Home Blog Page 231

World : ફ્રાન્સના રાષ્ટ્રપતિને મળ્યા વિદેશમંત્રી એસ. જયશંકર, આ મુદ્દાઓ પર કરી ચર્ચા

pakkogujarat
-
0
World : ફ્રાન્સના રાષ્ટ્રપતિને મળ્યા વિદેશમંત્રી એસ. જયશંકર, આ મુદ્દાઓ પર કરી ચર્ચા

વિદેશ મંત્રાલય દ્વારા મળતી માહિતી મુજબ આ બેઠક દરમિયાન ખાસ કરીને ન્યૂક્લિયર ઊર્જા, હાઈ-ટેક અને ડિફેન્સ ટેકનોલોજી ક્ષેત્રોમાં વ્યાપક સંભવિત સહયોગ પર ધ્યાન કેન્દ્રિત કરવામાં આવ્યું.ભારતના વિદેશમંત્રી એસ. જયશંકર ફ્રાન્સની રાજધાની પેરિસમાં પહોંચ્યા છે અને ત્યાં તેમણે ફ્રાન્સના રાષ્ટ્રપતિ ઈમેન્યુઅલ મેક્રોન સાથે મુલાકાત કરી. આ મુલાકાત દરમિયાન બંને નેતાઓએ દ્વિપક્ષીય સંબંધો અને વૈશ્વિક મુદ્દાઓ પર મંથન કર્યું.

શિક્ષણ, સંશોધન, ઊર્જા, ટ્રેડ અને રક્ષા ક્ષેત્રોમાં બંને દેશો વચ્ચે સહકાર વધારવા માટે વિવિધ ઉકેલો અને ભાગીદારી અંગે ચર્ચા કરવામાં આવી. આ ઉપરાંત આંતરરાષ્ટ્રીય સુરક્ષા, આફ્રિકા અને યુરોપમાં ચાલી રહેલા વિવાદો અને કડક વૈશ્વિક પડકારો અંગે પણ વિસ્તૃત ચર્ચા થઈ. એસ. જયશંકરે કહ્યું કે ભારત-ફ્રાન્સ સંબંધો મજબૂત અને બહુપક્ષીય હોવા છતાં અદ્યતન વૈશ્વિક પડકારોને ધ્યાનમાં રાખીને નવા ક્ષેત્રોમાં પણ સહકાર વધારવો જરૂરી છે. ફ્રાન્સના રાષ્ટ્રપતિએ પણ ભારત સાથેના મજબૂત વૈશ્વિક ભાગીદારી અને સહકારના મહત્વને પુનઃપ્રતિષ્ઠિત કર્યા.

વિદેશ મંત્રાલય દ્વારા મળતી માહિતી મુજબ આ બેઠક દરમિયાન ખાસ કરીને ન્યૂક્લિયર ઊર્જા, હાઈ-ટેક અને ડિફેન્સ ટેકનોલોજી ક્ષેત્રોમાં વ્યાપક સંભવિત સહયોગ પર ધ્યાન કેન્દ્રિત કરવામાં આવ્યું. બંને પક્ષોએ વાતચીતને આગલાના તબક્કામાં યથાર્થ કાર્યવાહી માટે માર્ગદર્શક તરીકે સ્વીકારી. આ મુલાકાતને ભારત-ફ્રાન્સ સંબંધોમાં નવી ઉંચાઈ આપી રહી છે અને આંતરરાષ્ટ્રીય સ્તરે મજબૂત સહકાર માટે માર્ગ બનાવશે. બંને નેતાઓએ દ્વિપક્ષીય સંબંધોને વધુ મજબૂત બનાવવા માટે આગલા સમયગાળા માટે રચનાત્મક આયોજન પર પણ સહમતી વ્યક્ત કરી.

Entertainment : ‘ટેટ્ટીરી’ ગીત વિવાદ અને ગુપ્ત લગ્ન રેપર બાદશાહે તોડયું મૌન

pakkogujarat
-
0
Entertainment : ‘ટેટ્ટીરી’ ગીત વિવાદ અને ગુપ્ત લગ્ન રેપર બાદશાહે તોડયું મૌન


બોલિવૂડના ફેમસ રેપર બાદશાહ છેલ્લા કેટલાક સમયથી સતત ચર્ચામાં રહ્યા છે. માર્ચ મહિનાની શરૂઆતથી જ તેમના જીવનમાં પ્રોફેશનલ વિવાદ અને પર્સનલ લાઈફના સમાચારોનો વંટોળ જોવા મળ્યો છે. હવે આ તમામ મુદ્દાઓ પર બાદશાહે સોશિયલ મીડિયા દ્વારા પોતાની પ્રથમ પ્રતિક્રિયા આપી છે.

માર્ચની શરૂઆતમાં બાદશાહનું નવું ગીત “ટેટ્ટીરી” રિલીઝ થયું હતું, પરંતુ તે તેની અપેક્ષા મુજબ હિટ થવાને બદલે વિવાદમાં ફસાયું. ગીતના શબ્દોને અપમાનજનક ગણાવવામાં આવ્યા, જેના કારણે હરિયાણામાં તેમની સામે કાયદાકીય કાર્યવાહી પણ હાથ ધરવામાં આવી હતી. આ વિવાદ હજુ શમ્યો નહોતો ત્યાં તેમના અંગત જીવનના સમાચારોએ જોર પકડ્યું.

સોશિયલ મીડિયા પર બાદશાહ અને તેની લાંબા સમયની ગર્લફ્રેન્ડ ઈશા રિખીના લગ્નના ફોટા વાયરલ થતા ચાહકો આશ્ચર્યચકિત થઈ ગયા હતા. રિપોર્ટ્સ અનુસાર, આ ફોટા તેમની સાસુએ શેર કર્યા હતા, જેનાથી આ અટકળોને વધુ વેગ મળ્યો. બાદશાહ પહેલેથી જ એક પુત્રીના પિતા છે, તેથી તેમના આ ગુપ્ત લગ્નના સમાચાર સોશિયલ મીડિયા પર ટોક ઓફ ધ ટાઉન બન્યા હતા.

આ તમામ વિવાદો અને અફવાઓ વચ્ચે બાદશાહે આખરે ઇન્સ્ટાગ્રામ પર એક લાંબી પોસ્ટ શેર કરી છે. તેમણે પોતાની સ્ટોરીમાં સ્પષ્ટતા કરતા જણાવ્યું કે સોશિયલ મીડિયા પર જે કંઈ પણ દેખાય છે તે હંમેશા સત્ય હોતું નથી. જોકે તેમણે કોઈ ચોક્કસ મુદ્દાનું નામ નથી લીધું, પણ ચાહકો માની રહ્યા છે કે આ પ્રતિક્રિયા તેમના લગ્નની અફવાઓ અને ગીતના વિવાદને લઈને છે.

