ભારતીય સંગીતનો ઝળહળતો સિતારો આશા ભોસલે હવે આપણી વચ્ચે નથી રહ્યા. હવે માત્ર તેમની સુરીલી યાદો જ આપણી સાથે રહી છે. જોકે આશા ભોસલે અને લત્તા મંગેશકર બહેનો હતા. જો કે બહેન દિગ્ગજ ગાયક હોવા છતા આશા ભોસલેએ પોતાની મહેનતથી પોતાનું અદકેરુ સ્થાન બનાવ્યું હતું. ભારતીય સંગીત જગતમાં મંગેશકર બહેનોનું યોગદાન અમૂલ્ય છે. જોકે, દાયકાઓ સુધી એવી ચર્ચાઓ ચાલતી રહી કે, લતા મંગેશકર અને આશા ભોસલે વચ્ચે અણબનાવ છે. આશા ભોસલેએ પોતે એક ઈન્ટરવ્યુમાં આ બાબતે ખુલાસો કર્યો હતો અને જણાવ્યું હતું કે, તેમની વચ્ચે કેવી હેલ્ધી કોમ્પિટિશન હતી.

આશા ભોસલેએ એક કિસ્સો યાદ કરતા જણાવ્યું હતું કે, એકવાર એક મ્યુઝિક ડાયરેક્ટરે તેમને ફોન કરીને લતા દીદીએ ગાયેલા ગીતના વખાણ કર્યા. ત્યારે આશાએ સ્પષ્ટતા કરી કે એ ગીત લતા દીદીનું છે. તે દિવસે આશા ભોસલેને સમજાયું કે જો તેઓ પોતાની અલગ ઓળખ નહીં બનાવે, તો લતા મંગેશકરના પ્રભુત્વ વચ્ચે તેમનું અસ્તિત્વ ટકાવવું મુશ્કેલ બનશે. આ માટે તેમણે અંગ્રેજી ફિલ્મોના મ્યુઝિક એલિમેન્ટ્સ પોતાની ગાયકીમાં ઉમેરવાનું શરૂ કર્યું.

આશા ભોસલેના જણાવ્યા મુજબ, જ્યારે બંને બહેનો સાથે રેકોર્ડિંગ કરતી ત્યારે એકબીજાની શૈલી પર બારીકાઈથી નજર રાખતી. આશા ભોસલે હંમેશા જોતા કે લતા દીદી ગીતમાં કેવો વળાંક કે ટ્વિસ્ટ લાવે છે. બંને બહેનોમાં ગીતને અનોખી રીતે રજૂ કરવાની આદત હતી, જેણે તેમની વચ્ચે એક સકારાત્મક સ્પર્ધા જન્માવી હતી. બંનેએ સાથે મળીને 80 થી વધુ હિન્દી ગીતો ગાયા છે, જેમાં ‘મન ક્યોં બહકા’ અને ‘મેં ચલી મેં ચલી’ જેવા સદાબહાર ગીતો સામેલ છે.
વન

ચર્ચાઓ મુજબ, જ્યારે આશા ભોસલેએ લતાજીના સેક્રેટરી ગણપત રાવ સાથે લગ્ન કર્યા, ત્યારે લતા મંગેશકર તેમનાથી નારાજ થયા હતા. જોકે, સમય જતાં તેમના સંબંધોમાં સુધારો થયો હતો. આશાએ હંમેશા સ્વીકાર્યું છે કે લતા દીદી તેમના માટે પ્રેરણાસ્ત્રોત રહ્યા છે.8 દાયકાની લાંબી કારકિર્દીમાં આશા ભોસલેએ અનેક સન્માન મેળવ્યા છે જેમાં ભારતના સર્વોચ્ચ સન્માન પૈકીના એક પદ્મ વિભૂષણ ઉપરાંત દાદા સાહેબ ફાળકે એવોર્ડ, 2 નેશનલ એવોર્ડ અને 8 ફિલ્મફેર એવોર્ડ્સ, 18 મહારાષ્ટ્ર સ્ટેટ ફિલ્મ એવોર્ડ્સ સહિતનાં અનેક એવોર્ડ્સનો સમાવેશ થાય છે.

તેમની યાદગાર સફરમાં ‘પિયા તૂ અબ તો આજા’, ‘દમ મારો દમ’, ‘દિલ ચીઝ ક્યા હૈ’, ‘ઈન આંખો કી મસ્તી’, ‘ઓ હસીના ઝુલ્ફોવાલી’ અને ‘રંગીલા રે’ જેવા ગીતોએ તેમને એક વર્સેટાઈલ સિંગર તરીકે પ્રસ્થાપિત કર્યા.

