મુંબઈનાં એક બિલ્ડિંગનાં રિડેવલપમેન્ટમાં થતી તકરારો પરથી બની  રહેલી મનોજ વાજપેયીની એક ફિલ્મમાં દિવ્યા દત્તાની નેગેટિવ રોલમાં એન્ટ્રી થઈ છે. ‘લાસ્ટ મેન ઈન ટાવર’  નામની નવલકથા પરથી આ ફિલ્મ બની રહી છે.

તેનું હાલ પ્રિ પ્રોડક્શન ચાલી રહ્યુું છે. શૂટિંગ જુલાઈથી ડિસેમ્બર વચ્ચે શરુ કરાશે. બેન રેખી આ  ફિલ્મનું દિગ્દર્શન કરશે. આ ઉપરાંત રાણા દગ્ગુબાટી પણ આ ફિલ્મને સપોર્ટ કરી રહ્યો છે. 

સૈયારની ટીમ એકવાર ફરી સાથે આવી ગઈ છે! મોહિત સૂરી, અક્ષય વિધાની (CEO, યશરાજ ફિલ્મ્સ) અને જેન-ઝી સ્ટાર્સ અહાન પાંડે અને અનીત પડ્ડા એકવાર ફરી એક ઇન્ટેન્સ રોમાન્સ ફિલ્મ માટે સાથે આવી રહ્યા છે. સૈયારાની જબરદસ્ત સફળતા બાદ, જે ભારતીય સિનેમાના ઇતિહાસની સૌથી વધુ કમાણી કરનારી લવ સ્ટોરી બની, આ ટીમ પોતાની આગામી અનટાઈટલ્ડ ફિલ્મ સાથે પરત ફરી રહી છે, જે દિલ જીતી લે તેવી સ્ટોરી અને યાદગાર સંગીતનું શાનદાર મિશ્રણ રજૂ કરશે.

રિલીઝ પછી દર્શકો અને વિવેચકોની જબરદસ્ત પ્રશંસા મેળવનારી યશરાજ ફિલ્મ્સની સૈયારા પોતાના સમયની સૌથી મોટી મ્યુઝિકલ બ્લોકબસ્ટર ફિલ્મોમાંની એક બનીને ઉભરી. આ ફિલ્મે ભારતમાં 338 કરોડ રૂપિયા નેટ અને વિશ્વભરમાં અંદાજે 580 કરોડ રૂપિયા ગ્રોસની શાનદાર કમાણી કરી જે સંપૂર્ણપણે નવા કલાકારો સાથે બનેલી રોમેન્ટિક મ્યુઝિકલ માટે ખૂબ મોટી સિદ્ધિ છે. તેનું સંગીત લાંબા સમય સુધી સ્ટ્રીમિંગ ચાર્ટ્સ પર છવાયેલું રહ્યું અને રિલીઝ પછી પણ તેની લોકપ્રિયતા યથાવત રહી, જેનાથી આ ફિલ્મ ભારત અને વિશ્વભરમાં, ખાસ કરીને યુવાનોમાં, એક પોપ કલ્ચર ફેનોમેનન બની ગઈ.

અહાન પાંડે અને અનીત પડ્ડાની જોડી સૈયારા પછી જેન-ઝેડની ફેવરિટ બની ગઈ. ફેન્સ જેમને પ્રેમથી અહનીત કહે છે, તેઓ હવે આ નવી ફિલ્મમાં ફરી સાથે જોવા મળશે અને પોતાની એ જ આકર્ષક કેમેસ્ટ્રી, સહજ અભિનય અને દિલકશ સ્ક્રીન પ્રેઝન્સ લઈને પરત ફરશે, જેણે સૈયારામાં તેમના પ્રદર્શનને યાદગાર બનાવી દીધું હતું.