બાદશાહે લખ્યું કે છેલ્લા કેટલાક અઠવાડિયાએ તેમની એવી કસોટી કરી છે જેની તેમણે અપેક્ષા નહોતી રાખી અને ન તો તૈયારી કરી હતી. રેપરે કહ્યું, “બહારથી, જીવન ખૂબ જ સંપૂર્ણ લાગે છે. પરંતુ જ્યારે કેમેરા બંધ હોય છે, ત્યારે તમે એકલા જે ભાર વહન કરો છો તે ખરેખર અલગ હોય છે. હું આ દિવસોમાં મારી અંદર ઘણું બધું વહન કરી રહ્યો છું.” “પરંતુ લંડને મને યાદ અપાવ્યું કે મને શું જોઈએ છે. જ્યારે હું O2 સ્ટેજ પર ગયો, ત્યારે ભીડ સાંભળ્યા પહેલા જ હું ઉર્જા અનુભવી શક્યો. ચહેરાઓ, અવાજ અને તે સ્ટેડિયમને ભરી દેતી હૂંફ.

પોતાની નોંધના અંતે, બાદશાહે જાહેરાત કરી કે તે તેના જીવનમાં એક નવા તબક્કાની શરૂઆત કરી રહ્યો છે. તે વધુ નવા અને ઉત્તેજક ગીતો સાથે આવવા માટે સખત મહેનત કરી રહ્યો છે. તેણે આ સમય દરમિયાન તેને મજબૂત રાખવા બદલ તેના ચાહકો અને પ્રશંસકોનો આભાર માન્યો.

National : Delhi-Saharanpur હાઈવે પર બસે કન્ટેનરને મારી ટક્કર, 1 વ્યક્તિનું મોત, 6 લોકો ઘાયલ

pakkogujarat
-
0
National : Delhi-Saharanpur હાઈવે પર બસે કન્ટેનરને મારી ટક્કર, 1 વ્યક્તિનું મોત, 6 લોકો ઘાયલ

મળતી માહિતી મુજબ બસ દિલ્હી તરફ ઝડપથી જઈ રહી હતી અને ડ્રાઈવર કાબૂ ગુમાવી બેઠો. બસ કન્ટેનર સાથે ટકરાઈ ગઈ, જેથી બસનો પાછળનો ભાગ સંપૂર્ણ રીતે તૂટી ગયો. અકસ્માત સમયે મુસાફરોમાં અફરા-તફરી મચી.

દિલ્હી-સહારનપુર નેશનલ હાઈવે પર શનિવારે બરૌલી ગામની નજીક એક ગંભીર માર્ગ અકસ્માત બન્યો છે. માર્ગ પર આવેલા CNG પંપની સામે, એક ઝડપથી આવી રહેલી રોડવેઝ બસે રસ્તા પર ઉભા રહેલા CNG કન્ટેનરને ટક્કર મારી. આ અકસ્માતમાં એક મુસાફરનું ઘટના સ્થળે જ મોત નિપજ્યું, જ્યારે 6થી વધુ લોકો ગંભીર રીતે ઘાયલ થયા છે.

મળતી માહિતી મુજબ બસ દિલ્હી તરફ ઝડપથી જઈ રહી હતી અને ડ્રાઈવર કાબૂ ગુમાવી બેઠો. બસ કન્ટેનર સાથે ટકરાઈ ગઈ, જેથી બસનો પાછળનો ભાગ સંપૂર્ણ રીતે તૂટી ગયો. અકસ્માત સમયે મુસાફરોમાં અફરા-તફરી મચી, કેટલાક મુસાફરો સંતુલન ગુમાવી બેઠા અને જમીન પર પડી ગયા. ઘટના સ્થળ પર લોકોમાં ભયનો માહોલ સર્જાયો. સ્થાનિક લોકોની મદદથી ઘાયલોને તાત્કાલિક નજીકની હોસ્પિટલમાં લઈ જવામાં આવ્યા, જ્યાં ડૉકટરની ટીમ ઘાયલ લોકોની સારવાર કરી રહી છે. કેટલાક ઘાયલોની સ્થિતિ નાજુક છે. પોલીસે ઘટનાની જાણ થતા તરત જ સ્થળ પર પહોંચી રાહત અને બચાવ કામગીરી શરૂ કરી.

તેઓએ ઘાયલોને હોસ્પિટલ પહોંચાડ્યા અને વાહનો હટાવી હાઈવે પર ટ્રાફિક દૂર કરી ફરી રોડ શરૂ કરાવ્યો. અકસ્માતના કારણે હાઈવે પર લાંબો જામ લાગ્યો. પોલીસના જણાવ્યા મુજબ અકસ્માતનું મુખ્ય કારણ બસની સ્પીડ અને ડ્રાઈવરની બેદરકારી માનવામાં આવે છે. મૃતકના પરિવારજનોને જાણ કરવામાં આવી છે અને મૃતદેહ પોસ્ટમોર્ટમ માટે મોકલવામાં આવ્યો છે. તપાસ હજુ ચાલી રહી છે અને આગળની કાર્યવાહી કરવામાં આવશે.

Article : સમય અને શક્તિ: તમારા જીવનની સૌથી કિંમતી મૂડી

pakkogujarat
-
0
Article : સમય અને શક્તિ: તમારા જીવનની સૌથી કિંમતી મૂડી

આજના અતિ વ્યસ્ત અને સ્પર્ધાત્મક યુગમાં આપણે અવારનવાર સંપત્તિ, પદ અને પ્રતિષ્ઠા પાછળ આંધળી દોટ મૂકીએ છીએ. પરંતુ શું આપણે ક્યારેય શાંતિથી બેસીને વિચાર્યું છે કે આપણી પાસે સૌથી મૂલ્યવાન સંપત્તિ કઈ છે? એ છે — સમય અને શક્તિ (Time & Energy). ઘણીવાર આપણે કહીએ છીએ કે “પૈસો એ પરમેશ્વર છે”, પણ સત્ય એ છે કે પૈસો ખોવાઈ જાય તો ફરી કમાઈ શકાય છે, પણ એકવાર વીતી ગયેલી સેકન્ડ અને વેડફાઈ ગયેલી આંતરિક શક્તિ બ્રહ્માંડની તમામ સંપત્તિ ખર્ચવા છતાં પાછી મેળવી શકાતી નથી.


સમયની કિંમત: માત્ર ઘડિયાળના કાંટા નથી


દરેક સફળ વ્યક્તિ અને સામાન્ય વ્યક્તિ વચ્ચેનો તફાવત માત્ર એ છે કે તેઓ પોતાના ૨૪ કલાકનો ઉપયોગ કેવી રીતે કરે છે. સમય એ રેતી જેવો છે, જો મુઠ્ઠી ખુલ્લી રાખશો તો એ સરકી જશે.

