Gold-Silver Weekly Update: વીતેલા સપ્તાહમાં સોના અને ચાંદીના ભાવમાં તેજી જોવા મળી છે, તેમ છતાં રોકાણકારો અને ખરીદદારો માટે હજુ પણ રાહતના સમાચાર છે. મલ્ટી કોમોડિટી એક્સચેન્જ (MCX) પર ચાંદી તેના અત્યાર સુધીના સર્વોચ્ચ સ્તર (Life Time High) થી ₹1.96 લાખથી વધુ સસ્તી મળી રહી છે, જ્યારે 24 કેરેટ સોનું પણ તેના હાઈ લેવલથી ₹50,000 જેટલું ઓછું છે.
ચાંદીની ચમક વધી, પણ હજુ પહોંચમાં
છેલ્લા એક અઠવાડિયામાં ચાંદીના ભાવમાં નોંધપાત્ર વધારો થયો છે. MCX પર ચાંદી ₹2,32,495 પ્રતિ કિલોથી વધીને ₹2,43,300 પર બંધ થઈ હતી, એટલે કે એક જ અઠવાડિયામાં ચાંદી ₹10,805 મોંઘી થઈ છે. જોકે, ચાંદીનો લાઈફ ટાઈમ હાઈ રેટ ₹4,39,337 પ્રતિ કિલો છે, જેની સરખામણીએ વર્તમાન ભાવ ₹1,96,037 જેટલો ઓછો છે.
સોનાના ભાવમાં પણ સાપ્તાહિક વધારો
સોનાની વાત કરીએ તો, 24 કેરેટ સોનાનો વાયદો ભાવ એક અઠવાડિયામાં ₹3,010 વધીને ₹1,52,690 પ્રતિ 10 ગ્રામ પર પહોંચ્યો છે. સ્થાનિક માર્કેટમાં પણ ભાવ ₹1,50,330 પ્રતિ 10 ગ્રામની આસપાસ રહ્યો છે. સોનું તેના સર્વોચ્ચ સ્તર ₹2,02,984 ની સરખામણીએ હજુ પણ ₹50,294 પ્રતિ 10 ગ્રામ સસ્તું ટ્રેડ થઈ રહ્યું છે.
સ્થાનિક બજારમાં વિવિધ ક્વોલિટીના રેટ (GST અને મેકિંગ ચાર્જ વિના)
ગોલ્ડ ક્વોલિટી ભાવ (પ્રતિ 10 ગ્રામ)
24 કેરેટ ગોલ્ડ ₹1,50,330
22 કેરેટ ગોલ્ડ ₹1,46,720
18 કેરેટ ગોલ્ડ ₹1,21,770
14 કેરેટ ગોલ્ડ ₹96,960
