Sensex and Nifty Rally Ahead of Diwali : દિવાળીના તહેવાર પૂર્વે ભારતીય શેરબજારમાં રોકાણકારો માટે ખુશખબર સામે આવી છે. સપ્તાહના પ્રથમ કારોબારી દિવસે બજાર ખૂલતાં જ શેરબજારમાં શાનદાર તેજી જોવા મળી છે. સેન્સેક્સ અને નિફ્ટી બંને બેન્ચમાર્ક ઇન્ડેક્સ મજબૂત બઢત સાથે ગ્રીન ઝોનમાં ટ્રેડ થઈ રહ્યા છે, જેના કારણે રોકાણકારોમાં ઉત્સાહનો માહોલ છવાઈ ગયો છે.
સેન્સેક્સ અને નિફ્ટીમાં જબરદસ્ત ઉછાળો
આજે બજાર ખૂલતાની સાથે જ સેન્સેક્સમાં આશરે 907 પોઈન્ટ નો મોટો ઉછાળો નોંધાયો છે, જ્યારે નેશનલ સ્ટોક એક્સચેન્જ (NSE) ના નિફ્ટીમાં પણ 239 પોઈન્ટ ની મજબૂતી જોવા મળી છે. પ્રાપ્ત આંકડાઓ અનુસાર, સેન્સેક્સ ગઈકાલના બંધ સામે 75,178.24 ના મથાળે ખૂલીને ઊંચામાં 75,366.06 સુધી પહોંચ્યો હતો. જ્યારે નિફ્ટી પણ ગઈકાલના બંધ 23,053.10 ની સામે 23,222.30 ના સ્તરે ખૂલીને તેજી તરફ આગળ વધી રહ્યો છે.
તેજી પાછળના મુખ્ય કારણો
બજાર નિષ્ણાતોના મતે, આ અચાનક આવેલી તેજી પાછળ કેટલાક સકારાત્મક આર્થિક પરિબળો જવાબદાર છે:
વધતું જીએસટી કલેક્શન: દેશમાં જીએસટી (GST) રેવેન્યુ કલેક્શન સતત મજબૂત રહેવાથી અર્થતંત્રની મજબૂતાઈ છતી થઈ છે, જેની સીધી અસર બજાર પર પડી છે.
ક્રૂડ ઓઈલની કિંમતોમાં ઘટાડો:
વૈશ્વિક બજારમાં બ્રેન્ટ ક્રૂડ ઓઈલના ભાવ ઘટવાથી ભારતીય અર્થતંત્રને મોટો રાહત મળી છે, જેનાથી ફુગાવાનો ડર ઓછો થયો છે.
તહેવારોની ખરીદીનો માહોલ: દિવાળી અને તહેવારોની સિઝનને કારણે ઓટોમોબાઈલ, રિટેલ અને ફાઇનાન્શિયલ સેક્ટરમાં ખરીદી વધવાની આશાએ રોકાણકારોનો વિશ્વાસ વધ્યો છે.
દિવાળી પહેલા બજારમાં આવેલા આ ઉછાળાથી રોકાણકારોના ચહેરા પર રોનક આવી ગઈ છે અને આગામી દિવસોમાં પણ બજાર સકારાત્મક રહેવાની અપેક્ષા વ્યક્ત કરવામાં આવી રહી છે.
