સુરક્ષા એજન્સીઓએ દિલ્હી બોર્ડર પરથી લશ્કર-એ-તૈયબાના આતંકી શબ્બીર અહમદ લોનની ધરપકડ કરવામાં મોટી સફળતા મેળવી છે. તપાસમાં સામે આવ્યું છે કે, આ આતંકી બાંગ્લાદેશમાં રહીને પાકિસ્તાની ગુપ્તચર એજન્સી ISIના ઈશારે લશ્કરનું નવું મોડ્યુલ તૈયાર કરી રહ્યો હતો. દિલ્હી પોલીસ અને સુરક્ષા દળોએ મળેલી ગુપ્ત માહિતીના આધારે જાળ બિછાવીને તેને દિલ્હી બોર્ડર પરથી દબોચી લીધો છે. તે ભારત વિરોધી પ્રવૃત્તિઓ કરવાના મિશન પર હતો. હાલ એજન્સીઓ તેની પૂછપરછ કરી રહી છે કે દિલ્હી અને તેની આસપાસના વિસ્તારોમાં તેના અન્ય કેટલા સાથીઓ છુપાયેલા છે.

શબ્બીર અહમદ લોન સુરક્ષા એજન્સીઓ માટે નવું નામ નથી. આ અગાઉ વર્ષ 2007માં દિલ્હી પોલીસની સ્પેશિયલ સેલે તેને AK-47 અને ગ્રેનેડ જેવા ઘાતક હથિયારો સાથે પકડ્યો હતો. તે સમયે પણ તેના તાર સીધા હાફિઝ સઈદ સાથે જોડાયેલા હતા. આ ગુનામાં તે વર્ષ 2018 સુધી દિલ્હીની તિહાર જેલમાં સજા કાપી ચૂક્યો છે. જેલમાંથી બહાર આવ્યા બાદ તે ફરી સક્રિય થયો હતો અને બાંગ્લાદેશને પોતાનું નવું ઠેકાણું બનાવીને ભારત વિરોધી ઓપરેશન હેન્ડલ કરવા લાગ્યો હતો.

નોંધનીય છે કે, છેલ્લા કેટલાક દિવસોમાં દિલ્હી અને દક્ષિણ ભારતમાંથી લશ્કરના અન્ય મોડ્યુલનો પણ પર્દાફાશ કરવામાં આવ્યો હતો. આ મોડ્યુલે દિલ્હી અને કોલકાતામાં અનેક જગ્યાએ ભારત વિરોધી પોસ્ટરો પણ લગાવ્યા હતા. આ આતંકીની ધરપકડથી દિલ્હી પોલીસ અને કેન્દ્રીય એજન્સીઓને મોટી સફળતા મળી છે અને સંભવિત આતંકી ષડયંત્રોનો પર્દાફાશ થવાની શક્યતા છે.

વિમાન સુરક્ષિત લેન્ડ થયા બાદ આરોપી મુસાફરને સુરક્ષા એજન્સીઓના હવાલે કરવામાં આવ્યો. રાહતની વાત એ રહી કે આ ઘટનાના કારણે વિમાનને બે વખત ચક્કર ના લગાવવા પડ્યા અને લેન્ડિંગ સામાન્ય રીતે પૂર્ણ થઈ.

બેંગ્લુરૂથી વારાણસી જઈ રહેલી ઈન્ડિગોની ફ્લાઈટમાં એક મુસાફરની ખતરનાક હરકત સામે આવી છે. મળતી માહિતી મુજબ ફ્લાઈટ 6E-185માં સવાર એક મુસાફરે મુસાફરી દરમિયાન 2 વખત ઈમરજન્સી દરવાજો ખોલવાનો પ્રયત્ન કર્યો. પ્રથમવાર મુસાફરે ઉડાન દરમિયાન દરવાજો ખોલવાનો પ્રયત્ન કર્યો, જ્યારે બીજી વખત તેને આ હરકત તે સમયે કરી જ્યારે વિમાન વારાણસીમાં ઉતરી રહ્યું હતું. આ દરમિયાન ક્રૂ મેમ્બર્સે તાત્કાલિક સ્થિતિને સંભાળતા તમામ SOPનું પાલન કર્યું.

