આ નિવેદનમાં તેમણે બિહારની ભાજપ જીતને બંગાળમાં સંભવિત જીતનો સંકેત ગણાવ્યો હતો. બિહાર વિધાનસભા ચૂંટણીમાં ભાજપની પ્રચંડ જીત પછી ઉજવણી દરમિયાન તેમણે કહ્યું હતું કે, “ગંગા બિહારથી બંગાળ સુધી વહે છે. બિહારની જીતે પશ્ચિમ બંગાળમાં વિજયનો રસ્તો ખોલ્યો છે.”
બંગાળનું ચૂંટણી મહાસંગ્રામ હવે પરિણામ સુધી પહોંચી ગયું છે. શ્યામા પ્રસાદ મુખર્જીના સપનાને વડાપ્રધાન નરેન્દ્ર મોદીએ સાકાર કર્યું છે. ભાજપ પહેલીવાર બંગાળમાં સરકાર બનાવવા જઈ રહી છે. ભાજપની ચૂંટણી ગંગાને પટનાથી આગળ લઈ જવા માટે વડાપ્રધાન મોદીના ભગીરથ પ્રયત્નો સૌએ જોયા.
પાર્ટી ગંગોત્રી ધામ ધરાવતા ઉત્તરાખંડમાં તો પહેલેથી સત્તામાં રહી છે, ત્યારબાદ ભાજપનો પ્રભાવ ઉત્તરપ્રદેશ અને બિહાર સુધી મર્યાદિત રહ્યો હતો. પરંતુ હવે બંગાળના પરિણામો બાદ પૂર્વ ભારતના ભાગ્યનો નવો અધ્યાય લખાવાનો સમય આવી ગયો છે.
હવે જ્યારે પશ્ચિમ બંગાળમાં સત્તા પરિવર્તન તરફ ઈશારો કરી રહ્યા છે, ત્યારે વડાપ્રધાનનું આ નિવેદન રાજકીય વર્તુળોમાં ઝડપી રીતે વાયરલ થઈ રહ્યું છે. ભાજપનો હાઈ-એનર્જી ચૂંટણી અભિયાન, જેમાં મોદીની મોટી જનસભાઓ અને વ્યાપક સંપર્ક અભિયાન સામેલ રહ્યા, તેનો અસર સ્પષ્ટ રીતે જોવા મળી રહ્યો છે. જો આ ટ્રેન્ડ્સ પરિણામોમાં બદલાય તો આ સ્વતંત્રતા પછી પહેલીવાર હશે કે ભાજપ પશ્ચિમ બંગાળમાં સરકાર બનાવશે.
સોમવારે મતગણતરીના પહેલા 4 કલાકના વલણમાં BJP સત્તારૂઢ ઓલ ઇન્ડિયા તૃણમુલ કોંગ્રેસ કરતાં ઘણી આગળ જોવા મળી. બપોર સુધી 293માંથી 266 સીટોના ટ્રેન્ડ્સ ઉપલબ્ધ હતા, જેમાં ભાજપ 192 સીટ પર આગળ હતી, જ્યારે તૃણમૂલ કોંગ્રેસ 92 સીટ પર આગળ હતી. જ્યારે લેફ્ટ ફ્રન્ટ-એઆઈએસએફ એક સીટ અને એજેયુપિ પણ એક સીટ પર આગળ હતી.
