ટીમ ઈન્ડિયાની T20 વર્લ્ડકપ જીત બાદ હેડ કોચ ગૌતમ ગંભીર ખૂબ જ ખુશ હતા. તેમને મેચ પછીની પ્રેસ કોન્ફરન્સમાં પોતાની ખુશી વ્યક્ત કરી અને એક વ્યક્તિનો ખાસ આભાર પણ માન્યો.ટીમ ઈન્ડિયા T20 વર્લ્ડકપ 2026માં મુખ્ય દાવેદાર તરીકે પ્રવેશી. ટીમે ટુર્નામેન્ટના અંતે આ વાત સાચી સાબિત કરી, ટાઈટલ જીતીને ઈતિહાસ રચ્યો. ટીમ ઈન્ડિયા માટે આ જીત કોચ ગૌતમ ગંભીર માટે પણ ખૂબ જ ખાસ હતી.
ટીમ ઈન્ડિયાના કોચ તરીકે આ તેમનું બીજું ICC ટાઈટલ હતું. આ સાથે તેઓ કોચ અને ખેલાડી બંને તરીકે ICC ટ્રોફી જીતનાર પહેલા ખેલાડી બન્યા. આ વર્લ્ડકપ પહેલા તેમના વિશે ઘણા સવાલો હતા, પરંતુ હાલ માટે ટ્રોલર્સ શાંત થઈ ગયા છે. આ જીત પછી ગંભીરે એક વ્યક્તિનો ખાસ આભાર માન્યો છે.ટીમ ઈન્ડિયાની જીત બાદ હેડ કોચ ગૌતમ ગંભીરનું નિવેદન ઝડપથી વાયરલ થઈ રહ્યું છે, જેમાં તેઓ ખાસ કરીને આઈસીસી પ્રેસિડેન્ટનો આભાર માને છે. તેમને પ્રેસ કોન્ફરન્સમાં કહ્યું, “છેલ્લે પણ ઓછામાં ઓછું નહીં, મારે તેમનો આભાર માનવો પડશે. જ્યારે હું મારા કરિયરના સૌથી ખરાબ તબક્કામાંથી પસાર થઈ રહ્યો હતો, ત્યારે ઘણા લોકોએ મને ફોન કર્યો ન હતો.
ન્યુઝીલેન્ડ સામેની હાર હોય કે સાઉથ આફ્રિકા સામેની હાર, તેઓ મને ફોન કરનારા પહેલા વ્યક્તિ હતા. મારા પર વિશ્વાસ કરવા બદલ હું તેમનો આભાર માનવા માગુ છું. મને સારી રીતે યાદ છે કે જ્યારે મેં આ ભૂમિકામાં શરૂઆત કરી હતી, ત્યારે મારી પાસે કોઈ અનુભવ ન હતો.”ગૌતમ ગંભીર જ્યારથી હેડ કોચ બન્યા છે, ત્યારથી ટીમ ઈન્ડિયાનું રેડ-બોલ ટીમમાં પ્રદર્શન ખરાબ રહ્યું છે. ટીમને ઘરઆંગણે સતત સિરીઝમાં હારનો સામનો કરવો પડ્યો હતો, જેના કારણે વ્યાપક ટીકા થઈ હતી. પરંતુ તેમના કાર્યકાળ દરમિયાન ટીમે 2025માં ચેમ્પિયન્સ ટ્રોફી જીતી હતી અને હવે T20 વર્લ્ડકપ જીતીને ઈતિહાસ પણ રચ્યો છે. આ ટુર્નામેન્ટ જીત ગૌતમ ગંભીર માટે નોંધપાત્ર રાહત હતી. તેમનું આગામી ટાર્ગેટ આવતા વર્ષે યોજાનારા ODI વર્લ્ડકપ હશે.
