ડાયરેક્ટર પ્રિયદર્શનની હૉરર-કૉમેડી ફિલ્મ ‘ભૂત બંગલા’નું ટ્રેલર રિલીઝ થઈ ચૂક્યું છે. તેના ટ્રેલરમાં જૂની હવેલીથી લઈને અનેક ટ્વિસ્ટ અને ટર્ન નજર આવ્યા. ટ્રેલરમાં અક્ષય કુમાર, પરેશ રાવલ અને રાજપાલ યાદવની દમદાર કૉમેડી નજર આવી.

‘ભૂત બંગલા’ના ટ્રેલરમાં ‘વધુસુર’ની સ્ટોરી બતાવવામાં આવી છે. ટ્રેલરમાં બતાવવામાં આવ્યું છે કે ફિલ્મનો અસલી ભૂત ‘વધુસુર’ છે. જેની સાથે અક્ષય કુમારનો આમનો-સામનો થશે. આ ફિલ્મનું ટ્રેલર કેટલાક અંશે ‘ભૂલ ભુલૈયા’ની યાદ અપાવે છે. કારણ કે, તેમાં પણ હવેલીનું કનેક્શન દેખાડવામાં આવ્યું છે.

‘ભૂત બંગલા’ના ટ્રેલરમાં ઘણા પાત્રોની ઝલક જોવા મળી. તબ્બુનું પાત્ર તેની ફિલ્મ ‘ભૂલ ભુલૈયા 2’ની યાદ અપાવે છે. તંત્ર-મંત્રની આસપાસ તબ્બુનો કેમિયો નજર આવ્યો. આ ઉપરાંત અક્ષય કુમારની કૉમેડી ટાઇમિંગ જબરદસ્ત છે. પરેશ રાવલ, અસરાની અને રાજપાલ યાદવી દમદાર કૉમેડી કોઈનું પણ દિલ જીતી લેશે. વામિકા ગબ્બીનો અક્ષય સાથેનો રોમેન્ટિક અંદાજ જોવા મળશે. બીજી તરફ મિથિલા પાલકરનો પણ ફિલ્મમાં મહત્ત્વપૂર્ણ રોલ છે.

અક્ષય કુમારની હૉરર-કૉમેડી ફિલ્મ ‘ભૂત બંગલા’ને પ્રિયદર્શને ડાયરેક્ટ કરી છે. આ ફિલ્મમાં અક્ષય અને પ્રિયદર્શને 14 વર્ષ બાદ કામ કર્યું છે. આ ફિલ્મ 17 એપ્રિલ 2026ના રોજ રિલીઝ થવા જઈ રહી છે. 16 એપ્રિલના રોજ રાત્રે 9:00 વાગ્યાથી ‘ભૂત બંગલા’ના પેડ પ્રિવ્યૂ શૉ થિયેટર્સમાં શરૂ થઈ જશે. આ ફિલ્મમાં અક્ષય કુમાર ઉપરાંત તબ્બુ, પરેશ રાવલ, રાજપાલ યાદવ, અસરાની, મિથિલા પાલકર અને વામિકા ગબ્બી મુખ્ય ભૂમિકામાં છે. આ એક હોરર છતાં કોમેડીથી ભરપૂર ફિલ્મ છે.

બોલીવુડ એક્ટ્રેસ સોનાક્ષી સિંહા અવારનવાર કોઈને કોઈ કારણસર ચર્ચામાં રહે છે. જ્યારથી સોનાક્ષીના લગ્ન થયા છે, ત્યારથી તેની પ્રેગ્નન્સીને લઈને સતત અટકળો લગાવવામાં આવી રહી છે. જોકે, આ અફવાઓ દર વખતે ખોટી સાબિત થઈ છે. હવે આ બાબતે સોનાક્ષીની માતા પૂનમ સિંહાએ પણ પોતાની પ્રતિક્રિયા આપી છે.

એક કાર્યક્રમ દરમિયાન પૂનમ સિંહાએ આ અફવાઓ પર હસતા હસતા જવાબ આપ્યો હતો. તેમણે કહ્યું કે, ખબર નહીં અમને કેટલી વાર નાની બનાવી દેવામાં આવ્યા છે, પણ જે હોય તે, આ ખુશી પણ અમને ચોક્કસ મળશે. પૂનમ સિંહાનું આ નિવેદન સોશિયલ મીડિયા પર ખૂબ વાયરલ થઈ રહ્યું છે અને લોકોને તેમની આ વાત પસંદ આવી છે.

પૂનમ સિંહાએ દીકરીઓ વિશે વાત કરતા જણાવ્યું કે દીકરીઓ ઘરની ખુશીઓનું સૌથી મોટું કારણ હોય છે અને સોનાક્ષી અમારા ઘરની સૌથી મોટી ખુશી છે. વર્ષ 2025માં જ્યારે સોનાક્ષી એક ઈવેન્ટમાં જોવા મળી હતી, ત્યારે લોકોએ એવું અનુમાન લગાવ્યું હતું કે તે પોતાનો બેબી બમ્પ છુપાવી રહી છે, પણ તે વાત સાચી નહોતી.

