મહેસાણા જિલ્લામાં ફરજ બજાવતા 18 પોલીસ ઇન્સ્પેક્ટરોની આંતરિક બદલીનો હુકમ પોલીસ અધિક્ષક હિમાંશુ સોલંકી દ્વારા કરવામાં આવ્યો છે. જેમાં લીવ રિઝર્વ પર મુકાયેલા 13 પીઆઈને જુદા જુદા પોલીસ સ્ટેશન તેમજ શાખાઓમાં નિમણૂક આપવામાં આવી છે. જ્યારે લાંઘણજ, વડનગર, સાયબર ક્રાઈમ, કડી અને વિજાપુર પોલીસ મથકના પીઆઈની અન્ય જગ્યાએ બદલી કરાઈ છે.

2 PI ને લીવ રિઝર્વમાં મુકી દેવાયા

બદલી પામેલા પોલીસ ઇન્સ્પેક્ટરોમાં નીચે મુજબનો સમાવેશ થાય છે. હાલમાં કડી અને વિજાપુર પોલીસ મથકોએ ફરજ બજાવતા બે પોલીસ ઇન્સ્પેક્ટરને લીવ રિઝર્વ પર મુકાયા છે. જેમાંથી પીઆઈ જી.આર.રબારીને અન્ય હુકમ ન થાય ત્યાં સુધી એસઓજી શાખા, મહેસાણાનો વધારાનો ચાર્જ સંભાળવાનો આદેશ કરાયો છે.

ક્રમ પીઆઈનું નામ હાલની ફરજનું સ્થળ ક્યાં બદલી
૧. એ.એસ.રબારી લીવ રિઝર્વ કડી પોલીસ સ્ટેશન
૨. એમ.સી.પટેલ લીવ રિઝર્વ વિસનગર તાલુકા
૩. એ.આર.પટેલ લીવ રિઝર્વ મહેસાણા બી ડિવિઝન
૪. પી.આર.કરેણ લીવ રિઝર્વ ખેરાલુ પોલીસ સ્ટેશન
૫. આર.એલ.પારઘી લીવ રિઝર્વ મહેસાણા એ ડિવિઝન
૬. એમ.એન.દવે લીવ રિઝર્વ વડનગર પોલીસ સ્ટેશન
૭. શ્રીમતી એન.જી.ગોહીલ લીવ રિઝર્વ નંદાસણ પોલીસ સ્ટેશન
૮. સુશ્રી એ.આર.વાઘેલા લીવ રિઝર્વ મહિલા પોલીસ સ્ટેશન
૯. એ.એમ.ગેલોત લીવ રિઝર્વ લાંઘણજ પોલીસ સ્ટેશન
૧૦. કે.ડી.રાવલ લીવ રિઝર્વ મોઢેરા પોલીસ સ્ટેશન
૧૧. આર.જે.ચૌહાણ લીવ રિઝર્વ વિજાપુર પોલીસ સ્ટેશન
૧૨. વાય.એ.પરમાર લાંઘણજ સાયબર ક્રાઈમ
૧૩. એ.એન.ગઢવી વડનગર બેચરાજી પોલીસ સ્ટેશન
૧૪. એમ.એન.ભડેલીયા લીવ રિઝર્વ સતલાસણા પોલીસ સ્ટેશન
૧૫. ડી.જી.બડવા સાયબર ક્રાઈમ બાવલુ પોલીસ સ્ટેશન
૧૬. ઓ.પી.સીસોદીયા કડી લીવ રિઝર્વ
૧૭. જી.આર.રબારી વિજાપુર લીવ રિઝર્વ
૧૮. એસ.એસ.આનંદ લીવ રિઝર્વ એલઆઈબી શાખા

સુરેન્દ્રનગરના જોરાવરનગર પોલીસે રાજકોટ-અમદાવાદ નેશનલ હાઈવે પર ટ્રાન્સપોર્ટ ટેન્કરમાં છુપાવેલું દારૂનું મોટું નેટવર્ક ઝડપી પાડયું છે. પોલીસે રૂ.૧.૨૬ કરોડનો મુદ્દામાલ જપ્ત કરી રાજસ્થાનના ચાલકની અટકાયત કરી છે.