દેશના સુપ્રસિદ્ધ ગાયિકા આશા ભોસલેનું આજે(12 એપ્રિલ) 92 વર્ષની વયે નિધન થયું છે. તેમને કાર્ડિયાક અરેસ્ટ શનિવારે રાત્રે મુંબઈની બ્રીચ કેન્ડી હોસ્પિટલમાં દાખલ કરાયા હતા, જ્યાં તેમનું સારવાર દરમિયાન નિધન થયું છે. તેમના અંતિમ સંસ્કાર આવતીકાલે સાંજે 4 વાગ્યે થશે. આશા ભોસલેના નિધનથી માત્ર સિનેમા જગતના લોકો જ દુઃખી જ નથી, પરંતુ અનેક દિગ્ગજ નેતા પણ દિગ્ગજ સિંગરથી દુઃખમાં છે. તેમણે માત્ર હિન્દી જ નહીં પણ ભારત દેશની અનેક ભાષાઓમાં ગીતો ગાયા હતાં.

ખાસ કરીને ગુજરાતી સંગીત સાથે તેમનો નાતો ખૂબ જ જૂનો અને અતૂટ રહ્યો છે. ગુજરાતી સિનેમાના સુવર્ણકાળ દરમિયાન આશા ભોસલેએ ઘણા યાદગાર ગીતો ગાયા હતા. ગુજરાતી સુગમ સંગીતથી લઈને ફિલ્મી ગીતો સુધી, આશાજીએ એવા અનેક ગીતો આપ્યા છે જે આજે પણ દરેક ગુજરાતીના હૈયે વસેલા છે.

ગુજરાતી ફિલ્મોની વાત કરવામાં આવે તો આશા ભોંસલેએ ગુજરાતી સંગીતના દિગ્ગજ સંગીતકારો જેવા કે અવિનાશ વ્યાસ, ક્ષેમુ દિવેટિયા અને આજીત મર્ચન્ટ સાથે ઘણું કામ કર્યું છે. આશા ભોસલેએ અવિનાશ વ્યાસના સંગીત નિદર્શન હેઠળ અનેક સુપરહિટ ગીતો ગાયા છે. તેમણે અનેક ગુજરાતી ફિલ્મોમાં ગીતો ગાયા હતા.

આશાજીએ ગાયેલા પ્રખ્યાત ગુજરાતી ગીતો, જેમાં કેટલાક જુગલબંધીમાં ગાયેલા છે

તમે થોડું થોડું બોલો તો (ફિલ્મ: જેસલ તોરલ)
પંખીડાને આ પિંજરું : (ફિલ્મઃ અખંડ સૌભાગ્યવતી)
છેલાજી રે, મારે હાટું પાટણથી પટોળાં મોઘા લાવજો
છાનું રે છપનું કંઇ થાય નહિં
તારી વાંકી રે પાઘલડીનું ફુમતું રે
એક પાટણ શેરની નાર પદમણી
તારો લટકો છે સવા લાખનો
ધમક ધમક ધમ સાંબેલુ
માડી તારું કંકુ ખર્યું ને સૂરજ ઊગ્યો
સોના વાટકડી રે કેસર ઘોળ્યા વાલમીયા
મારા પાલવડે બાંધ્યો જશોદાનો જાયો..
ખમ્મા મારા નંદજીના લાલ
તારા ફળીયામાં પગ નહીં મેલુ
ક્યાં રમી આવ્યા રાસ…
ઉંચી તલાવડીની કોર..
છલકાતુ આવે બેડલું
હે રંગલો જામ્યો..
માનું ગગન ઘેરાઈ ગયું..
ઉભી શેરીને ઉભી બજાર..
ફુલડા વિણવા ગઈતી..
મેલો મેલો રે મારગડો
માં પાવા તે ગઢથી
જય આદ્યા શક્તિ

આશા ભોસલેએ માત્ર ગીતો જ નથી ગાયા, પરંતુ ગુજરાતી ગઝલ અને કવિતાઓને સામાન્ય જનતા સુધી પહોંચાડવામાં મોટું યોગદાન આપ્યું છે. આજે જ્યારે નવી પેઢીના ગાયકો ગુજરાતી સંગીતને રિ-મિક્સ કરી રહ્યા છે, ત્યારે આશાજીના ઓરિજિનલ ગીતો હજુ પણ બેન્ચમાર્ક ગણાય છે. આશા ભોસલેના આ ગુજરાતી ગીતો હંમેશા આપણી સંસ્કૃતિનો હિસ્સો બની રહેશે.

બોલીવુડના દિગ્ગજ ગાયિકા આશા ભોંસલેનું 92 વર્ષની વયે અવસાન થયું છે. તેઓ એક લાંબી વારસો છોડી ગયા છે. તેમની સાથે, સંગીતનો એક આખો યુગ શાંત થઈ ગયો છે.

બોલીવુડના દિગ્ગજ ગાયિકા આશા ભોંસલેનું 92 વર્ષની વયે અવસાન થયું છે. તેઓ એક લાંબી વારસો છોડી ગયા છે. તેમની સાથે, સંગીતનો એક આખો યુગ શાંત થઈ ગયો છે. દાયકાઓથી દરેક લાગણીને શબ્દો આપતો અવાજ, પછી ભલે તે પ્રેમ હોય, પીડા હોય, તોફાન હોય કે ઉજવણી કાયમ માટે બંધ થઈ ગયો છે.