  • ટાલમટૂલ કરવાની આદત: “કાલે કરીશું” એ શબ્દ સમયનો સૌથી મોટો દુશ્મન છે. જે કામ આજે થઈ શકે છે, તેને આવતીકાલ પર ધકેલવું એ તમારી સફળતાને પાછળ ઠેલવા સમાન છે.
  • ડિજિટલ પિંજરું: આજના સમયમાં સોશિયલ મીડિયા પર બિનજરૂરી સ્ક્ર્રોલિંગ કરવું એ સમયની ‘ધીમી આત્મહત્યા’ છે. રીલ્સ અને શોર્ટ્સ જોવામાં વિતાવેલી મિનિટો હકીકતમાં તમારા જીવનના કિંમતી કલાકો ચોરી રહી છે.
    તમારી શક્તિ (Energy) ક્યાં ખર્ચાય છે?
    સમયની સાથે સાથે તમારી ‘એનર્જી’ મેનેજમેન્ટ પણ એટલું જ જરૂરી છે. દિવસના અંતે તમે થાકી જાવ છો, પણ શું તમે એ થાક કોઈ ઉત્પાદક કાર્ય (Productive Work) કરવાથી અનુભવો છો કે માત્ર નકામી ચિંતાઓ કરવાથી?
  • નકારાત્મક ચર્ચાઓથી દૂર રહો: બીજાની ટીકા કરવી, ગોસિપ કરવી કે જે બાબતો તમારા નિયંત્રણમાં નથી તેના વિશે વિચારવું એ તમારી માનસિક શક્તિનો વ્યય છે.
  • ભાવનાત્મક શક્તિ બચાવો: બિનજરૂરી દલીલોમાં ઉતરીને પોતાની શાંતિ હણવી એ મૂર્ખામી છે. તમારી શક્તિ ત્યાં જ વાપરો જ્યાંથી તમને આત્મસંતોષ કે પ્રગતિ મળે.
    સફળતા માટેના ગોલ્ડન રૂલ્સ:
  • પ્રાયોરિટી (અગ્રતા) નક્કી કરો: દરરોજ સવારે ૫ મિનિટ ફાળવીને એવા ૩ કામ નક્કી કરો જે આજે પૂર્ણ કરવા જ છે.
  • ‘ના’ પાડવાની કળા શીખો: જો કોઈ સામાજિક પ્રસંગ કે વ્યક્તિ તમારો સમય વેડફતી હોય, તો વિવેકપૂર્વક તેને ‘ના’ કહેતા શીખો. તમારી હા માત્ર તમારા લક્ષ્યો માટે જ હોવી જોઈએ.
  • સ્વસ્થ શરીર, વધુ શક્તિ: જો તમારું સ્વાસ્થ્ય સારું હશે, તો જ તમે પૂરી કાર્યક્ષમતાથી કામ કરી શકશો. પૂરતી ઊંઘ અને સંતુલિત આહાર તમારી શક્તિને ટકાવી રાખશે.
    નિષ્કર્ષ:
    યાદ રાખો, તમે તમારા સમયના માલિક છો, ગુલામ નહીં. ‘પાક્કો ગુજરાત’ ના વાચકોને મારી અંગત વિનંતી છે કે, આજથી જ તમારા સમયનો હિસાબ રાખવાનું શરૂ કરો. જે દિવસે તમે તમારા સમય અને શક્તિનું સન્માન કરશો, તે દિવસથી સફળતા તમારા કદમ ચૂમશે.

લેખક: સંપાદક પવન માકન

Gandhinagar : ભારતનું પ્રથમ આંતરરાષ્ટ્રીય નાણાકીય અને IT હબ, 1,150થી વધુ IFSCA-રજિસ્ટર્ડ સંસ્થાઓ કાર્યરત

pakkogujarat
-
0
Gandhinagar : ભારતનું પ્રથમ આંતરરાષ્ટ્રીય નાણાકીય અને IT હબ, 1,150થી વધુ IFSCA-રજિસ્ટર્ડ સંસ્થાઓ કાર્યરત

ગાંધીનગરમાં સ્થિત ગુજરાત ઇન્ટરનેશનલ ફાઇનાન્સ ટેક-સિટી (GIFT સિટી) ભારતના પ્રથમ સંપૂર્ણ કાર્યરત વૈશ્વિક નાણાકીય અને આઇટી હબ તરીકે ઉભરી આવ્યું છે,

ગાંધીનગરમાં સ્થિત ગુજરાત ઇન્ટરનેશનલ ફાઇનાન્સ ટેક-સિટી (GIFT સિટી) ભારતના પ્રથમ સંપૂર્ણ કાર્યરત વૈશ્વિક નાણાકીય અને આઇટી હબ તરીકે ઉભરી આવ્યું છે, જે આંતરરાષ્ટ્રીય નાણાકીય ઇકોસિસ્ટમમાં દેશને અગ્રણી હરોળમાં સ્થાન આપે છે. ગુજરાતના તત્કાલીન મુખ્યમંત્રી અને ભારતના પ્રવર્તમાન વડાપ્રધાન નરેન્દ્ર મોદીના દૂરંદેશી નેતૃત્વ હેઠળ સ્થાપિત કરવામાં આવેલ GIFT સિટી આજે એક સમૃદ્ધ, નીતિ-સંચાલિત અને વૈશ્વિક સ્તરે સીમાચિહ્નરૂપ નાણાકીય કેન્દ્રમાં પરિવર્તિત થયું છે.

શરૂઆતથી જ, ગિફ્ટ સિટીની પરિકલ્પના એક વિશ્વસ્તરીય ફાઇનાન્સ અને IT ઝોન તરીકે કરવામાં આવી હતી. એક એવું નાણાકીય કેન્દ્ર જે ફક્ત ભારતને જ નહીં પરંતુ સમગ્ર વિશ્વને સેવા પ્રદાન કરશે. વડાપ્રધાન શ્રી નરેન્દ્ર મોદીના દૂરંદેશી નેતૃત્વ હેઠળ એક જ અધિકારક્ષેત્ર હેઠળ નાણાકીય સેવાઓ, ટેક્નોલોજી, નિયમનકારી સરળતા અને માળખાગત સુવિધાઓને જોડતી એક સંકલિત ઇકોસિસ્ટમનો પાયો નાખવામાં આવ્યો. તેમનું વિઝન હવે એક જીવંત કેન્દ્રમાં પરિવર્તિત થયું છે જે સ્થાપિત વૈશ્વિક નાણાકીય કેન્દ્રો સાથે સીધી સ્પર્ધા કરે છે.

આજે મુખ્યમંત્રી ભૂપેન્દ્ર પટેલના નેતૃત્વ હેઠળ ગિફ્ટ સિટીની ક્ષિતિજોને વિસ્તૃત કરવામાં આવી રહી છે અને તેઓ એ જ પ્રતિબદ્ધતા સાથે ગિફ્ટ સિટીના સાતત્ય, વિસ્તરણ અને ઝડપી વિકાસને સુનિશ્ચિત કરી રહ્યા છે. તેમના નેતૃત્વ હેઠળ, ગિફ્ટ સિટીએ ઊંચાઇના નવા શિખરો સર કર્યા છે, જે ભારતના આર્થિક વિકાસના ચાલકબળ તરીકે ગુજરાતની પ્રતિષ્ઠાને મજબૂત બનાવે છે.