મોહિત સૂરી કહે છે, મારા માટે હંમેશાથી લવ સ્ટોરીઝ જ મહત્વની રહી છે… જ્યારે લાગણીઓ એટલી ઊંડી, બેકાબૂ અને પોતાને સંપૂર્ણ રીતે ઘેરી લેનારી બની જાય છે કે તેમને અવગણવી મુશ્કેલ બની જાય છે. પ્રેમને પૂરી તીવ્રતાથી અનુભવવો જોઈએ અને આ જ કારણે હું એક સ્ટોરી રાઈટર તરીકે આ જોનર તરફ ખેંચાઉં છું. આ ફિલ્મ પણ તે જ લાગણીને ખુલીને એક્સપ્લોર કરે છે. સૈયારાની ટીમ સાથે ફરીથી કામ કરવું ખૂબ જ ખાસ છે, જાણે આ પહેલેથી નક્કી હતું. આ એક રીતે ઘર વાપસી છે, પરંતુ નવી ક્રિએટિવ ભૂખ સાથે. આ વખતે હું મારી જાતને એક નવા કલાકારની જેમ અનુભવી રહ્યો છું , ઉત્સાહિત, થોડો નર્વસ, અને આશા રાખું છું કે મારું સંગીત એકવાર ફરી લોકોના દિલને સ્પર્શશે.

અક્ષય વિધાની કહે છે, મોહિત સાથે અમારું સહયોગ એક સમાન ક્રિએટિવ વિચાર અને દિલને સ્પર્શી જાય તેવી સ્ટોરીઓ કહેવાની મહત્વાકાંક્ષા પર આધારિત છે. તેમની સાથે ફિલ્મ બનાવવી એ માત્ર એક પ્રોજેક્ટ નથી હોતો, પરંતુ એક અહેસાસ, એક ધૂન અને એક એવી પળ શોધવાની હોય છે જે ફિલ્મ પૂરી થયા પછી પણ દર્શકો સાથે જોડાયેલી રહે. સૈયારા એવો જ એક અનુભવ હતો જેને અમે હંમેશા સાચવી રાખીશું. હવે જ્યારે અમે ફરી સાથે આવી રહ્યા છીએ, ત્યારે અમે કંઈક વધુ સાચું, વધુ સંવેદનશીલ અને લાંબા સમય સુધી યાદ રહે તેવું બનાવવાનો પ્રયત્ન કરી રહ્યા છીએ. અમને ખુશી છે કે અહાન અને અનીત અમારી સાથે ફરી જોડાઈ રહ્યા છે, કારણ કે જેન-ઝેડની સૌથી લોકપ્રિય જોડી એકવાર ફરી મોહિત સૂરીની રોમેન્ટિક દુનિયામાં જોવા મળશે.

અહાન પાંડે અને અનીત પડ્ડા સ્ટારર આ યશરાજ ફિલ્મ્સની ફિલ્મ આ વર્ષના અંતમાં ફ્લોર પર જશે અને 2027માં વિશ્વભરના સિનેમાઘરોમાં રિલીઝ કરવાની યોજના છે.

આ વર્ષની મોસ્ટ અવેટેડ ફિલ્મોમાંની એક, રણબીર કપૂરની રામાયણની આતુરતાથી રાહ જોવાઈ રહી છે. નમિત મલ્હોત્રા ₹4000 કરોડના જંગી બજેટ સાથે બનેલી આ ફિલ્મનું વૈશ્વિક સ્તરે પ્રમોશન કરી રહ્યા છે.

બોલીવુડ માટે 2026ની શરૂઆત એકદમ જબરદસ્ત રહી છે. ધુરંધર 2 પહેલાથી જ ઘણા મોટા-મોટા રેકોર્ડ તોડી ચૂકી છે. પરંતુ આ વર્ષે હજુ પણ ઘણી મોટી ફિલ્મો આવવાની છે, જેમાંથી એક છે રણબીર કપૂરની રામાયણ. જે ફિલ્મને 4000 કરોડ રૂપિયાના તોતિંગ બજેટથી તૈયાર કરવામાં આવી છે. આ ઇન્ડિયન સિનેમા ઇતિહાસની સૌથી મોંઘી ફિલ્મ છે.

