હું આતંકવાદી નથી…” લગ્ન બાદ મોનાલિસા અને ફરમાનની મુશ્કેલીઓ વધી. સોશિયલ મીડિયા પર વાયરલ થયેલી મોનાલિસાએ આત્મહત્યાની ધમકી આપતા ખળભળાટ મચી ગયો છે
મહાકુંભ વાયરલ ગર્લ મોનાલિસા છેલ્લા ઘણા દિવસોથી સમાચોરની હેડલાઈન બની છે. મોનાલિસાએ અચાનક ફરમાન સાથે લગ્ન કરી લેતા મહાકુંભ ગર્લ ફરી ચર્ચાનું કેન્દ્ર બની. ફરમાન અને મોનાલિસાએ લગ્ન કરતા તેમના પરિવાર સહિત અનેક લોકોમાં નારાજગી જોવા મળી. ફરમાન ખાન સાથેના લગ્ન પછીથી મોનાલાસિાનું જીવન ઉથલપાથલભર્યું રહ્યું છે. તેમના પ્રેમને લવ જેહાદ તરીકે ઓળખવામાં આવી રહી છે. દેશભરમાંથી તેમને જાનથી મારી નાખવાની ધમકીઓ મળી રહી છે. દરમિયાન એક પ્રેસ કોન્ફરન્સમાં મોનાલિસા અને મદદ માટે વિનંતી કરી છે. આ વીડિયોમાં ફરમાન કહે છે કે હું આતંકવાદી નથી, કેમ મને લોકો ધમકી આપી રહ્યા છે.
લગ્ન બાદ ઉદભવેલ વિવાદ પર દંપતીએ પોતાનું મૌન તોડ્યું છે. મોનાલિસા અને ફરમાને મંગળવારે એક પ્રેસ કોન્ફરન્સમાં પોતાનું દુઃખ વ્યક્ત કર્યું. ફરમાને સ્પષ્ટપણે કહ્યું કે તે આતંકવાદી નથી. ફરમાને કહ્યું- લોકો મને આતંકવાદી કહી રહ્યા છે. દુનિયા જાણે છે કે હું શું છું. હું એક નાનો કલાકાર છું. આવું ન કરો, દેશમાં આગ ન લગાડો, તેને રાજકીય વળાંક ન આપો. લોકો ખોટા આરોપો લગાવી રહ્યા છે. મારું ગામ જાણે છે કે હું કોણ છું, હું બાળપણથી જ આર્ય સમાજમાં હતો. હું ત્યાં પૂજા અને ચક્રાસન કરતો હતો. બધા મારા વિશે જાણે છે.
“મારી એકમાત્ર ભૂલ એ છે કે હું મુસ્લિમ પરિવારમાં જન્મ્યો હતો અને મારું નામ ફરમાન છે. તેથી જ લોકો મને ગેરસમજ કરે છે. તેઓ મને મારી નાખવાની ધમકી આપી રહ્યા છે. શું પ્રેમ કરવો ખોટું છે? જો લોકો આપણને અનુસરવાનું બંધ નહીં કરે, જો તેઓ આપણને કામ કરવા નહીં દે, તો આપણે આત્મહત્યા કરીશું. આપણી પાસે પૈસા પણ નથી. પૈસા વિના આપણે કેવી રીતે ટકીશું? જો આપણે કામ નહીં કરીએ, તો આપણે શું ખાઈશું? લોકો આપણી પાછળ પડે છે.”
મોનાલિસાએ જણાવ્યું કે તેણીએ કોઈ લવ જેહાદમાં ભાગ લીધો નથી. તેણેએ ધર્મ પરિવર્તન કર્યું નથી. તે બંને બધા ધર્મોમાં માને છે. આ પહેલીવાર નથી જ્યારે કોઈએ અલગ ધર્મના વ્યક્તિ સાથે લગ્ન કર્યા હોય. ફરમાને એક વીડિયો બતાવ્યો અને સમજાવ્યું કે તે મોનાલિસાના પરિવારના સંપર્કમાં છે. મોનાલિસાએ એમ પણ કહ્યું કે સનોજ મિશ્રાએ તેણીને ફિલ્મની ફી ચૂકવી નથી. તેના બદલે, દિગ્દર્શકે તેણીને 50,000 રૂપિયા આપવાના છે. તે તેના પરિવારને ધમકી આપી રહ્યો છે અને તેમને પૈસાની લાલચ આપી રહ્યો છે.