ગિફ્ટ સિટીમાં આજે 1,150 થી વધુ IFSCA-રજિસ્ટર્ડ સંસ્થાઓ કાર્યરત છે. ગિફ્ટ સિટી ખાતે બેંકિંગ ક્ષેત્રનો પણ નોંધપાત્ર વિકાસ થયો છે, જે $106 બિલિયન સુધી પહોંચ્યો છે. આ વર્ષ 2020ની સરખામણીએ લગભગ સાત ગણો વધારો છે. વધુમાં, કેપિટલ માર્કેટ એટલે કે મૂડીબજાર પણ $80 બિલિયન સુધી પહોંચ્યું છે, અને દર મહિને એક્સચેન્જ ટર્નઓવર સતત $100 બિલિયનનો આંકડો પાર કરી રહ્યું છે. આ ઉપરાંત, $80 બિલિયનના લક્ષ્યાંક સાથે 349 ફંડ્સ શરૂ કરવામાં આવ્યા છે, જે વૈશ્વિક મૂડી બજારોમાં ભારતની સ્થિતિને વધુ મજબૂત બનાવે છે.

ગિફ્ટ સિટીનો વિકાસ ફક્ત નાણાકીય પ્રવૃત્તિઓ પૂરતો જ સીમિત નથી. એવો અંદાજ છે કે, ગિફ્ટ સિટી ખાતે વર્ષ 2030 સુધીમાં 1,00,000 થી વધુ રોજગારીઓનું સર્જન થવાની સંભાવના છે, જેમાં કમર્શિયલ (વ્યાપારી), રેસિડેન્શિયલ (રહેણાંક) અને ઇન્સ્ટિટ્યૂશનલ (સંસ્થાકીય) બાંધકામો માટે મોટા પાયા પર થનારા ઇન્ફ્રાસ્ટ્રક્ચરના વિસ્તરણનું મોટું યોગદાન રહેશે. આ સાથે જ, ગિફ્ટ સિટી ખાતે એક મજબૂત સામાજિક માળખાગત સુવિધાઓનું પણ નિર્માણ કરવામાં આવ્યું છે, જેમાં આંતરરાષ્ટ્રીય શાળાઓ, ડેસ્ટિનેશન મોલ્સ, સેન્ટ્રલ પાર્ક અને સ્પોર્ટ્સ એરેના વગેરેનો સમાવેશ થાય છે. ગિફ્ટ સિટીમાં વસતા રહેવાસીઓ અને કામ કરતા વ્યાવસાયિકો બંને માટે ‘લીવ, વર્ક, થ્રાઇવ’ એટલે કે જીવો, કામ કરો અને સમૃદ્ધ બનોના મંત્ર સાથે આ સોશિયલ ઇન્ફ્રાસ્ટ્રક્ચરનું નિર્માણ કરવામાં આવ્યું છે.

ગિફ્ટ સિટીમાં અત્યાધુનિક માળખાગત સુવિધાઓ ઉપલબ્ધ છે. ભારતમાં પ્રથમવાર અન્ડરગ્રાઉન્ડ યુટિલીટી ટનલ અહીં સ્થાપિત કરવામાં આવી છે. તે સિવાય ડિસ્ટ્રિક્ટ કુલિંગ સિસ્ટમ અને ઓટોમેટેડ વેસ્ટ કલેક્શન દ્વારા કાર્યક્ષમ અને ટકાઉ કામગીરી સુનિશ્વિત કરવામાં આવે છે.

વૈશ્વિક સ્તરે, ગિફ્ટ સિટી ભારતના આંતરરાષ્ટ્રીય ફાયનાન્શિયલ ગેટવે તરીકે કાર્ય કરે છે, જેની પહોંચ દાવોસમાં વર્લ્ડ ઇકોનોમિક ફોરમ જેવા કાર્યક્રમો અને મિલાન, ઝ્યુરિક, હોંગકોંગ, જર્મની અને ઑસ્ટ્રિયા જેવા મુખ્ય નાણાકીય કેન્દ્રો સુધી છે. ભારતમાં, તે બેંકિંગ ફોરમ (100+ સંસ્થાઓ સાથે), વાઇબ્રન્ટ ગુજરાત, IGF મુંબઈ અને રિઇન્શ્યોરન્સ સમિટ સાથે સંકલનમાં રહીને સ્થાનિક અને વૈશ્વિક નાણાકીય નેટવર્કને એકસાથે લાવે છે.

ગિફ્ટ સિટીમાં મૂડી બજારો, બેંકિંગ, વીમો, વિમાન અને જહાજ માટેની લીઝિંગ સેવાઓ, ફિનટેક, GCC અને વૈશ્વિક યુનિવર્સિટીઓ સાથે ભાગીદારી સાથે વિવિધ નાણાકીય સેવાઓ એક છત નીચે મળી રહે છે. 37થી વધુ બેંકો, 65થી વધુ વીમા કંપનીઓ અને 35થી વધુ એરક્રાફ્ટ લીઝિંગ કંપનીઓ સાથે, તે ઉચ્ચ-મૂલ્ય ધરાવતી નાણાકીય સેવાઓ માટે એક વિશ્વસનીય કેન્દ્ર તરીકે વિકસી રહ્યું છે અને વૈશ્વિક નાણાકીય ઇકોસિસ્ટમમાં ભારતની સ્થિતિને વધુ મજબૂત બનાવવામાં સહયોગ કરે છે. ગિફ્ટ સિટીની શરૂઆત નરેન્દ્ર મોદીના વિઝનરી નેતૃત્વ હેઠળ કરવામાં આવી હતી અને ગુજરાતના વર્તમાન મુખ્યમંત્રી ભૂપેન્દ્ર પટેલના દિશાનિદર્શનમાં તેનો સતત વિકાસ કરવામાં આવ્યો છે. ભારતને વૈશ્વિક નાણાકીય કેન્દ્ર તરીકે પ્રસ્થાપિત કરવાના વ્યૂહાત્મક અને લાંબા ગાળાના વિઝનને તે પ્રતિબિંબિત કરે છે.