સુરેન્દ્રનગર જિલ્લામાં દારૂની હેરાફેરી રોકવા પોલીસ સક્રિય બની છે, ત્યારે જોરાવરનગર પોલીસે અત્યાર સુધીની સૌથી મોટી રેડ પાડી છે. એએસપી ની ટીમે બાતમીના આધારે વસ્તડી નજીક ભવાનીધામ લખતડીપરાના પાટિયા પાસે વોચ ગોઠવી એક શંકાસ્પદ ટેન્કર (એમએસ-૦૪-ઈબી-૬૩૨૬) ને અટકાવ્યું હતું. ટેન્કરની તલાશી લેતા તેમાંથી રૂ.૯૫.૯૪ લાખની કિંમતની વિવિધ બ્રાન્ડની ૭,૩૮૦ વિદેશી દારૂની બોટલો મળી આવી હતી. પોલીસે ટેન્કર અને મોબાઈલ સહિત કુલ રૂ.૧.૨૬ કરોડનો મુદ્દામાલ જપ્ત કરવામાં આવ્યો છે.આ કેસમાં પોલીસે રાજસ્થાનના જાલોર જિલ્લાના ઘેવરચંદ બિશ્નોઈની ધરપકડ કરી છે. પ્રાથમિક તપાસમાં ગોવાથી માલ ભરી આપનાર ‘પ્રસાદ’ નામના શખ્સનું નામ ખુલ્યું છે. દારૂનો જથ્થો એટલો મોટો હતો કે જોરાવરનગર પોલીસ સ્ટેશનનો મુદ્દામાલ રૂમ નાનો પડયો હતો, જેના કારણે અંતે દારૂની બોટલો મહિલા લોકઅપમાં રાખવાની ફરજ પડી હતી. હાલ પોલીસ આ આખા નેટવર્ક પાછળ રહેલા અન્ય બુટલેગરોને ઝડપી પાડવા તપાસ તેજ કરી રહી છે.

અમદાવાદ ગ્રામ્ય પોલીસની ટીમે બગોદરા ટોલટેક્સ પાસે વાહન ચેકિંગ દરમિયાન કન્ટેનરમાં છુપાવેલો લાખોનો વિદેશી દારૂ ઝડપી પાડયો છે. ચૂંટણી લક્ષી સઘન ચેકિંગ દરમિયાન પોલીસને આ મોટી સફળતા મળી છે.

આગામી જિલ્લા અને તાલુકા પંચાયતની ચૂંટણીઓને અનુલક્ષીને બગોદરા પોલીસ દ્વારા ચેકિંગ હાથ ધરવામાં આવ્યું હતું. આ દરમિયાન ટોલટેક્સ પાસે એક શંકાસ્પદ કન્ટેનર (એચઆર-૫૫-વાય-૦૫૪૩)ને રોકીને તપાસ કરતા તેમાંથી ભારતીય બનાવટનો વિદેશી દારૂ મળી આવ્યો હતો.

પોલીસે તપાસ દરમિયાન ૫૫૫ પેટીઓમાં ભરેલી કુલ ૬,૬૬૦ બોટલ જપ્ત કરી છે, જેની બજાર કિંમત રૂ.૭૩.૨૬ લાખ થાય છે. આ ઉપરાંત રૂ.૨૦ લાખનું કન્ટેનર અને મોબાઈલ મળી કુલ રૂ.૯૩,૩૧,૦૦૦નો મુદ્દામાલ કબજે કરાયો છે. આ મામલે રાજસ્થાનના બાડમેરના ગણપતલાલ બિશ્નોઇની ધરપકડ કરવામાં આવી છે. જોકે, આ જથ્થો મોકલનાર સુરેન્દર અને કાળુ બિશ્નોઇ સહિત દારૂ મંગાવનાર અન્ય ચાર શખ્સો હજુ પોલીસ પકડથી દૂર છે, જેમને ઝડપવા તપાસના ચક્રો ગતિમાન કરાયા છે.

