ઝારખંડમાં JPSCની 11મીથી 13મી પરીક્ષા અને ફૂડ સેફ્ટી ઓફિસર પરીક્ષાને લઈ ઝારખંડ હાઈકોર્ટે મોટો ચુકાદો સંભળાવ્યો છે. હાઈકોર્ટે બંને પરીક્ષાઓને લઈ રાજ્ય સરકાર તરફથી જાહેર આદેશ પર તાત્કાલિક પ્રભાવથી રોક લગાવી દીધી છે. કોર્ટના આ ચુકાદાથી પરીક્ષા સાથે જોડાયેલા અભ્યાર્થીઓને મોટી રાહત મળશે.
રાજ્ય સરકારના આદેશ પર હાઈકોર્ટે રોક લગાવી
મામલાની સુનાવણી ઝારખંડ હાઈકોર્ટમાં થઈ. સુનાવણી દરમિયાન કોર્ટે રાજ્ય સરકારના એ આદેશ પર સ્ટે લગાવી દીધો, જે અંતર્ગત બંને પરીક્ષાઓને લઈ કાર્યવાહી કરી હતી. હાઈકોર્ટે રાજ્ય સરકારને 15 દિવસની અંદર જવાબ દાખલ કરવા માટે નિર્દેશ આપ્યા છે.
કોર્ટે રાજ્ય સરકારને 15 દિવસની અંદર કાઉન્ટર એફિડેવિટ સાથે જવાબ દાખલ કરવાના નિર્દેશ આપી દીધા છે. આ નિર્ણય બાદ બંને પરીક્ષા મામલાના અરજીકર્તાઓને તાત્કાલિક પ્રભાવથી કામ પર પરત ફરવાનો માર્ગ મોકળો થઈ ગયો છે. આ મામલાની સુનાવણી દરમ્યાન હાઈકોર્ટે રાજ્ય સરકારના આ આદેશ પર સ્ટે આપ્યો, જે અંતર્ગત બંને પરીક્ષાઓથી સંબંધિત કાર્યવાહી કરી હતી. હવે સરકારને કોર્ટ સમક્ષ પોતાનો પક્ષ અને સંબંધિત દસ્તાવેજ રજૂ કરવા પડશે.
આપને જણાવી દઈએ કે, ઝારખંડમાં ભરતી પરીક્ષાઓમાં કથિત ગરબડને લઈ 26 દિવસથી ચાલી રહેલા આંદોલન બુધવાર સ્થગિત થઈ ગયું. સરકારે પ્રદર્શનકારીઓ સાથે કેટલીય વખત વાત કર્યા બાદ 2014થી અત્યાર સુધી ઝારખંડ લોક સેવા આયોગ, ઝારખંડ કર્મચારી ચયન આયોગ અને એક આઉટસોર્સ એજન્સી દ્વારા આયોજિત 22 ભરતી પરીક્ષાઓને રદ કરવાનો નિર્ણય લીધો છે. આ ઉપરાંત 23 અન્ય પરીક્ષાઓની વચ્ચે તપાસ કરવાના આદેશ આપ્યા છે
પરીક્ષા રદ થતાં સફળ અભ્યર્થીઓમાં નારાજગી
પણ સરકારના આ નિર્ણયથી એક નવો વિવાદ ઊભો થઈ ગયો હતો. લગભગ 2000 સફળ અભ્યર્થી, ખાસ કરીને JSSC સંયુક્ત સ્નાતક સ્તરીય પરીક્ષા દ્વારા સરકારી નોકરી મેળવનારા ઉમેદવાર, પરીક્ષા રદ કરવાનો વિરોધ કરી રહ્યા છે. આ અભ્યર્થીઓનું કહેવું છે કે તેમણે પરીક્ષા મહેનત અને યોગ્યતાના આધાર પર પાસ કરી છે. જો પરીક્ષામાં કોઈ પણ સ્તરની ગરબડ થઈ છે તો દોષિત અભ્યર્થીઓ અને જવાબદાર લોકો વિરુદ્ધ કાર્યવાહી થવી જોઈએ, પણ તમામ સફળ ઉમેદવારોને તેનું પરિણામ કેમ ભોગવવાનું?
કેટલાય સફળ અભ્યર્થીઓએ રાજ્ય સરકારના નિર્ણય વિરુદ્ધ પડકાર આપતા ઝારખંડ હાઈકોર્ટમાં અરજી દાખલ કરી હતી. તેમનું કહેવું છે કે પરીક્ષા પાસ કર્યા બાદ તેમની નિયુક્તિ પણ થઈ અને કેટલાય અભ્યર્થી અલગ અલગ સરકારી વિભાગમાં કામ પણ કરી રહ્યા છે. આ જ લોકોની અરજી પર સુનાવણી કરતા હાઈકોર્ટે JPSCની 11મી અને 13મી પરીક્ષા અને ફૂડ સેફ્ટી ઓફિસર પરીક્ષા રદ કરવાના સરકારના ચુકાદા પર રોક લગાવી દીધી છે.