વિમાન સુરક્ષિત લેન્ડ થયા બાદ આરોપી મુસાફરને સુરક્ષા એજન્સીઓના હવાલે કરવામાં આવ્યો. રાહતની વાત એ રહી કે આ ઘટનાના કારણે વિમાનને બે વખત ચક્કર ના લગાવવા પડ્યા અને લેન્ડિંગ સામાન્ય રીતે પૂર્ણ થઈ, હાલ સુરક્ષા એજન્સીઓ મુસાફરની પુછપરછ કરી રહી છે અને તેના આ વ્યવહારની પાછળનું કારણ જાણવાના પ્રયત્ન કરી રહી છે.

ઉડાન ભર્યાના લગભગ 15 મિનિટ બાદ જ વ્યક્તિએ પ્રથમવાર ઈમરજન્સી દરવાજા સાથે છેડછાડ કરવાનો પ્રયત્ન કર્યો, કેબિન ક્રૂએ તરત જ તેને રોકતા ચેતવણી આપી, ત્યારબાદ તે થોડા સમય સુધી સામાન્ય રહ્યો પણ રાત્રે લગભગ 10.20 વાગ્યે જ્યારે વિમાન વારાણસીના લાલ બહાદુર શાસ્ત્રી આંતરરાષ્ટ્રીય એરપોર્ટ પર ઉતરવાનું હતું અને લગભગ 500 ફૂટની ઉંચાઈ પર હતું, ત્યારે ફરીથી ઈમરજન્સી દરવાજો ખોલવાના પ્રયત્ન કર્યા. ક્રૂની સૂચના પર પાયલટે હોંશિયારી વાપરીને લેન્ડિંગ અટકાવી દીધું અને ગો-અરાઉન્ડ કરતા વિમાનને ફરીથી સુરક્ષિત રીતે 10.35 વાગ્યે લેન્ડ કરાવ્યું.

આ ઘટનાથી વિમાનમાં સવાર અન્ય મુસાફરોમાં દહેશત ફેલાઈ ગઈ, તમામ લોકોએ સુરક્ષિત લેન્ડિંગ માટે ક્રૂની સરાહના કરી. નિયમો હેઠળ આરોપી મુસાફરને તાત્કાલિક સુરક્ષા એજન્સીના હવાલે કરી દેવામાં આવ્યો. પોલીસે તેમની વિરૂદ્ધ કેસ દાખલ કરી તપાસ શરૂ કરી દીધી છે.

મધ્યપ્રદેશના ગ્વાલિયરના ભિતરવાર વિસ્તારમાં એક વિચિત્ર ઘટના સામે આવી છે. રિપોર્ટ મુજબ પોલીસે ચેકિંગ દરમિયાન હેલમેટ ન પહેરવા બદલ એક બાઈકને અટકાવ્યો હતો, ત્યારબાદ ચાલાન બનાવવાની કાર્યવાહી શરૂ કરવામાં આવી હતી, જોકે આ દરમિયાન બાઈક ચાલકની પત્નીએ પોતાના પર માતાની સવારી આવી હોવાનો દાવો કર્યો અને પોલીસ સ્ટેશનની અંદર જ ધૂણવા લાગી હતી.

પોલીસ સ્ટેશનમાં મહિલાનો ધૂણવાનો વીડિયો સોશિયલ મીડિયામાં વાયરલ થઈ રહ્યો છે. મહિલાની હરકત જોઈને પોલીસ કર્મચારીઓ પણ ચોંકી ગયા હતા. જોકે રસપ્રદ વાત એ છે કે, હરકત બાદ પોલીસે કોઈપણ ચાલાન કાપવાની કાર્યવાહી કરી ન હતી, પરંતુ એક પોલીસ કર્મચારીએ મહિલાને રૂપિયા 50 આપીને શાંત કરાવી હતી.

