કેમિકલવાળા રંગો ત્વચા, વાળ અને આંખોને નુકસાન પહોંચાડી શકે છે. આવી સ્થિતિમાં હોળી રમતી વખતે ત્વચા, વાળ અને આંખોનું ખાસ ધ્યાન રાખવાની જરૂર છે.
હોળી રંગોનો તહેવાર છે. આ અવસર પર લોકો સવારે એકબીજા પર રંગ ફેંકે છે. પરંતુ માર્કેટમાં આજકાલ ભેળસેળ અને કેમિકલ વાળા રંગો પણ વેચાય છે. કેમિકલવાળા રંગો ત્વચા, વાળ અને આંખોને નુકસાન પહોંચાડી શકે છે. આવી સ્થિતિમાં હોળી રમતી વખતે ત્વચા, વાળ અને આંખોનું ખાસ ધ્યાન રાખવાની જરૂર છે.
હોળી એ રંગો અને આનંદનો તહેવાર છે, પરંતુ રાસાયણિક રંગો તમારી આંખોને ગંભીર નુકસાન પહોંચાડી શકે છે. હોળી રમતી વખતે, રંગ અથવા ગુલાલ અચાનક આંખોમાં પ્રવેશી શકે છે, જેનાથી બળતરા, લાલાશ અને પાણી આવી શકે છે. ઘણા લોકો ગભરાઈ જાય છે અને ખોટી રીતે આંખો ઘસે છે, જે સમસ્યાને વધુ ખરાબ કરી શકે છે. હોળી રમતી વખતે આંખોને સુરક્ષિત રાખવા તમે આ ટિપ્સ અજમાવો. મિત્રો કે પરિવારના લોકો સાથે હોળી રમવામાં જો રંગ આંખોમાં જાય તો શું કરવું જોઈએ અને શું ન કરવું જોઈએ એ બાબત જરૂર જાણો.
જ્યારે પણ કોઈ તમારા ચહેરા પર રંગ લગાવતું હોય, ત્યારે તમારી આંખોને ચુસ્ત રીતે બંધ કરી દો. આમ છતાં આંખમાં રંગ જાય તો આંખોને સુરક્ષિત રાખવા તેના પર ઠંડા પાણીનું કોમ્પ્રેસ લગાવો. ઠંડા પાણીમાં સ્વચ્છ કપડું પલાળી રાખો અને તેને તમારી બંધ આંખો પર હળવેથી મૂકો. આ બળતરા અને સોજો દૂર કરશે. તમારી આંખોમાં કોઈ રસાયણો કે સાબુ ન નાખવાનું ધ્યાન રાખો. જો રંગ આંખમાં જાય, તો તેને ઘસવાને બદલે તરત જ ઠંડા અને ચોખ્ખા પાણીના છંટકાવ કરો. આંખમાં સામાન્ય બળતરા થતી હોય, તો શુદ્ધ ગુલાબજળના બે ટીપાં નાખી શકાય છે, પરંતુ જો તમને કોઇ પ્રકારની એલર્જી થતી હોય તો ડોક્ટરની સલાહ અવશ્ય લો.
આંખને સુરક્ષિત રાખવા હોય તો હોળી રમતા પહેલા ભૂલ્યા વગર સનગ્લાસ પહેરી લો. જો તમે કોન્ટેક્ટ લેન્સ પહેરો છો, તો હોળી રમતી વખતે તરત જ તેને કાઢી નાખો, નહીં તો તમારી આંખોને નુકસાન થઈ શકે છે. તમારી આંખોની આસપાસ અને પાંપણો પર કોકોનટ ઓઈલ (નાળિયેર તેલ) અથવા કોઈ સારી કોલ્ડ ક્રીમ લગાવો. આનાથી જો રંગ આંખમાં જશે તો પણ તે સપાટી પર ચોંટશે નહીં અને સરળતાથી નીકળી જશે. હોળી આનંદનો તહેવાર છે, પરંતુ સ્વાસ્થ્ય સર્વોપરી છે. થોડી સાવધાની અને યોગ્ય કાળજી તમારી આંખોને સુરક્ષિત રાખવામાં મદદ કરી શકે છે.