Ahmedabad : નરોડામાં યુવતી પર એસિડ જેવું જ્વલનશીલ પ્રવાહી ફેંકી હુમલો, પિતા પર શંકાની સોય

pakkogujarat
-
0
Ahmedabad : નરોડામાં યુવતી પર એસિડ જેવું જ્વલનશીલ પ્રવાહી ફેંકી હુમલો, પિતા પર શંકાની સોય

અમદાવાદ શહેરમાં અસામાજિક તત્ત્વોનો આતંક સતત વધી રહ્યો છે, ત્યારે નરોડા વિસ્તારમાં એક ચોંકાવનારી ઘટના સામે આવી છે. શુક્રવારે (27મી માર્ચ) મોડી સાંજે નોકરી પરથી ઘરે પરત ફરી રહેલી 28 વર્ષીય યુવતી પર અજાણ્યા શખસે એસિડ જેવું જ્વલનશીલ પ્રવાહી ફેંકી જીવલેણ હુમલો કર્યો છે. આ ઘટનાને પગલે સમગ્ર વિસ્તારમાં ભારે ચકચાર મચી ગઈ છે.

મળતી માહિતી અનુસાર, નરોડાના ગેલેક્સી વિસ્તારમાં 28 વર્ષીય યુવતી પોતાની નોકરી પૂરી કરી માર્ગ પરથી પસાર થઈ રહી હતી. આ દરમિયાન પાછળથી હેલ્મેટ પહેરીને આવેલા અજાણ્યા શખસે યુવતી પર ઓચિંતા એસિડ જેવું કોઈ તીવ્ર જ્વલનશીલ પ્રવાહી ફેંક્યું હતું. પ્રવાહી શરીરે અડતા જ યુવતી રસ્તા પર ઢળી પડી હતી અને અસહ્ય પીડાને કારણે ચીસાચીસ કરવા લાગી હતી. હુમલો કર્યા બાદ હુમલાખોર અંધારાનો લાભ લઈ ત્યાંથી નાસી છૂટ્યો હતો.

આ હુમલામાં યુવતીના હોઠ અને આંખના ભાગે પ્રવાહી પડતા તેને ગંભીર ઈજાઓ પહોંચી છે. સદનસીબે શરીરના અન્ય ભાગો પર પ્રવાહી પડ્યું નથી, પરંતુ ચહેરાના ભાગે થયેલી ઈજાઓને કારણે તેની હાલત ગંભીર હોવાનું જણાવાઈ રહ્યું છે. ભોગ બનનાર યુવતીને તાત્કાલિક સારવાર અર્થે નજીકની હોસ્પિટલમાં ખસેડવામાં આવી છે.

નરોડા પોલીસ સ્ટેશન દ્વારા આ મામલે ગુનો નોંધવાની તજવીજ હાથ ધરવામાં આવી છે. પોલીસની પ્રાથમિક તપાસમાં ચોંકાવનારી વિગતો બહાર આવી છે. પીડિતાના માતા-પિતા વચ્ચે લાંબા સમયથી પારિવારિક વિખવાદ ચાલી રહ્યો છે. પીડિતા અને તેની માતાએ આક્ષેપ કર્યો છે કે, આ હુમલો તેના પિતા દ્વારા જ કરવામાં આવ્યો છે અથવા તો કોઈ અન્ય પાસે કરાવવામાં આવ્યો છે. પિતાની સંડોવણી હોવાની આશંકાને પગલે પોલીસે તે દિશામાં તપાસના ચક્રો ગતિમાન કર્યા છે.

Entertainment : 4,000 કરોડમાં બનેલી આ ફિલ્મ બોક્સ ઓફિસ પર ધુરંધર 2ના પણ રેકોર્ડ તોડી નાખશે! રિલીઝ સાથે જ મચશે તબાહી!

pakkogujarat
-
0
Entertainment : 4,000 કરોડમાં બનેલી આ ફિલ્મ બોક્સ ઓફિસ પર ધુરંધર 2ના પણ રેકોર્ડ તોડી નાખશે! રિલીઝ સાથે જ મચશે તબાહી!

રણબીર કપૂરની આગામી રામાયણ તેના ₹4,000 કરોડથી વધુના બજેટ માટે વ્યાપકપણે ચર્ચામાં છે. એવું કહેવામાં આવી રહ્યું છે કે તેના મોટા બજેટ છતાં, આ ફિલ્મ ધુરંધર 2 ને પાછળ છોડી શકે છે.

રણવીર સિંહની ધુરંધર 2એ બોક્સ ઓફિસ પર ગદર મચાવ્યો છે. આ ફિલ્મે કમાણીના એટલા મોટા રેકોર્ડ પોતાના નામે કર્યા છે કે દરેક વ્યક્તિ હેરાન છે. જોકે, 4000 કરોડના બજેટમાં બની રહેલી એક ફિલ્મ પાસેથી અપેક્ષા રાખવામાં આવી રહી છે કે તે રિલીઝ થતાની સાથે જ બોક્સ ઓફિસ પર તબાહી મચાવી દેશે અને ધુરંધર 2ના તમામ રેકોર્ડ પણ ધૂળમાં મેળવી દેશે. આપણે રણબીર કપૂરની મોસ્ટ અવેટેડ માયથોલોજીકલ ડ્રામા રામાયણની વાત કરી રહ્યા છીએ. આ ફિલ્મને લઈને અત્યારથી જ ફેન્સમાં જબરદસ્ત ઉત્તેજના છે. આગામી ફિલ્મમાં રણબીર કપૂર ઉપરાંત યશ, સાઈ પલ્લવી અને સની દેઓલ પણ મહત્વના રોલમાં જોવા મળશે.

હાલમાં રામાયણના બજેટની ખૂબ ચર્ચા થઈ રહી છે અને તેને ભારતીય સિનેમાના ઈતિહાસની અત્યાર સુધીની સૌથી મોટી ફિલ્મ જણાવવામાં આવી રહી છે. તેને બે ભાગમાં બનાવવામાં આવી રહી છે. આ બંને ફિલ્મોના કુલ ખર્ચની પુષ્ટિ તેના પ્રોડ્યુસર નમિત મલ્હોત્રાએ કરી છે. તેનું બજેટ એટલું મોટું છે કે દરેક વ્યક્તિ તેના બ્રેક-ઈવન (ખર્ચ વસૂલવા) અને રિકવરી વિશે વાત કરી રહ્યા છે. આ બે ભાગવાળી ફ્રેન્ચાઈઝીનું બજેટ 500 મિલિયન ડોલર એટલે કે 4300 કરોડ રૂપિયા છે. DNEG ના નમિત મલ્હોત્રાએ યુટ્યુબ પર પ્રખર ગુપ્તાના પોડકાસ્ટમાં વાત કરતા આ ખર્ચનો ખુલાસો કર્યો હતો.

રામાયણની બંને ફિલ્મોમાંથી દરેકનો ખર્ચ 2000 કરોડ માનવામાં આવી રહ્યો છે. એસએસ રાજામૌલીના 550 કરોડના મોટા બજેટની સરખામણીમાં, આ મોટી ફિલ્મનો દરેક ભાગ 263.63% વધુ મોંઘો છે. આટલા ઊંચા ખર્ચને જોતા, ફિલ્મે બોક્સ ઓફિસ પર જબરદસ્ત કમાણી કરવી પડશે. આટલા મોટા બજેટ હોવા છતાં, રામાયણ બોક્સ ઓફિસ પર ધૂમ મચાવી શકે છે. જોકે 2000 કરોડના બજેટ સાથે બોક્સ ઓફિસ પર સફળ થવું અશક્ય લાગે છે, પરંતુ આ ફિલ્મ બોક્સ ઓફિસ પર સફળ થઈ શકે છે.

