આ પ્રજાસત્તાક દિવસની પરેડ ઇતિહાસમાં એક નવો અધ્યાય લખશે. પ્રથમવાર કોઈ મહિલા અધિકારી પરેડ દરમિયાન CRPF પુરુષ એકમનું નેતૃત્વ કરશે.26 વર્ષીય સિમરન બાલાને આ જવાબદારી સોંપવામાં આવી છે. મૂળ જમ્મુ-કાશ્મીરની સિમરન બાલાએ CRPFમાં આસિસ્ટન્ટ કમાન્ડન્ટ તરીકે સેવા આપી છે.દેશમાં પ્રજાસત્તાક દિવસની ઉજવણી માટે તૈયારીઓ ચાલી રહી છે. ત્યારે 26 જાન્યુઆરીએ ભવ્ય પરેડ યોજાશે. આ વર્ષે ભવ્ય પ્રજાસત્તાક દિવસની પરેડ ઇતિહાસ રચવા માટે તૈયાર છે. પહેલીવાર કોઈ મહિલા પ્રજાસત્તાક દિવસની પરેડમાં સેન્ટ્રલ રિઝર્વ પોલીસ ફોર્સ પુરુષ એકમનું નેતૃત્વ કરશે. 26 વર્ષીય સિમરન બાલાને આ જવાબદારી સોંપવામાં આવી છે. મૂળ જમ્મુ અને કાશ્મીરના રાજૌરી જિલ્લાના નૌશેરાની 26 વર્ષીય સિમરન બાલા, CRPFમાં આસિસ્ટન્ટ કમાન્ડન્ટ તરીકે સેવા આપે છે.
આ વર્ષે પ્રજાસત્તાક દિવસની પરેડમાં CRPFના પુરુષ યુનિટનું નેતૃત્વ કરશે. આ યુનિટમાં 140 થી વધુ પુરુષ કર્મચારીઓનો સમાવેશ થાય છે. સિમરન રાજૌરી જિલ્લાની CRPFમાં અધિકારી તરીકે જોડાનાર પ્રથમ મહિલા છે. CRPFમાં આસિસ્ટન્ટ કમાન્ડન્ટ તરીકે સેવા આપતી 26 વર્ષીય સિમરન બાલા 2023માં દળમાં જોડાઈ હતી. હકીકતમાં, તેણીએ UPSC સેન્ટ્રલ આર્મ્ડ પોલીસ ફોર્સિસ પરીક્ષા તેના પહેલા જ પ્રયાસમાં પાસ કરી હતી. AIR 82 મેળવ્યું હતું. 2023માં, તે જમ્મુ-કાશ્મીરમાંથી પસંદ થયેલી એકમાત્ર મહિલા ઉમેદવાર હતી.
26 વર્ષીય સિમરન બાલા પ્રજાસત્તાક દિવસની પરેડમાં CRPF પુરુષ યુનિટનું નેતૃત્વ કરીને ઇતિહાસ રચવા માટે તૈયાર છે. તેણીને આ જવાબદારી કારણ વગર આપવામાં આવી ન હતી. તેણીની લાયકાત મજબૂત રીતે સ્થાપિત છે. પ્રજાસત્તાક દિવસની પરેડ રિહર્સલ દરમિયાન પ્રભાવશાળી પ્રદર્શન બાદ સિમરનને પુરુષ યુનિટનું નેતૃત્વ કરવાની જવાબદારી સોંપવામાં આવી હતી. અધિકારીઓના જણાવ્યા અનુસાર, કવાયત દરમિયાન તેનો આત્મવિશ્વાસ, ચોકસાઈ અને કમાન્ડ અસાધારણ હતા. આનાથી તેને 26 જાન્યુઆરીએ CRPF યુનિટનું નેતૃત્વ કરવાનું સન્માન મળ્યું.