બોલીવુડ અને સંગીત ઉદ્યોગમાં મોટો આંચકો લાગ્યો

સુપ્રસિદ્ધ ગાયિકા અને સૂરોના મહારાણી એવા આશા ભોંસલેના નિધનથી બોલીવુડ અને સંગીત ઉદ્યોગમાં મોટો આંચકો લાગ્યો છે. આજે તેમણે 92 વર્ષની વયે દુનિયા છોડી દીધી. હાર્ટ એટેકના કારણે તેમને મુંબઇની બ્રીચ કેન્ડી હોસ્પિટલમાં દાખલ કરવામાં આવ્યા હતા. તેમના પુત્ર આનંદ ભોંસલેએ તેમના મૃત્યુની પુષ્ટિ કરી. સેલિબ્રિટીઓ તેમને યાદ કરી રહ્યા છે અને શ્રદ્ધાંજલિ આપી રહ્યા છે.

સેલિબ્રિટીઓએ આપી શ્રદ્ધાજંલિ
આશા તાઈનું નિધન સમગ્ર રાષ્ટ્ર માટે એક મોટું નુકસાન છે. બોલીવુડ જગતના ઘણા લોકો તેમને શ્રદ્ધાંજલિ આપી રહ્યા છે અને તેમની સાથેના તેમના છેલ્લા ક્ષણોને યાદ કરી રહ્યા છે.

અક્ષય કુમારે આશા સાથેનો એક ભૂતકાળનો ફોટો શેર કર્યો અને લખ્યું કે તેમનો મધુર અવાજ હંમેશા અમર રહેશે.

હાસ્ય કલાકાર જેમી લીવરે, જોની લીવરની પુત્રી અને આશા ભોંસલેની નકલ કરવા માટે જાણીતી, પોતાનું દુઃખ વ્યક્ત કર્યું. તેણીએ સોશિયલ મીડિયા પોસ્ટમાં લખ્યું, “મારું હૃદય આ લખીને ભારે થઈ રહ્યું છે. હું હંમેશા તેમની કલાનો મોટો ચાહક રહ્યો છું. મારી આખી સફર દરમિયાન, હું તેમના અવાજ અને શૈલીથી ખૂબ પ્રેરિત થયો. હું તેમના ગાયનથી એટલો પ્રભાવિત થયો કે મેં આપમેળે તેમના જેવું ગાવાનો પ્રયાસ કર્યો. લોકોને મારું અનુકરણ ગમે છે, પરંતુ સત્ય એ છે કે આશાજી જેવો કોઈ એક જ હોઈ શકે છે.”

તમારી ખૂબ જ યાદ આવશે, તાઈ. ઓમ શાંતિઃ મનોજ મુન્તાશીર

મનોજ મુન્તાશીરે એક કવિતા દ્વારા આશા ભોંસલેને શ્રદ્ધાંજલિ આપી. તેમણે લખ્યું, “કેટલાક લોકો એટલા મહાન હતા કે તેઓ દંતકથા બની ગયા… પૃથ્વી પર જન્મ્યા પછી, તેઓ આકાશ બની ગયા.” “આજે, એક આકાશ આ ધરતી છોડી ગયું છે. તમારી ખૂબ જ યાદ આવશે, તાઈ. ઓમ શાંતિ!”

આજે આપણે એક દંતકથા ગુમાવી દીધીઃ કરણ જોહર

ફિલ્મ નિર્માતા કરણ જોહરે લખ્યું, “આજે આપણે એક દંતકથા ગુમાવી દીધી એ કહેવું ઓછું હશે. આશાજી જેવું કોઈ નહોતું – તેમના અવાજે ફક્ત એક પેઢી જ નહીં, પરંતુ સિનેમાના સમગ્ર યુગને વ્યાખ્યાયિત કર્યો. હું હંમેશા તેમના અવાજ, તેમની કલા અને તેમના વ્યક્તિત્વનો મોટો ચાહક રહ્યો છું.” આશાજી, તમારું સંગીત હંમેશા જીવંત રહેશે, અને અમે પોતાને ભાગ્યશાળી માનીએ છીએ કે અમને તમારા જાદુનો અનુભવ કરવાની તક મળી.

આ ખોટ ક્યારેય નહીં ભરાયઃ રવિના ટંડન

રવિના ટંડને પણ આશા ભોંસલેને યાદ કર્યા, કહ્યું કે આ ખોટ ક્યારેય ભરાઈ શકશે નહીં. બોલીવુડના દિગ્ગજ હેમા માલિનીએ આશા તાઈને યાદ કર્યા અને લખ્યું કે તે વિશ્વાસ કરી શકતી નથી કે આ દંતકથા ગાયિકા હવે નથી. કાજોલે ગાયિકાને યાદ કરતાં કહ્યું કે તે હંમેશા એક દંતકથા હતી. સુશાંત દિવગીકરે લખ્યું, “શાંતિથી આરામ કરો, મારી ક્વીન.