નરોડા પોલીસે બ્યુટી પાર્લર ચલાવતા વેપારીઓ અને ગ્રાહકોને નિશાન બનાવી, ધાર્મિક વિધિના બહાને સોના-ચાંદીના દાગીના પડાવી લેતી બે મહિલાઓની ધરપકડ કરી છે. પોલીસે આ મામલે છેતરપિંડીનો મુદ્દામાલ ખરીદનાર વેપારી સહિત કુલ ત્રણ સામે કાયદેસરની કાર્યવાહી હાથ ધરી છે.

પોલીસ તપાસમાં બહાર આવ્યું છે કે આ મહિલાઓ અત્યંત શાતિર રીતે છેતરપિંડી કરતી હતી. મહિલાઓ ગ્રાહક બનીને બ્યુટી પાર્લરમાં જતી હતી. સર્વિસ લેતી વખતે એક મહિલા રડવાનું નાટક કરી સામેવાળી વ્યક્તિની સહાનુભૂતિ મેળવતી. બીજી મહિલા દાવો કરતી કે તેની માતા પાસે એવી શક્તિ છે જે કોઈપણ ‘દુર્ભાગ્ય’ કે ‘દુઃખ’ દૂર કરી શકે છે. વિધિ કરવાના બહાને બંને પીડિતાને રોકડ અથવા દાગીના લાવવા સમજાવતી અને નજર ચૂકવીને તે લઈને ફરાર થઈ જતી હતી.

ભારતીય ન્યાય સંહિતા (BNS) હેઠળ નોંધાયેલા ગુનાની તપાસ દરમિયાન નરોડા પોલીસને મળેલા ચોક્કસ ઇનપુટ્સના આધારે શંકાસ્પદોને ધરપકડ કરાઈ છે. આરોપીની ઓળખ ગાંધીનગર જિલ્લાના દહેગામ રોડ પર આવેલા બહિયાલ ગામની રહેવાસી 40 વર્ષીય મીનાબેન ઉર્ફે ટીના અને ખેડા જિલ્લાના દાણાદરા ગામની રહેવાસી 40 વર્ષીય રૂપલબેન તરીકે થઈ છે.

પૂછપરછ દરમિયાન બંનેએ પોતાનો ગુનો કબૂલી લીધો હતો. પોલીસના જણાવ્યાનુસાર, મુખ્ય આરોપી મીનાબેનનો ગુનાહિત ઇતિહાસ ઘણો મોટો છે અને તેની સામે ગુજરાતના અનેક પોલીસ સ્ટેશનોમાં છેતરપિંડી અને ચોરીના ગુના નોંધાયેલા છે.

મહિલાઓએ ચોરેલા દાગીના દસક્રોઈ વિસ્તારમાં જ્વેલર્સ ચલાવતા ધીરેન અરવિંદભાઈ સોનીને વેચ્યા હોવાનું કબૂલ્યું હતું. પોલીસે ઝવેરી પાસેથી 18.57 ગ્રામ સોનાની ત્રણ લગડીઓ કબજે કરી છે, જેની બજાર કિંમત આશરે 1.77 લાખ રૂપિયા થાય છે. હાલમાં પોલીસે ત્રણેય આરોપીઓ વિરુદ્ધ વધુ કાનૂની તપાસ હાથ ધરી છે અને આ ગેંગે અન્ય કેટલા લોકોને શિકાર બનાવ્યા છે તે દિશામાં પણ તપાસ ચાલી રહી છે.

સાણંદમાં સાડા ત્રણ કિમીના પીએમ મોદી ભવ્ય રોડ શો બાદ સાણંદ સ્થિત માઇક્રોન કંપનીના સેમી કંડક્ટર પ્લાન્ટ ખાતે પહોંચ્યા હતા અને સેમિ કંડક્ટર પ્લાન્ટનું ઉદઘાટન કર્યું હતું.સાણંદમાં સાડા ત્રણ કિમીના પીએમ મોદી ભવ્ય રોડ શો બાદ સાણંદ સ્થિત માઇક્રોન કંપનીના સેમી કંડક્ટર પ્લાન્ટ ખાતે પહોંચ્યા હતા અને સેમિ કંડક્ટર પ્લાન્ટનું ઉદઘાટન કર્યું હતું.

