રાજસ્થાન રોયલ્સે લખનૌ સુપર જાયન્ટ્સને 40 રનથી હરાવ્યું. એકાના સ્ટેડિયમ ખાતે રમાયેલી મેચમાં રાજસ્થાને પ્રથમ બેટિંગ કરી અને 159 રન બનાવ્યા. જવાબમાં લખનૌની આખી ટીમ 119 રનમાં ઓલઆઉટ થઈ ગઈ. મિચેલ માર્શે એકલા હાથે લડાઈ કરી અને 55 રનની લડાયક ઈનિંગ રમી, પરંતુ ટીમને જીત અપાવી શક્યા નહીં.
આ રાજસ્થાન રોયલ્સની સિઝનની પાંચમી જીત હતી, જેને 2 મેચની હારનો સિલસિલો સમાપ્ત કર્યો. રિષભ પંત, નિકોલસ પૂરન અને મયંક યાદવ જેવા મોંઘા ખેલાડીઓ સંપૂર્ણપણે નિષ્ફળ રહ્યા. લખનૌની 7 મેચમાં આ પાંચમી હાર હતી.
159 રન બનાવવા છતાં રાજસ્થાન રોયલ્સ જીત્યું
એકાના સ્ટેડિયમની પીચ સતત ઓછા સ્કોરવાળી મેચો થતી રહી છે. રવિન્દ્ર જાડેજાના 43 રનથી રાજસ્થાનને 159 સુધી પહોંચવામાં મદદ મળી. અહીં ઓછા સ્કોરનો પણ સફળતાપૂર્વક બચાવ કરવામાં આવ્યો હોવાથી લખનૌ સુપર જાયન્ટ્સ ફક્ત 159 રન હોવા છતાં જોખમમાં ન હેતા.
લખનૌની શરૂઆત એટલી ખરાબ હતી કે તેમને 11 રન સુધી પહોંચતા પહેલા 3 કિંમતી વિકેટ ગુમાવી દીધી. ટોપ 4 બેટ્સમેનમાંથી 3, રિષભ પંત, એડન માર્કરામ અને આયુષ બદોની, પોતાનું ખાતું ખોલવામાં નિષ્ફળ રહ્યા. આઉટ ઓફ ફોર્મ નિકોલસ પૂરને 22 રન બનાવ્યા. લખનૌ માટે મિચેલ માર્શ એકમાત્ર ખેલાડી હતો જેને લડાઈ લડી. તેને 41 બોલમાં 55 રન બનાવ્યા, પરંતુ બીજા છેડે વિકેટ પડતી રહી.
રાજસ્થાન તરફથી ઘાતક બોલિંગ
રાજસ્થાન રોયલ્સના કેપ્ટન રિયાન પરાગે 5 બોલરોનો ઉપયોગ કર્યો, જેમાંથી દરેકે ઓછામાં ઓછી 1 વિકેટ લીધી. જોફ્રા આર્ચર સૌથી સફળ બોલર રહ્યો, તેને 3 બેટ્સમેનોને આઉટ કર્યા. નાન્દ્રે બર્ગર અને બ્રિજેશ શર્માએ 2-2 વિકેટ લીધી. રવિન્દ્ર જાડેજા અને રવિ બિશ્નોઈએ પણ 1-1 વિકેટ લીધી.