 ઉત્તર ગુજરાતના રાજકીય હબ ગણાતા મહેસાણા જિલ્લામાં સ્થાનિક સ્વરાજ્યની ચૂંટણીનો ધમધમાટ ચરમસીમાએ પહોંચ્યો છે. નવરચિત મહેસાણા મહા નગર પાલિકાની પ્રથમ ઐતિહાસિક ચૂંટણી હોવાથી ઉમેદવારોમાં ભારે ઉત્સાહ જોવા મળી રહ્યો છે. હાલની સ્થિતિએ ભાજપ અને કોંગ્રેસ બંને પક્ષોમાં થઈને કુલ 800થી વધુ દાવેદારોએ પોતાની દાવેદારી નોંધાવી છે. જેના કારણે ફાઈનલ ઉમેદવારોના નામ નક્કી કરવા માટે મોવડી મંડળે ભારે મથામણ કરવી પડે તેવી સ્થિતિ સર્જાઈ છે.

મહેસાણા જિલ્લાનો ચૂંટણી ચિત્ર

મહેસાણા મનપા, જિલ્લા પંચાયતની 42 બેઠકો, 10 તાલુકા પંચાયત અને 5 નગર પાલિકાની સામાન્ય ચૂંટણી તેમજ વડનગર પાલિકાની 1 ખાલી બેઠક મળીને કુલ 467 બેઠકો પર જંગ જામશે. જિલ્લાના અંદાજે 15.88 લાખ મતદારો આગામી 26મી એપ્રિલે પોતાના મતાધિકારનો ઉપયોગ કરશે. એકલી મહેસાણા મનપાની ચૂંટણી ખૂબ જ રસપ્રદ બની રહી છે, જ્યાં 1,73,477 મતદારો નિર્ણાયક ભૂમિકા ભજવશે.

ભાજપમાં દાવેદારોનો સૌથી વધુ ધસારો

ચૂંટણી લડવા માટે સૌથી વધુ ધસારો સત્તાધારી પક્ષ ભાજપમાં જોવા મળી રહ્યો છે. તાલુકા અને જિલ્લા કક્ષાના કાર્યાલયો પર કાર્યકરો અને સમર્થકોના ટોળેટોળા ઉમટી રહ્યા છે. બીજી તરફ, કોંગ્રેસમાં પણ જૂના જોગીઓ અને નવા ચહેરાઓ ટિકિટ મેળવવા માટે એડીચોટીનું જોર લગાવી રહ્યા છે. દરેક બેઠક દીઠ 3 થી 4 મજબૂત દાવેદારોની પેનલ તૈયાર કરીને પ્રદેશ કક્ષાએ મોકલવાની તજવીજ હાથ ધરાઈ છે.

અપક્ષ ઉમેદવારો પક્ષોનું ગણિત બગાડશે?

આ વખતની ચૂંટણીમાં રાજકીય પક્ષો માટે સૌથી મોટો પડકાર અપક્ષ ઉમેદવારો સાબિત થઈ શકે છે. એવી ચર્ચા છે કે સેન્સ પ્રક્રિયામાં ટિકિટ ન મળતા નારાજ થયેલા કેટલાક કાર્યકરો અપક્ષ તરીકે મેદાનમાં ઉતરી શકે છે, જે ભાજપ અને કોંગ્રેસ બંનેના જીતના સમીકરણો બગાડી શકે છે. હવે તમામની નજર પ્રદેશ મોવડી મંડળ પર ટકી છે, જે છેલ્લી ઘડીએ કોના નામ પર મહોર મારીને મેન્ડેડ આપે છે.