સોનાક્ષી સિંહાએ પણ આ અફવાઓ પર પોતાના અંદાજમાં જવાબ આપ્યો હતો. તેણે સોશિયલ મીડિયા પર એક મજેદાર પોસ્ટ શેર કરતા લખ્યું હતું કે, હું 16 મહિનાથી પ્રેગ્નન્ટ છું, જેનાથી સ્પષ્ટ થઈ ગયું હતું કે આ બધી વાતો માત્ર અફવા છે અને બીજું કંઈ નથી.

સોનાક્ષી અને ઝહીર ઈકબાલે 2024માં લગ્ન કર્યા હતા. તે પહેલા બંનેએ એકબીજાને 7 વર્ષ સુધી ડેટ કર્યા હતા. તેમના લગ્ન ખૂબ જ ખાનગી રાખવામાં આવ્યા હતા અને તેમાં માત્ર નજીકના લોકો જ સામેલ થયા હતા. લગ્ન પછી પણ આ કપલ મસ્તીભર્યા અંદાજમાં જોવા મળે છે.

ટીવી ઇન્ડસ્ટ્રીની ફેમસ અભિનેત્રી દિવ્યાંકા ત્રિપાઠીના બેબી શાવરના ફોટો સોશિયલ મીડિયામાં ખૂબ વાયરલ થયા છે. ‘ઇશિ મા’ તરીકે લોકપ્રિય થયેલ અભિનેત્રી દિવ્યાંકા લગ્નના 10 વર્ષ પછી માતા બનવા જઈ રહી છે. થોડા દિવસો પહેલા દિવ્યાંકાએ પોતાના ફેન્સને આ ગૂડ ન્યૂઝ આપ્યા હતા. વિવેક દહિયા સાથેના દિવ્યાંકા ત્રિપાઠીએ એક ફોટોશૂટ પણ કરાવ્યું હતું. જયારે હાલમાં દિવ્યાકાંનો બેબી શાવરનું આયોજન થયું હતું. આ કાર્યક્રમનો ફોટો વાયરલ થયા જેમાં દિવ્યાંકા પર પ્રેગનન્સીનો ગ્લો દેખાતો હતો. વાયરલ ફોટોમાં પિતા બનનાર વિવેક દહિયા અને અન્ય સેલેબ્સ પણ ડાન્સ કરતા દેખાયા.

દિવ્યાંકા શાવરમાં ખૂબ જ સુંદર લાગી રહી હતી. એકતા કપૂરથી લઈને ટીવી ઉદ્યોગના અનેક સેલિબ્રિટીઓએ આ કાર્યક્રમમાં હાજરી આપી હતી. જયારે પરિવારના સભ્યો સાથે યોજાયેલા આ બેબી શાવર ફંક્શનમાં દિવ્યાંકાએ ટ્રેડિશનલ લુકમાં હતી. ગ્રીન સાડીના આઉટફિટમાં દિવ્યાંકાને પરિવારના લોકોએ માથા પર લાલ ચુંદડી પહેરાવી જયારે તેના પતિ વિવેક દિવ્યાંકાને લીલા કલરના બેંગ્લસ પહેરાવ્યા હતા.

બેબી શાવરમાં પિતા બનનાર વિવેક દહિયાની ખુશી પણ દેખાઈ રહી હતી. અભિનેતાએ પત્નીના બેબી બમ્પને ચુંબન કર્યું અને કાનમાં કંઈક બોલીને પત્ની દિવ્યાંકાને ચીડવી હતી. પરિવાર માટે યોજાયેલ બેબી શાવર ફંક્શનમાં બધા નાચ્યા. દિવ્યાંકાએ તેના બેબી બમ્પને પકડીને નાચ્યું. વીડિયો શેર કરતા અભિનેત્રીએ કેપ્શનમાં લખ્યું, “જ્યારે તમે પરિવાર, પ્રેમ અને ગાંડપણને ભેળવો છો ત્યારે શું થાય છે? બેબી શાવર સેરેમની હાસ્ય, નૃત્ય અને અવિસ્મરણીય યાદોથી ભરેલી હતી. તે દિવસ વિશે વિચારીને મને હજુ પણ હસવું આવે છે.” ચાહકોએ દિવ્યાંકાને પ્રેમથી ભરી દીધો છે.

ગઈકાલે રાત્રે આ કપલે મિત્રો માટે ખાસ બેબી શાવર પણ રાખ્યું હતું. જેમાં દિવ્યાંકા એક સુંદર સફેદ ગાઉનમાં જોવા મળી હતી, જેમાં તેની પ્રેગ્નન્સીનો ગ્લો સ્પષ્ટ દેખાઈ રહ્યો હતો. વિવેક તેને રોમેન્ટિક ડાન્સ માટે સાથે લઈ ગયો હતો. બેબી શાવરમાં પરિવાર અને ઉદ્યોગના મિત્રો પણ હાજર હતા. બધાએ દિવ્યાંકા અને તેના અજાત બાળકને આશીર્વાદ આપ્યા.