ટીવીના લોકપ્રિય કલાકારોમાંના એક માનવામાં આવતા વિવિયન ડીસેના ફરી પિતા બન્યો છે. આ વાતની જાણકારી એક્ટરે પોતે પોસ્ટ શેર કરીને આપી છે, જેના કારણે સેલેબ્સથી લઈને ફેન્સ સુધીના તમામ તેને અભિનંદન આપી રહ્યા છે.

વિવિયન ડીસેના પોતાની પ્રોફેશનલ લાઈફ કરતા પર્સનલ લાઈફને લઈને વધુ ચર્ચામાં રહે છે. ફરી એકવાર આવું જ કંઈક જોવા મળી રહ્યું છે. હકીકતમાં, વિવિયન ડીસેના ફરી એકવાર પિતા બન્યા છે. તેની પત્ની નૂરન અલીએ પુત્રને જન્મ આપ્યો છે. વિવિયને પોતે સોશિયલ મીડિયા પર પોસ્ટ શેર કરીને આ અંગે જાણકારી આપી છે. આ પહેલા વિવિયન અને નૂરને એક દીકરાનું સ્વાગત કર્યું હતું. વિવિયને ઇન્સ્ટાગ્રામ પર ગુડ ન્યૂઝ શેર કરતા પોતાની પોસ્ટમાં લખ્યું, થોડા સમય માટે લોકોની નજરથી દૂર થઈ ગયો હતો.. કોઈ કારણ વગર નહીં.. કેટલીક સ્ટોરીઓ જાહેર કરવામાં આવતી નથી, તે બસ હંમેશા રહે છે. અમારો પરિવાર મોટો થયો છે અને આ વખતે પ્રિન્સ છે.

વિવિયને સોશિયલ મીડિયા પર પિતા બનવાની જાણકારી આપી કે તરત જ ફેન્સથી લઈને સેલેબ્સ સુધીના લોકોએ તેની પોસ્ટ પર કોમેન્ટ્સનો વરસાદ કરી દીધો. વિવિયન ડીસેનાએ ગુપ્ત રીતે નૂરન અલી સાથે નિકાહ કર્યા હતા. આ લગ્ન માટે એક્ટરે ઈસ્લામ ધર્મ અપનાવ્યો હતો.વિવિયન સાથે લગ્ન પહેલા જ નૂરન બે દીકરીઓની માતા હતી. વિવિયને તે બે દીકરીઓને પણ અપનાવી હતી. લગ્ન પછી આ કપલને એક દીકરી થઈ અને હવે પુત્રનો જન્મ થયો છે. આમ, વિવિયન અને નૂરન હવે ચાર બાળકોના પેરેન્ટ્સ બની ગયા છે.

વિવિયન પોતાની પર્સનલ લાઈફને પ્રાઈવેટ રાખવાનું વધુ પસંદ કરે છે. આ જ કારણ છે કે જ્યારે તેની પત્ની નૂરન પ્રેગ્નેન્ટ હતી ત્યારે કોઈને કાનોકાન ખબર પડી ન હતી. વળી, એક્ટરની પત્ની નૂરન અલી લાઈમલાઈટથી દૂર રહેવાનું પસંદ કરે છે. નૂરન પહેલીવાર દુનિયાની નજરમાં ત્યારે આવી હતી જ્યારે તે પોતાના પતિ વિવિયનને મળવા બિગ બોસના ઘરમાં પહોંચી હતી. તે દરમિયાન નૂરનની ઘણી તસવીરો સોશિયલ મીડિયા પર ખૂબ વાયરલ થઈ હતી.

મુંબઈ: ‘સૈયારા’ ફિલ્મથી જાણીતી બનેલી અનીત પડ્ડાની બહેન રીત પડ્ડાએ રણવીર સિંહની ફિલ્મ ‘ધુરંધર’ની આકરી ટીકા કર્યા બાદ તે સોશિયલ મીડિયા પર ભારે ટ્રોલ થઈ હતી. આખરે રીતે પોતાનું ઈન્સ્ટા એકાઉન્ટ તથા લિંક્ડ ઈન પ્રોફાઈલ પણ ડિલીટ કરી દીધાં હોવાનું કહેવાય છે.

રીત પડ્ડાની ઈન્સ્ટા પ્રોફાઈલ સર્ચ કરતાં હવે આ એકાઉન્ટ અસ્તિત્વમાં નથી તેવો મેસેજ જોવા મળ્યો હતો. પેરિસમાં માર્કેટિંગ પ્રોફેશનલ તરીકે કામ કરતી રીતે એક સોશિયલ મીડિયા પોસ્ટમાં કહ્યું હતું કે ‘ધુરંધર’ પણ ‘કાશ્મીર ફાઈલ્સ અને ‘કેરલ સ્ટોરીઝ’ જેવી જ પ્રોપેગેન્ડા ફિલ્મ છે. તે પછી અનેક લોકોએ રીતને ભારે ટ્રોલ કરી હતી. કેટલાક લોકોએ તો એવો પણ આક્ષેપ કર્યો હતો કે રીત એક પાકિસ્તાની ફૈઝલ અહમદ સાથે રિલેશનશિપમાં છે એટલે તે આવી પોસ્ટ કરી રહી છે. જોકે, આ આક્ષેપો કે સમગ્ર વિવાદ અંગે રીત અથવા તો અનીત પડ્ડાએ પણ કોઈ સ્ટેટમેન્ટ આપ્યું નથી.

જોકે, એવું મનાય છે કે રીતની બહેન અનીતની કેરિયર હજુ તો બોલિવુડમાં જામી રહી છે તેથી બોલિવુડમાં તેના કોઈ દુશ્મનો ન બને અને વિવાદ આગળ ન વધે તે માટે રીતે પોતાનું એકાઉન્ટ ડિલીટ કરી દીધું હોય તેવું બની શકે છે.