પુષ્પા 2 અને બાહુબલી પછી હવે ધુરંધર 2 બોક્સ ઓફિસ કમાણીના તમામ રેકોર્ડ તોડી રહી છે. પુષ્પા 2ને 10 કરોડથી વધુ અને બાહુબલી 2 ને 6 કરોડથી વધુ દર્શકોએ જોઈ હતી. આ બંને ફિલ્મોએ ભારતમાં સરળતાથી 1000 કરોડથી વધુની નેટ કમાણી કરી હતી. બીજી તરફ ધુરંધર 2 તેમને પણ મ્હાત આપવાની તૈયારી કરી રહી છે કારણ કે 8 દિવસમાં જ ધુરંધર 2એ 650 કરોડથી વધુની કમાણી કરી લીધી છે અને તે ટૂંક સમયમાં ભારતમાં 1000 કરોડની ક્લબમાં સામેલ થવાની છે.

ત્યાં જ રણબીર કપૂરની રામાયણ પણ એવા વિષય પર બની છે જે દરેક ભારતીયને પસંદ આવશે અને જેની સાથે લોકોની લાગણીઓ જોડાયેલી છે. એવામાં રામાયણ કમાલ કરી શકે છે; અને જો તે 15 કરોડ દર્શકોનો આંકડો સ્પર્શી લે, તો તેમાં કોઈ નવાઈ નહીં હોય. આટલા મોટા દર્શક વર્ગ સાથે, 2000 કરોડની નેટ કમાણીનું લક્ષ્ય અશક્ય નથી. તે ધુરંધર 2ના રેકોર્ડ તોડી શકે છે. વિદેશોમાં પણ રણબીર કપૂર અને યશની આ ફિલ્મ ધૂમ મચાવી શકે છે. તેથી, આ એપિક ફિલ્મમાં વિશ્વભરના બોક્સ ઓફિસ પર આકાશને આંબતા આંકડા હાંસલ કરવાની ક્ષમતા છે, અને ભારે બજેટ હોવા છતાં, તે મહા રેકોર્ડ બનાવી શકે છે.

Gujarat : વરસાદને લઈ અંબાલાલ પટેલની મોટી આગાહી, કહ્યું, ભારે પવન સાથે કાચા મકાનના છાપરા ઉડી જાય તેવી સ્થિતિ સર્જાઈ શકે છે

pakkogujarat
-
0
Gujarat : વરસાદને લઈ અંબાલાલ પટેલની મોટી આગાહી, કહ્યું, ભારે પવન સાથે કાચા મકાનના છાપરા ઉડી જાય તેવી સ્થિતિ સર્જાઈ શકે છે

હવામાન નિષ્ણાત અંબાલાલ પટેલની આગાહી સામે આવી છે જેમાં તેમનું કહેવું છે કે, આગામી 20 દિવસ ભારે પવનની ગતિ રહેશે અને 28 તારીખથી મજબૂત પશ્ચિમી વિક્ષેપ આવશે અને દેશના ઉત્તરીય ભાગમાં અસર થવાની શક્યતા છે.

હવામાન નિષ્ણાંત અંબાલાલ પટેલનું વધુમાં કહેવું છે કે, ઉ.ગુજરાતના સરહદના ભાગોમાં પવન ફૂંકાશે અને આગામી 20 દિવસ ખેડૂતોને મુશ્કેલીની શક્યતા રહેલી છે, ગુજરાતમાં 50થી 60ની ઝડપે પવન ફૂંકાશે અને આંબાના પાકને ભારે અસર થવાની શક્યતા છે, 28 થી 3 એપ્રિલ પવન સાથે ભારે વરસાદની આગાહી કરવામાં આવી છે.

હવામાન નિષ્ણાંત અંબાલાલ પટેલનું વધુમાં કહેવું છે કે, સાબરકાંઠા, અરવલ્લી, મહીસાગરમાં વરસાદની શક્યતા છે અને પૂર્વ ગુજરાતના ભાગોમાં કમોસમી વરસાદની શક્યતા છે, 8 થી 16 એપ્રિલે પશ્ચિમ વિક્ષેપની અસર ગુજરાતમાં થશે અને કાચા મકાનના છાપરા ઉડી જાય તેવી સ્થિતિ સર્જાઈ શકે છે.હવામાન નિષ્ણાંત અંબાલાલ પટેલનું વધુમાં કહેવું છે કે, 20 મે થી બંગાળ ઉપસાગર વધુ સક્રિય બનશે અને ભારેથી અતિભારે વાવાઝોડા સાથે વરસાદની શક્યતા રહેલી છે, અરબી સમુદ્રમાં પણ 20 મેં થી 20 જૂન સુધી ચક્રવાતની શક્યતા છે, ચક્રવાત ઓમાન તરફ જાય તો ભારતમાં વરસાદની સંભાવના ઓછી રહેલી છે, પવનની ગતિના કારણે બાગાયતી પાકોને નુકસાન થશે અને આંબાના પાકોને પણ નુકસાન થવાની શક્યતા છે.

હવામાન નિષ્ણાંત અંબાલાલ પટેલનું વધુમાં કહેવું છે કે, 10થી 20 એપ્રિલ વચ્ચે પ્રિ-મોન્સૂન એક્ટિવિટી થશે અને અરબ સાગરમાં પણ સાયકલોન આવવાની સંભાવના છે, 11 મે થી 20 મે વચ્ચે આંધીનું પ્રમાણ વધારે રહેશે અને 24 મે થી 4 જૂન વચ્ચે કેટલાંક ભાગમાં વરસાદ પડી શકે છે, 30 તારીખ સુધી વાદળછાયું વાતાવરણ રહેશે અને જનધનમાં રોગ આવવાની સંભાવના છે, ઊભા કૃષિ પાકો માં રોગ આવવાની શક્યતા છે અને એપ્રિલ, મે માસમાં પાકમાં ઇયળ પણ પડશે.

હવામાન નિષ્ણાંત અંબાલાલ પટેલનું વધુમાં કહેવું છે કે,પશ્ચિમી વિક્ષેપ આવશે જેથી ફરીથી વરસાદ થવાની શક્યતા છે. એપ્રિલ માસમાં પ્રિ મોન્સૂન એક્ટિવિટી થતી હોય પણ એ અત્યારે થાય છે અને પાકિસ્તાનના બોર્ડર પર ગુજરાત તથા રાજસ્થાનના ભાગોમાં વરસાદ આવવાની શકયતા છે, એક પછી એક આવતા પશ્ચિમી વિક્ષેપને કારણે આ સ્થિતિનું સર્જન થાય છે અને 7 એપ્રિલ સુધીમાં તાપમાન ૪૦-૪૧ ડીગ્રી પહોંચશે. દેશના ઉત્તરીય પર્વતીય પ્રદેશમાં પશ્ચિમી વિક્ષેપને કારણે તારીખ ૧૦ થી ૨૦ એપ્રિલ વચ્ચે પ્રિ-મોન્સુન એક્ટિવિટીનો વરસાદ આવવાની શક્યતા.

