને વિવિધ ડિજિટલ ટૂલ્સનો ઉપયોગ કરવામાં આવ્યો છે.
તમને જણાવી દઈએ કે આ બે ધમકીઓ પહેલા 31 જાન્યુઆરીએ ફિલ્મ મેકર રોહિત શેટ્ટીના ઘરે ફાયરિંગ થયું હતું. તેના ઘરે પાંચ રાઉન્ડ ફાયરિંગ કરવામાં આવ્યું હતું. વધુમાં આ ઘટનાના સંદર્ભમાં પાંચ લોકોની ધરપકડ કરવામાં આવી હતી. બુધવારે તેમની પોલીસ કસ્ટડી પૂરી થયા પછી તેને ખાસ MCOCA કોર્ટમાં રજૂ કરવામાં આવ્યા હતા, જ્યાં તેમને 17 ફેબ્રુઆરી સુધી પોલીસ કસ્ટડીમાં મોકલવામાં આવ્યા હતા.
આ કેસમાં પોલીસે આસારામ ફસાલે નામના એક વ્યક્તિની ધરપકડ કરી હતી, જે હથિયારોનો સપ્લાયર હતો. ઈન્વેસ્ટિગેટર્સે દાવો કર્યો હતો કે તે ચાર વર્ષથી બિશ્નોઈ ગેંગ સાથે કામ કરી રહ્યો હતો.
