ધોરણ 8 ના સામાજિક વિજ્ઞાનના નવા પાઠ્યપુસ્તકમાંથી ન્યાયતંત્ર સંબંધિત વિવાદાસ્પદ પ્રકરણ હટાવવામાં આવ્યું છે. છતાં માત્ર 38 વેચાયેલી નકલો હવે શિક્ષણ મંત્રાલય અને NCERT માટે મોટી મુશ્કેલી બની ગઈ છે.
રાષ્ટ્રીય શૈક્ષણિક સંશોધન અને તાલીમ પરિષદ એટલે કે NCERT દ્વારા ધોરણ 8 માટે તૈયાર કરાયેલા નવા સામાજિક વિજ્ઞાનના પાઠ્યપુસ્તકને લઈને તાજેતરમાં મોટો વિવાદ સામે આવ્યો છે. “Exploring Society: India and Beyond – Part II” નામનું આ પુસ્તક 24 ફેબ્રુઆરીએ પ્રકાશિત થયું હતું અને તે નવી રાષ્ટ્રીય શિક્ષણ નીતિ (NEP) 2020 તથા રાષ્ટ્રીય અભ્યાસક્રમ માળખા (NCF) હેઠળ તૈયાર કરાયું હતું.
આ પુસ્તકના પ્રકરણ 4, “આપણા સમાજમાં ન્યાયતંત્રની ભૂમિકા” માં ન્યાયતંત્રમાં ભ્રષ્ટાચાર અને કેસોના પેન્ડલોગ (લાંબા સમયથી લટકતા કેસો) વિશે ઉલ્લેખ કરવામાં આવ્યો હતો. આ મુદ્દાઓને લઈને વિવાદ ઊભો થયો. ખાસ કરીને, ન્યાયતંત્રની કાર્યપદ્ધતિ અંગે કરાયેલા કેટલાક નિવેદનો પર Supreme Court of India એ કડક વાંધો વ્યક્ત કર્યો.