સાણંદમાં સ્થાપીત થયેલા માઇક્રોન કંપનીના સેમી કંડક્ટર પ્લાન્ટનું વડાપ્રધાન નરેન્દ્ર મોદીએ આજે ઉદ્ગાટન કર્યું હતું. કોવિડ વખતે વિશ્વભરમાં ઉદ્યોગો ઠપ્પ થઇ ગયા હતા ત્યારે પીએમ મોદીએ પ્રયાસો કરીને માઇક્રોન કંપનીને ગુજરાતમાં પ્લાન્ટ સ્થાપવા માટે લાવ્યા હતા.22500 કરોડના ખર્ચે માઇક્રોન કંપનીએ સેમી કંડક્ટર પ્લાન્ટ બનાવ્યો છે. ગેજેટમાં આ ચિપનો ઉપયોગ થશે અને હજારોની સંખ્યામાં રોજગારી જનરેટ થશે.

વડાપ્રધાન નરેન્દ્ર મોદી આજે અમદાવાદ એરપોર્ટ પર પહોંચ્યા બાદ તેઓ સાણંદ પહોંચ્યા હતા અને સાડા ત્રણ કિમીનો ભવ્ય રોડ શો યોજ્યો હતો

બપોરે 3 વાગે સાણંદ પહોંચ્યા

વડાપ્રધાન બપોરે 3:40 વાગ્યાના પોતાના નિર્ધારિત સમયમાં પહોંચવાના બદલે, બપોરે 3 વાગે સાણંદ પહોંચ્યા હતા

3.5 કિલોમીટર લાંબો રોડ શો

સાણંદ હેલિપેડથી માર્ગ પર 3.5 કિલોમીટર લાંબો રોડ શો યોજાયો હકતો.આ રોડ શોમાં આશરે 15,000 લોકો પહોંચ્યા હતા. હજારો લોકોએ પીએમનું ફુલો વરસાવી અભિવાદન કર્યું હતું.

PM મોદીનું સ્વાગત કરવા માટે 25 જેટલા સ્વાગત પોઇન્ટ બનાવાયા હતા અને વિવિધ થીમ સાથેના પ્લેનકાર્ડ્સ દ્વારા તેમનું સ્વાગત કરવામાં આવ્યું હતું

PM મોદીના આ રોડ શો અને લોકાર્પણને લઈને ભારે સુરક્ષા વ્યવસ્થા રાખવામાં આવી હતી

અણદાવાદ શહેરના જીવરાજ પાર્ક બસ સ્ટોપ પાસે સહજાનંદ કોમ્પ્લેક્સમાં ચાલતી ધી રિદ્ધિસિદ્ધિ ક્રેડિટ કોઓપરેટીવ સોસાયટી લિમિટેડે રોજ રોજ રૃા. ૧૦૦થી માંડીને રૃા. ૫૦૦ જમા કરાવીને મૂડી એકઠી કરી રહેલા થાપણદારોના અંદાજે રૃા. ૬.૫ કરોડ ડૂબાડયા હોવાનું બહાર આવી રહ્યું છે. આ કોઓપરેટી ક્રેડિટ સોસાયટીના વર્તમાન સંચાલકોમાં અમદાવાદની જ સોશિયલ કોઓપરેટીવ બેન્કના વર્તમાન ડિરેક્ટર સુરેશ શાહ, તેમના પત્ની કાશ્મીરા શાહ અને પ્રણવ શાહ હોવાનું બહાર આવ્યું છે. સોશિયલ કોઓપરેટીવ બેન્કમાંથી જ છૂટા કરેલા સ્ટાફના સભ્યોને થાપણ એકઠી કરવાની કામગીરીમાં જોતરી દઈને તેમણે પાંચ પાંચ સાત સાત ખાતા ચલાવતા થાપણદારોને રૃા. ૬.૫ કરોડ ડૂબાડયા હોવાથી થાપણદારો હેબતાઈ ગયા છે.