રિપોર્ટ મુજબ, ભિતરવાર પોલીસ સ્ટેશનના કર્મચારીઓ ચેકિંગ કરી રહ્યા હતા. આ દરમિયાન એક દંપત્તિ બાઈક પર સવાર થઈને આવી રહ્યા હતા. બાઈક ચાલકે હેલ્મેટ પહેર્યું ન હતું અને પુરા ડોક્યુમેન્ટ પણ ન હતા. ત્યારબાદ પોલીસ બાઈકને સ્ટેશન પર લઈ ગઈ હતી. પછી દંપત્તિ પોલીસ સ્ટેશન પર પહોંચ્યા અને પત્ની અચાનક જ પોલીસ સ્ટેશનમાં ધુણવા લાગી હતી. ધુણતી વખતે મહિલાએ દાવો કર્યો કે, તેના પર માતાની સવારી આવી છે.

મહિલા પોલીસ સ્ટેશનની અંદર જોરજોરથી ધુણવા લાગી હતી. મહિલાની હરકત જોઈને સ્ટેશનમાં સૌકોઈ આશ્ચર્યમાં મુકાઈ ગયા હતા. જોકે પછી એક પોલીસ કર્મચારીએ મહિલાને 50 રૂપિયા આપ્યા અને ચાલાનની કોઈપણ કાર્યવાહી કર્યા વગર દંપત્તિ અને બાઈકને જવા દેવાયા. ખાસ વાત એ છે કે, પોલીસ સ્ટેશનમાં ઉભેલા લોકોએ મહિલાનો વીડિયો બનાવી લીધો અને આ જ વીડિયો હવે સોશિયલ મીડિયામાં ઝડપથી વાયરલ થઈ રહ્યો છે.

નવી દિલ્હી: મધ્ય-પૂર્વમાં ચાલી રહેલા યુદ્ધ વચ્ચે ભારતીય ધ્વજવાળા વધુ બે જહાજે સલામત રીતે હોર્મુઝની ખાડી પાર કરી દીધી છે અને તે આગામી કેટલાક દિવસમાં ભારતીય દરિયા કિનારે પહોંચી જવાની શક્યતા છે. આ જહાજો પર દેશની એક-બે દિવસની જરૂરિયાત પૂરી કરે તેટલો એલપીજી લદાયેલો છે. દેશમાં એલપીજીના સંકટનો સામનો કરવા સરકાર અનેક પગલાં લઈ રહી છે ત્યારે લાંબા સમય પછી બજારમાં કેરોસીનનું પુનરાગમન થયું છે. કેન્દ્ર સરકારે પેટ્રોલ પંપો પર કેરોસીનના વેચાણ માટે લાઈસન્સિંગના નિયમોમાં અસ્થાયી છૂટ આપી છે.
દેશમાં કમર્શિયલ એલપીજીની અછત વચ્ચે કેન્દ્ર સરકારે ગેઝેટ નોટિફિકેશન જાહેર કરીને લોકોને કેરોસીન મળી રહે તે માટે પેટ્રોલિયમ સુરક્ષા, લાઈસન્સિંગના નિયમોમાં અસ્થાયી છૂટ આપી છે. જોકે, સરકારે સ્પષ્ટ કર્યું છે કે કેરોસીનનો પૂરવઠો માત્ર ઘરેલુ ઉપયોગ જેમ કે ભોજન બનાવવા અને વીજળીના અભાવે પ્રકાશ ફેલાવવા માટે જ કરી શકાશે.

