“યુરોપિયન રૂટ પર વધારાની ફ્લાઇટ્સ B787-8s સાથે કાર્યરત થશે અને માલે અને કોલંબોની ફ્લાઈટ્સ A320neo એરક્રાફ્ટ સાથે કાર્યરત થશે. ન્યૂયોર્ક (JFK)ની ફ્લાઇટ્સ જરૂરી નિયમનકારી મંજૂરીઓને આધીન છે અને એર ઈન્ડિયાના B777-300ER એરક્રાફ્ટ સાથે કાર્યરત થશે,” એમ તેમાં જણ
ઈરાન-ઈઝરાયલ યુદ્ધને કારણે પશ્ચિમ એશિયામાં ચાલી રહેલી પરિસ્થિતિ વચ્ચે એર ઈન્ડિયાએ 10 માર્ચથી 9 રૂટ પર 78 વધુ ફ્લાઈટ્સ શરૂ કરવાની જાહેરાત કરી છે. એર ઈન્ડિયા દ્વારા જાહેર કરાયેલા એક નિવેદનમાં કહેવામાં આવ્યું છે કે પશ્ચિમ એશિયામાં ચાલી રહેલી પરિસ્થિતિ વચ્ચે વિશ્વસનીય મુસાફરી વિકલ્પોની સતત માગને ધ્યાનમાં રાખીને આ નિર્ણય લેવામાં આવ્યો છે.
એર ઈન્ડિયાએ આજે જાહેરાત કરી હતી કે તે આગામી થોડા દિવસોમાં યુરોપના પાંચ મુખ્ય પ્રવેશદ્વારો તેમજ ન્યૂ યોર્ક (JFK) 1માં વધારાની ક્ષમતા ઉમેરશે, જે માલદીવ અને શ્રીલંકામાં વધારાની સેવા દ્વારા સમર્થિત હશે. નિવેદનમાં કહેવામાં આવ્યું છે કે 10થી 18 માર્ચ, 2026ની વચ્ચે એર ઈન્ડિયા આ રૂટ પર 78 વધુ ફ્લાઇટ્સનું સંચાલન કરશે, જે મુસાફરો માટે મુસાફરીના વિકલ્પો મર્યાદિત હોવાના સમયે જરૂરી ક્ષમતામાં વધારો કરશે. આ ફ્લાઈટ્સ બંને દિશામાં નવ રૂટ પર 17,660 બેઠકો ઉમેરશે.
“યુરોપિયન રૂટ પર વધારાની ફ્લાઇટ્સ B787-8s સાથે કાર્યરત થશે અને માલે અને કોલંબોની ફ્લાઈટ્સ A320neo એરક્રાફ્ટ સાથે કાર્યરત થશે. ન્યૂયોર્ક (JFK)ની ફ્લાઇટ્સ જરૂરી નિયમનકારી મંજૂરીઓને આધીન છે અને એર ઈન્ડિયાના B777-300ER એરક્રાફ્ટ સાથે કાર્યરત થશે,” એમ તેમાં જણાવાયું છે.
આ રૂટ પર આ વધારાની ફ્લાઇટ્સ ચલાવવામાં આવશે
દિલ્હી-ન્યુયોર્ક (JFK)
દિલ્હી-લંડન (હીથ્રો)
મુંબઈ-લંડન (હીથ્રો)
દિલ્હી-ફ્રેન્કફર્ટ
દિલ્હી-પેરિસ (CDG)
દિલ્હી-એમ્સ્ટરડેમ
દિલ્હી-ઝુરિચ
દિલ્હી-માલે (માલદીવ)
દિલ્હી-કોલંબો (શ્રીલંકા)
પશ્ચિમ એશિયાના ઘણા અન્ય દેશોમાં એરસ્પેસ બંધ
સાઉદી અરેબિયા અને ઓમાન ઉપરના હવાઈ ક્ષેત્રને ફરીથી ખોલ્યા પછી 6 માર્ચે, એર ઈન્ડિયા અને એર ઈન્ડિયા એક્સપ્રેસે જેદ્દાહ અને મસ્કતથી ફ્લાઈટ સેવાઓ ફરી શરૂ કરવાની જાહેરાત કરી. એર ઈન્ડિયાએ એક નિવેદનમાં જણાવ્યું હતું કે, “પશ્ચિમ એશિયાના અન્ય ઘણા દેશોમાં એરસ્પેસ બંધ થવાને કારણે એર ઈન્ડિયા ગ્રુપના પશ્ચિમ એશિયાના અન્ય સ્થળોએ જવા અને ત્યાંથી જવાના સુનિશ્ચિત ઓપરેશન્સ 10 માર્ચ, 2026 સુધી સ્થગિત કરવામાં આવ્યા છે.”
