મેટાએ આખરે એ જાહેરાત કરી જ દીધી જેનો લોકોને છેલ્લા કેટલાય સમયથી ડર હતો. એટલે કે હવે વોટ્સએપ પર તમને જાહેરાતો જોવા મળશે.કંપનીએ લગભગ 11 વર્ષ પછી સત્તાવાર રીતે જાહેરાત કરી છે કે તેઓ વોટ્સએપ પર જાહેરાતો બતાવશે. તમને આ જાહેરાતો સ્ટેટસ ટેબમાં જોવા મળશે.વોટ્સએપનું કહેવું છે કે આ અપડેટ્સ વપરાશકર્તાઓની ગોપનીયતાને ધ્યાનમાં રાખીને બહાર પાડવામાં આવ્યા છે. વોટ્સએપ વપરાશકર્તાઓના સંદેશા, ચેટ, કોલ, ગ્રુપ ચેટ હજુ પણ એન્ડ-ટુ-એન્ડ એન્ક્રિપ્ટેડ રહેશે. જાહેરાતોને ફક્ત મર્યાદિત ડેટાનો ઉપયોગ કરીને લક્ષ્ય બનાવવામાં આવશે. તેનો અર્થ એ કે તેઓ ઓછા ડેટાનો ઉપયોગ કરશે.જો તમે તમારા વોટ્સએપ એકાઉન્ટને મેટા એકાઉન્ટ સેન્ટર સાથે લિંક કર્યું છે, તો તમારી જાહેરાત પસંદગીઓ અને માહિતી મેટાની અન્ય એપ્લિકેશનો સાથે પણ શેર કરવામાં આવશે. તમારો ફોન નંબર જાહેરાતકર્તા સાથે શેર કરવામાં આવશે નહીં. ઉપરાંત, ખાનગી ચેટમાં કોઈ જાહેરાતો બતાવવામાં આવશે નહીં.મેટા આ સુવિધાઓ વૈશ્વિક સ્તરે રજૂ કરશે. આ સુવિધાઓ iOS અને Android બંને પ્લેટફોર્મ માટે હશે. જોકે, તેમના લોન્ચની ચોક્કસ તારીખ જણાવવામાં આવી નથી, પરંતુ તે આગામી થોડા મહિનામાં રિલીઝ કરવામાં આવશે
- Advertisment -