યુએસ, ઈરાન અને ઇઝરાયલ વચ્ચે બે અઠવાડિયાના યુદ્ધવિરામની જાહેરાત બાદ ક્રૂડ તેલના ભાવમાં થોડો ઘટાડો થયો છે. જોકે, વિશ્લેષકો માને છે કે ભાવ હજુ પણ યુદ્ધ પહેલાના સ્તરોથી ઉપર રહી શકે છે. ૨૮ ફેબુ્રઆરી, ૨૦૨૬ ના રોજ લશ્કરી સંઘર્ષ શરૂ થયા પછી આ પહેલી વાર છે જ્યારે નોંધપાત્ર નરમાઈ જોવા મળી છે.
જાણકારોના મતે બ્રેન્ટ ક્રૂડ તેલના ભાવ, જે ૨ એપ્રિલના રોજ પ્રતિ બેરલ ૧૨૮ ડોલરની આસપાસ પહોંચ્યા હતા, તે હવે ૯૫ અને ૯૭ ડોલરની વચ્ચે આવી ગયા છે. હુમલાઓમાં ઘટાડાથી સંઘર્ષ પ્રીમિયમ ઘટયું છે, પરંતુ સપ્લાય ચેઇન નુકસાનને કારણે ભાવ ઊંચા રહેશે.
તેમના મતે, સંઘર્ષ ધીમે ધીમે એક મોટા પ્રાદેશિક સંકટમાં ફેરવાઈ ગયો છે. ઈરાને ગલ્ફ દેશોના ઉર્જા માળખા, જહાજો અને યુએસ બેઝ પર હુમલો કર્યો હતો. ૧૯૭૩ ના તેલ સંકટ પછી આ સૌથી મોટો ફટકો છે. ઈમરાને સમજાવ્યું કે સંઘર્ષ શરૂ થયો ત્યારથી તેલના ભાવમાં લગભગ ૬૦ ટકાનો વધારો થયો છે અને હજુ પણ યુદ્ધ પહેલાના સ્તરથી લગભગ ૩૫ ટકા વધારે છે. આનાથી વૈશ્વિક વિકાસ પર ૦.૨૦ થી ૦.૩૦ ટકાનો પ્રભાવ પડી શકે છે અને ફુગાવો ૦.૭૦ થી ૦.૯૦ ટકા વધી શકે છે.હોર્મુઝ સ્ટ્રેટ બંધ થવાથી ગલ્ફ દેશોમાં તેલ ઉત્પાદન પર મોટી અસર પડી હતી. તેલ નિકાસ કરવામાં અસમર્થતાને કારણે, ઉત્પાદન ઘટાડવું પડયું છે. ૭ એપ્રિલ, ૨૦૨૬ ના રોજ પ્રકાશિત થયેલા રિપોર્ટમાં પુરવઠા અને માંગના અંદાજોમાં નોંધપાત્ર ફેરફારો થયા છે કારણ કે કટોકટી અપેક્ષા કરતા વધુ સમય સુધી ચાલી હતી. તેઓ માને છે કે હાલ કિંમતોમાં થોડી રાહત છે, પરંતુ ભવિષ્યમાં ક્રૂડ ઓઇલના ભાવ યુદ્ધ પહેલાના સ્તરે પાછા ફરવા મુશ્કેલ બનશે.