જ્યાં રણબીર કપૂરની રામાયણનો પાર્ટ 1 દિવાળી 2026માં આવશે, તો વળી પાર્ટ 2 માટે 2027ની દિવાળી સુધીની રાહ જોવી પડશે. નમિત મલ્હોત્રા આ ફિલ્મને ગ્લોબલ લેવલ પર પ્રમોટ કરી રહ્યા છે, સાથે જ IMAX ફોર્મેટમાં જ તેને બનાવવામાં આવી છે. પરંતુ શું રણબીર કપૂર અને યશની ફિલ્મની રાહ આટલી સરળ હોવાની છે? કદાચ નહીં, કઈ હોલીવુડ ફિલ્મના કારણે ટેન્શન વધી શકે છે.

દિવાળી 2026 સિનેમા પ્રેમીઓ માટે સૌથી મોટા ફેસ્ટિવ વીકેન્ડમાંથી એક રહેવાનું છે. જ્યારે બે-બે જબરદસ્ત ફિલ્મો સિનેમાઘરોમાં સામસામે આવી રહી છે. એક તરફ છે નિતેશ તિવારીની રામાયણ: પાર્ટ 1 અને બીજી ફિલ્મ- જાપાની મોન્સ્ટર ફિલ્મ ગોડઝિલા માઈનસ ઝીરો. બંને ફિલ્મોએ દિવાળીના ફેસ્ટિવ ટાઈમિંગ પર રિલીઝ થવાની તૈયારી કરી લીધી છે. કેમ તેને એક મોટો મુકાબલો માનવામાં આવી રહ્યો છે.

દુનિયાભરમાં ફિલ્મ ગોડઝિલા માઈનસ વનના સીક્વલને જબરદસ્ત રિસ્પોન્સ મળ્યો હતો. હવે તે જ પિક્ચરની સીક્વલ ગોડઝિલા માઈનસ ઝીરો આવી રહી છે. હાલમાં જ ફિલ્મનું ફર્સ્ટ લૂક ટીઝર સામે આવ્યું, જેમાં રિલીઝ ડેટ પણ જણાવવામાં આવી છે, જે 6 નવેમ્બર, 2026 છે. તેની અગાઉની ફિલ્મમાં જે દુનિયા બતાવવામાં આવી હતી, દુનિયાભરમાં તેના ખૂબ વખાણ થયા હતા. હવે આગામી ફિલ્મને લઈને પણ લોકોમાં ભારે એક્સાઈટમેન્ટ જોવા મળી રહ્યું છે.

જોકે રામાયણ ભારત ઉપરાંત દુનિયાભરમાં રિલીઝ થઈ રહી છે અને ગ્લોબલ લેવલ પર જ આ હોલીવુડ ફિલ્મ રામાયણને ટક્કર આપશે. આ ક્લેશ અસલમાં પ્રીમિયમ સ્ક્રીન માટે થવાનો છે. અહેવાલો મુજબ, બંને ફિલ્મો વચ્ચે IMAX અને બીજા મોટા ફોર્મેટવાળી સ્ક્રીન માટે જબરદસ્ત મુકાબલો થશે. આ સ્ક્રીન તે બ્લોકબસ્ટર ફિલ્મો માટે ખૂબ મહત્વની હોય છે, જે શાનદાર વિઝ્યુઅલ્સ માટે જાણીતી હોય છે અને બંને ફિલ્મોમાં આ પહેલો મહત્વનો પોઈન્ટ છે. બંને અલગ-અલગ જોનરની ફિલ્મો છે. એક જ સમયે રિલીઝ થવા છતાં આ બે અલગ-અલગ પ્રકારના ઓડિયન્સને આકર્ષશે. પરંતુ ગોડઝિલા ફ્રેન્ચાઈઝીના પહેલાથી જ ખૂબ મોટા ઇન્ટરનેશનલ વ્યુઅર્સ છે, જેની સીધી અસર રામાયણ પર પડી શકે છે.