હવામાન નિષ્ણાંત અંબાલાલ પટેલનું વધુમાં કહેવું છે કે, ખાસ કરીને દરિયાઈ વિસ્તારમાં વધારે પવન ફૂંકાશે અને આંબાના પાકને વધારે અસર થશે, 20 એપ્રિલથી મે સુધીમાં બંગાળના ઉપસાગરમાં ખતરનાક વાવાઝોડાં આવશે તેમજ અરબ સાગરમાં પણ સાયકલોન આવવાની સંભાવના છે. 8 જુનથી દરિયાના પવન બદલાશે એટલે અરબ સાગરમાં હળવા પ્રકારનું સાયક્લોન બનવાની શક્યતા રહેશે, ૨૪ મે થી ૪ જૂન વચ્ચે કેટલાક ભાગમાં વરસાદ થવાની શક્યતા રહેશે.

હવામાન નિષ્ણાંત અંબાલાલ પટેલનું વધુમાં કહેવું છે કે, 20 માર્ચે દેશના ઘણા ભાગોમાં ઉઘાડ નીકળશે અને આકાશ સ્વચ્છ થશે અને ખેડૂતોને રાહત મળશે, દક્ષિણ ગુજરાતના કેટલાક ભાગોમાં આજે વરસાદની શક્યતાઓ છે, તો આગામી સમયમાં રાજ્યમાં મોટા ભાગોમાં વરસાદથી રાહત થતી જોવા મળશે, જેટ ધારાની અસરના કારણે દેશમાં પશ્ચિમી વિક્ષેપ પૂર્વ તરફ ખસી રહ્યાં છે, સાયકલોનિક સર્ક્યુલેશનના કારણે અરબ સાગરથી ભેજ આવતા ગુજરાતના હવામાનમાં મોટો પલટો આવશે.

હવામાન નિષ્ણાંત અંબાલાલ પટેલનું વધુમાં કહેવું છે કે, રાજ્યમાં પવનની ગતિ તેજ રહેશે. મધ્ય ગુજરાત, ઉત્તર ગુજરાત અને કચ્છમાં પવનની ગતિ 40 કિલોમીટર પ્રતિ કલાક રહેવાની શક્યતા છે. જ્યારે સૌરાષ્ટ્રના દરિયાકાંઠાના અને કેટલાક અન્ય ભાગોમાં પવનની ગતિ 55 કિલોમીટર સુધી પહોંચી શકે છે. આજે સૌરાષ્ટ્રના કેટલાક ભાગોમાં ગાજવીજ સાથે હળવો વરસાદ પડી શકે છે. આ ઉપરાંત દક્ષિણ ગુજરાત અને મધ્ય ગુજરાતના બારડોલી, વડોદરા અને છોટાઉદેપુર જેવા વિસ્તારોમાં પણ માવઠાની શક્યતા વ્યક્ત કરવામાં આવી છે.

તેજ પવન અને કવખતના વરસાદને કારણે ઊભા પાક, ખાસ કરીને ઘઉંના પાકને જમીનદોસ્ત થવાની ભીતિ છે. આ ઉપરાંત, આંબાના પાકમાં અત્યારે ‘મોર’ (ફૂલ) આવવાની સિઝન હોવાથી, પવનને કારણે મોર ખરી જવાની શક્યતા છે, જેની સીધી અસર કેરીના ઉત્પાદન પર પડશે. અંબાલાલ પટેલે ખેડૂતોને પાક રક્ષણના આગોતરા પગલાં લેવા અનુરોધ કર્યો છે. હાલમાં તાપમાનમાં જે ઘટાડો નોંધાયો છે, તે મોસમ માટે સાનુકૂળ નથી. હજૂ પણ 25 માર્ચ અને માર્ચના અંતમાં તેમજ એપ્રિલ મહિનામાં 2 થી 4 નવા પશ્ચિમી વિક્ષેપ આવવાની શક્યતા છે. આ કારણોસર તાપમાનમાં ઘટાડો રહેશે અને વારંવાર વાતાવરણમાં પલટો જોવા મળી શકે છે.

Assam : તેજપુરમાં 155 બેઝ હોસ્પિટલનું ઉદ્ઘાટન, 2021માં નિર્માણકાર્ય શરૂ કરાયું હતું

pakkogujarat
-
0
Assam : તેજપુરમાં 155 બેઝ હોસ્પિટલનું ઉદ્ઘાટન, 2021માં નિર્માણકાર્ય શરૂ કરાયું હતું

આ પ્રોજેક્ટને માર્ચ 2021માં રક્ષા મંત્રાલય દ્વારા રૂપિયા 112.82 કરોડના ખર્ચે મંજૂરી આપવામાં આવી હતી. મિલિટરી એન્જિનિયર સર્વિસીસ (MES) દ્વારા નવેમ્બર 2021થી શરૂ કરાયેલું નિર્માણ કાર્ય નક્કી સમયમર્યાદામાં પૂર્ણ કરવામાં આવ્યું છે.આસામના તેજપુર મિલિટરી સ્ટેશન ખાતે ભારતીય સેનાના આરોગ્ય માળખામાં મહત્વપૂર્ણ વધારો કરતા 155 બેઝ હોસ્પિટલના ત્રીજા તબક્કાનું ઉદ્ઘાટન 28 માર્ચ 2026ના રોજ લેફ્ટનન્ટ જનરલ ગંબીર સિંહ દ્વારા કરવામાં આવ્યું. ગજરાજ કોર્પ્સના જનરલ ઓફિસર કમાન્ડિંગ તરીકે તેમણે હોસ્પિટલને સેનાના તમામ જવાનો અને તેમના પરિવારજનોને સમર્પિત કરી.

આ પ્રોજેક્ટને માર્ચ 2021માં રક્ષા મંત્રાલય દ્વારા રૂપિયા 112.82 કરોડના ખર્ચે મંજૂરી આપવામાં આવી હતી. મિલિટરી એન્જિનિયર સર્વિસીસ (MES) દ્વારા નવેમ્બર 2021થી શરૂ કરાયેલું નિર્માણ કાર્ય નક્કી સમયમર્યાદામાં પૂર્ણ કરવામાં આવ્યું છે. ચીફ એન્જિનિયર સિલીગુડી ઝોન અને CWE તેજપુરના માર્ગદર્શન હેઠળ પ્રોજેક્ટ સફળતાપૂર્વક પૂર્ણ થયો છે. હોસ્પિટલના આયોજન અને ડિઝાઈનમાં આર્મી મેડિકલ સર્વિસીસ (AMS)નો મહત્વપૂર્ણ ફાળો રહ્યો હતો. આધુનિક સારવાર સુવિધાઓ અને દર્દી કેન્દ્રિત માળખા સાથે આ હોસ્પિટલ સેનાની કામગીરીને અનુરૂપ આરોગ્ય સેવાઓ પૂરી પાડવા સક્ષમ બની છે.