કેન્દ્ર સરકારે ૨૧ રાજ્યો અને કેન્દ્ર શાસિત પ્રદેશોમાં જાહેર વિતરણ વ્યવસ્થા હેઠળ ૬૦ દિવસ માટે સુપીરિયર કેરોસિન ઓઈલના એડ-હોક પૂરવઠાને મંજૂરી આપી છે, જેથી જનતાએ ઈંધણની અછતનો સામનો કરવો ના પડે. આ ફેરફાર હેઠળ સરકારી ઓઈલ કંપનીઓ દ્વારા સંચાલિત પસંદગીના પેટ્રોલ પંપોને કેરોસિનનો સંગ્રહ કરવાની અને વિતરણ કરવાની મંજૂરી અપાઈ છે. આ પેટ્રોલ પંપો ૫,૦૦૦ લીટર સુધીનું કેરોસીન રાખી શકશે. સરકારે દરેક જિલ્લામાં મહત્તમ બે પેટ્રોલ પંપોને કેરોસીન રાખવાની છૂટ આપી છે. કેન્દ્ર સરકારે સમગ્ર દેશમાં તબક્કાવાર કેરોસીનનું વેચાણ બંધ કરી દીધું હતું. છેલ્લે ૨૦૨૦માં દિલ્હી, હરિયાણા અને ચંડીગઢમાં કેરોસીનનું વેચાણ બંધ કરીને સરકારે દેશને કેરોસીન મુક્ત જાહેર કર્યો હતો.

દરમિયાન ભારતીય ધ્વજવાળા વધુ બે એલપીજી ટેન્કર યુદ્ધગ્રસ્ત હોર્મુઝની ખાડીમાંથી સુરક્ષિત રીતે પસાર થઈ ગયા છે અને આગામી કેટલાક દિવસમાં ભારતીય બંદરો પર પહોંચી જશે. આ બંને જહાજ ૯૪,૦૦૦ ટન એલપીજી કાર્ગો લઈને આવી રહ્યા છે. એક જહાજ બીડબલ્યુ ટીવાયઆર ૩૧ માર્ચે મુંબઈ પહોંચે તેવી શક્યતા છે જ્યારે બીડબલ્યુ ઈએલએમ ન્યૂ મેંગલોર તરફ જઈ રહ્યું છે, જે એક એપ્રિલે આવે તેવી શક્યતા છે. હોર્મુઝની ખાડીમાં ૪૮૫ ભારતીય નાવિકો સાથે ભારતીય ધ્વજવાળા હજુ ૧૮ જહાજ ફસાયેલા હોવાનું સૂત્રોએ જણાવ્યું હતું. એલપીજી કેરિયર જગ વિક્રમ, ગ્રીન આશા અને ગ્રીન સાન્વી હજુ પણ હોર્મુઝની ખાડીમાં છે અને એક ખાલી જહાજમાં એલપીજી ભરાઈ રહ્યો છે.દરમિયાન પેટ્રોલિયમ અને પ્રાકૃતિક ગેસ મંત્રાલયે જણાવ્યું કે, દેશમાં એલપીજી અને પેટ્રોલ-ડીઝલની કોઈ અછત નથી.

એલપીજીની કટોકટી વચ્ચે દેશમાં માર્ચ મહિનામાં શહેરોમાં ગેસ વિતરણનું નેટવર્ક વધારવામાં આવ્યું છે અને એલપીજીની જગ્યાએ પીએનજીને પ્રોત્સાહન અપાઈ રહ્યું છે. માર્ચમાં ૨.૯ લાખથી વધુ નવા પીએનજી કનેક્શન અપાયા છે. હોટેલ, રેસ્ટોરાં અને જરૂરી ઉદ્યોગોને કમર્શિયલ એલપીજીનો સપ્લાય વધારવામાં આવી રહ્યો છે. બીજીબાજુ એલપીજીની સંગ્રહરખોરી અને કાળાબજાર રોકવા ૨૯૦૦ દરોડા પડાયા હતા અને લગભગ ૧,૦૦૦ સિલિન્ડર જપ્ત કરાયા હતા.