રિદ્ધિસિદ્ધિ ક્રેડિટ કોઓપરેટીવ સોસાયટીની સ્થાપના ૨૦૧૬માં કરવામાં આવી હતી. આ રીતે તેઓ થાપણદારો પાસે રૃા. ૧૦૦થી માંડીને જે રકમ આપે તે રોજ રોજ જમા લેતા હતા. વર્ષ દરમિયાન જમા થયેલી રકમ પર વર્ષને અંતે બે ટકા જેટલું વ્યાજ ઉમેરીને થાપણદારોને પરત આપી દેવામાં આવતા હતા. આ જ પૈસા સુરેશ શાહ અને તેમના ભાગીદાર સ્વ. અમિત પરીખ બહાર ૨૪ ટકાથી વધુના વાર્ષિક વ્યાજદરે ફેરવતા હતા.

ક્રેડિટ કોઓપરેટીવ સોસાયટીના સ્થાપકોએ રોજ રોજની થાપણ લઈ આવવા માટે ૧૩ જેટલા એજન્ટ્સની નિમણૂક કરી હતી. આ એજન્ટ્સ રોજના રૃા. ૨૫૦૦૦થી માંડીને ૭૫૦૦૦ કે તેનાથીય વધુ થાપણો લઈ આવતા હતા. આજે આ એજન્ટ્સ માટે ઘરમાંથી બહાર નીકળવું કઠિન બની ગયું છે. કારણ કે ડિસેમ્બર ૨૦૨૫ પછી તો થાપણદારોના પૈસા પરત કરવાનું ધરાર બંધ જ કરી દેવામાં આવ્યું છે.ક્રેડિટ સોસાયટી સાથે સંકળાયેલા પ્રણવ શાહ પણ થાપણો પરત કરવાને બદલે હાથ ઊંચા કરી રહ્યા છે.

૨૦૨૫ની દિવાળી પૂર્વે રિદ્ધિસિદ્ધિ ક્રેડિટ કોઓપરેટીવની સ્થાપના કરનારાઓમાંના એક અમિત ઇન્દ્રવદન પરીખ મૃત્યુ પામ્યા પછી સુરેશ શાહે થાપણદારોના પૈસા ચૂકવવાના ધાંધિયા કરવા માંડયા હોવાની જાણ કરતી ફરિયાદે ગાયકવાડ હવેલીમાં આર્થિક ગુના નિવારણનું કામ કરતાં પોલીસ સ્ટેશનમાં આપવામાં આવેલી ફરિયાદમં જણાવવામં આવ્યું છે. આ એજન્ટોના ભરોસે થાપણ જમા લઈ આવનારાઓએ હવે એજન્ટો પાસે પૈસાની ઉઘરાણી કરી રહ્યા છે. ક્રેડિટ સોસાયટી રજિસ્ટર્ડ હોવાથી ગુજરાતના સહકાર ખાતાના જિલ્લા રજિસ્ટ્રાર ઉન્નતી પંડયાને તેની ફરિયાદ કરવામાં આવી હોવા છતાં તેમણે પણ રહસ્યમય રીતે મૌન સેવી લીધું છે.

નહેરુ નગર પાસે ક્લાઉડ નાઈનમાં આઈ વિન્ગમાં રહેતા સુરેશ શાહ અને તેમના રિદ્ધિ સિદ્ધિ ક્રેડિટ સોસાયટીના મેનેજિંગ ડિરેક્ટર અને સુરેશ શાહના પત્ની કાશ્મીરા સુરેશ શાહે આ થાપણના બદલામાં સચાણામાં અને બીજો નળસરોવર વિસ્તારનો પ્લોટ આપવાની ઓફર મૂકી હતી. પરંતુ આ બંને પ્લોટ પર સોશિયલ કોઓપરેટીવ બેન્કનો બોજો હોવાનું ખબર પડતાં થાપણદારોએ તે સ્વીકારવાની ના પાડી દીધી હતી. બીજું આ પ્લોટ સુરેશ શાહ બજાર ભાવથી બમણા ભાવે થાપણદારોને ઓફર કરી રહ્યાહોવાથી પણ આ સમાધાન તૂટી ગય્ હતું. બીજીતરફ તેમણે નારોલ વિસ્તારમાં મકાનમાં ખાલી પડેલા ફ્લેટ્સ પણ ઓફક કરીને ઓફર પાછી ખેંચી લીધી હતી. પરિણામે થાપણદારો તેમણે ટીપે ટીપે એકઠી કરેલી મૂડી પાછી મેળવવા ધક્કા ખાઈ રહ્યા છે.