કોરોના મહામારી તેમજ ઉત્તર-પૂર્વ પ્રદેશની પડકારજનક પરિસ્થિતિઓ વચ્ચે પણ પ્રોજેક્ટ સમયસર અને કોઈ વધારાના ખર્ચ વગર પૂર્ણ થવો એ પ્રશંસનીય બાબત છે. આ હોસ્પિટલમાં આધુનિક સાધનો સાથે પર્યાવરણમૈત્રી સુવિધાઓ પણ સમાવિષ્ટ છે. ઉત્તર-પૂર્વ ભારતની સૌથી મોટી સૈન્ય હોસ્પિટલોમાંની એક તરીકે આ પ્રોજેક્ટ સેનાના આરોગ્ય આધારને મજબૂત બનાવશે. તેની ઉત્તમ ગુણવત્તા અને ટકાઉ ડિઝાઈન માટે તેને CIDC વિશ્વકર્મા એવોર્ડ 2026 માટે નામાંકિત કરવામાં આવ્યો છે.

National : નાસિકના ભોંદુ બાબા અશોક ખરાત પર નવી બે FIR, અત્યાર સુધી 10 કેસ દાખલ

pakkogujarat
-
0
National : નાસિકના ભોંદુ બાબા અશોક ખરાત પર નવી બે FIR, અત્યાર સુધી 10 કેસ દાખલ

નાશિકના બનાવટી ધર્મગુરુ અશોક ખરાટ વિરુદ્ધ જાતીય શોષણ અને છેતરપિંડીના બે નવા કેસ નોંધાયા છે, જેનાથી તેમની સામે કુલ કેસોની સંખ્યા 10 થઈ ગઈ છે. તપાસમાં આંતરરાષ્ટ્રીય ‘હવાલા’ રેકેટ અને પ્રભાવશાળી વ્યક્તિઓની સંડોવણીના સંકેતો બહાર આવ્યા છે.

નાશિકમાં કથિત ઢોંગી – ઉર્ફે “ભોંદું બાબા” અશોક ખરાટ વિરુદ્ધ કેસોની શ્રેણી વધતી જ રહી છે. શુક્રવારે મોડી રાત્રે, ખરાટ વિરુદ્ધ બે નવા કેસ નોંધાયા. આમાંથી એક કેસ એક મહિલાના જાતીય શોષણનો છે, જ્યારે બીજો એક વ્યક્તિ સામે કરવામાં આવેલી છેતરપિંડીનો છે.પોલીસના જણાવ્યા અનુસાર નેવાસામાં રહેતા વેપારી રાજેન્દ્ર ભાગવત – ખરાટે તેના વ્યવસાયિક સંભાવનાઓને વધારવાના બહાને તેને વિવિધ વીંટીઓ વેચીને લાખો રૂપિયાની છેતરપિંડી કરી હતી. એક પરિણીત મહિલાએ ફરિયાદ નોંધાવી છે કે તે વૈવાહિક વિવાદ અંગે સલાહ લેવા ખરાટ પાસે ગઈ હતી, પરંતુ તેના દ્વારા તેનું જાતીય શોષણ થયું હતું.

ઉલ્લેખનીય છે કે આજદિન સુધીમાં નાસિકના સરકારવાડા પોલીસ સ્ટેશનમાં અશોક ખરાટ વિરુદ્ધ કુલ 10 કેસ નોંધાયા છે. આમાં નાણાકીય છેતરપિંડીના બે કેસ અને જાતીય શોષણના આઠ કેસનો સમાવેશ થાય છે. આ બધા કેસોમાં સમાન મોડસ ઓપરેન્ડી બહાર આવી છે. ફરિયાદો અનુસાર, ખરાટ ભગવાન મહાદેવનો અવતાર હોવાનો દાવો કરતો હતો અને મહિલાઓને એમ કહીને ડરાવતો હતો કે તેની સાથે જાતીય સંબંધો બાંધવાથી તેમની સમસ્યાઓ ઉકેલાઈ જશે; નહિંતર, તેમના પરિવારો પર આફત આવી પડશે.

સૂત્રો દ્વારા એવી પણ માહિતી મળી રહીછે કે તે હવાલા રેકેટ ચલાવતો હતો. વિદેશમાંથી નાણાકીય વ્યવહારો કરવામાં આવી રહ્યા હતા. આ મામલે SITએ પુરાવા મેળવ્યા હોવાનું માનવામાં આવી રહ્યું છે. જે સંભવિત રીતે આ કેસને આંતરરાષ્ટ્રીય સ્તરે લઈ જઈ શકે છે.

SITને તેના સમર્પિત હેલ્પલાઇન નંબર દ્વારા અત્યાર સુધીમાં 100 થી વધુ ફરિયાદો મળી છે, જેમાં ફરિયાદીઓમાં લગભગ 70 ટકા મહિલાઓ છે. જો કે અધિકારીઓએ નોંધ્યું છે કે ઔપચારિક લેખિત ફરિયાદો નોંધાવતી વખતે પીડિતો તરફથી અપેક્ષિત પ્રતિભાવનો અભાવ છે. SIT અધિકારીઓ ફરિયાદીઓને તેમની સલામતી અને સુરક્ષાની ખાતરી આપીને આગળ આવવા માટે સક્રિયપણે પ્રોત્સાહિત કરી રહ્યા છે.

અલગ રીતે, પોલીસે આ કેસમાં સંડોવાયેલી મહિલા પીડિતોના વાંધાજનક વીડિયો સોશિયલ મીડિયા પર ફેલાવવા બદલ જવાબદાર લોકો સામે કડક કાર્યવાહી શરૂ કરી છે. આજ સુધીમાં, આ ગુનાના સંદર્ભમાં ૭૪ થી વધુ કેસ નોંધાયા છે. એકલા નાસિક શહેરમાં 65 ફેસબુક અને ઇન્સ્ટાગ્રામ પ્રોફાઇલ ધારકો સામે કેસ નોંધાયા છે. વધુમાં નગર અને કોપરગાંવ સહિત અન્ય સ્થળોએ કાર્યવાહી કરવામાં આવી છે.

નાસિક પોલીસે નાગરિકોને અપીલ કરી છે કે તેઓ આ બાબતને લગતા કોઈપણ વાંધાજનક વીડિયો સોશિયલ મીડિયા પર શેર ન કરે. નહીં તો કડક કાર્યવાહી કરવામાં આવશે.

1...230231232...766Page 231 of 766