ગાંધીનગર જિલ્લાના માણસા પોલીસ સ્ટેશનમાં પાંચ મહિના પહેલા નોંધાયેલી સગીર બાળને લલચાવી ફોસલાવીને અપહરણ કરી જવા સંબંધેની ફરિયાદમાં એસઓજી પોલીસ દ્વારા આરોપી અને સગીર બાળાને શોધી કાઢવામાં આવ્યા છે. પોલીસ દ્વારા ટેકનીકલ સર્વેલન્સના આધારે રાજકોટ શહેરના ઘંટેશ્વર વિસ્તારમાં પહોંચીને આરોપીની ધરપકડ કરવામાં આવ્યાનું પોલીસ અધિકારી સુત્રો દ્વારા જણાવવામાં આવ્યુ હતું.
છેલ્લે માણસાના પાલડી વ્યાસ વિસ્તારમાં રહેતા અને મુળ સાબરકાંઠા જિલ્લાના આકોદરા ગામના વતની એવા કીરીટ રમેશભાઇ રાવળ નામના ૨૯ વષય યુવકની સામે સગીર વયની બાળાને લગ્નની લાલચ આપીને વાલીપણામાંથી ભગાડી જવા સંબંધે અપહરણની ફરિયાદ બાળાના વાલી દ્વારા પાંચ મહિના પહેલા માણસા પોલીસ સ્ટેશનમાં નોંધાવવામાં આવી હતી. દરમિયાન પોલીસ દ્વારા આરોપીના સ્વજનો અને મિત્રોની તપાસ કરવા સાથે ટેકનીકલ સર્વેલન્સનો સપોર્ટ લેવામાં આવતાં તેનો નંબર રાજકોટ શહેરના ઘંટેશ્વર વિસ્તારમાં ટ્રેસ થયો હતો. આ સાથે પોલીસ ટુકડી રાજકોટ પહોંચી હતી. આરોપીની ધરપકડ કરવા સાથે સગર બાળાને પણ શોધી કાઢવામાં આવી હતી.
