દસાડા પોલીસ મથકે ફરિયાદી વિરુદ્ધ પ્રોહીબિશનનો ગુનો નોંધાયો હતો.જે કેસમાં માર નહીં મારવાના તથા બીજા અન્ય કેસોમાં ફરિયાદીનું નામ નહીં ખોલવા માટે દસાડા પોલીસ મથકમાં ફરજ બજાવતા હેડ કોન્સ્ટેબલ ભરતભાઈ કાનજીભાઈ મેમકીયાએ રૃ.૮૦,૦૦૦ની લાંચ માંગી હતી.

જોકે, ફરિયાદી લાંચની રકમ આપવા માંગતા નહોતા. આથી અમદાવાદ એસીબી પોલીસને જાણ કરી હતી. જેના ભાગરૃપે અમદાવાદ એસીબી પી.આઈ. એન.બી.સોલંકી સહિતના સ્ટાફે દસાડા ખાતે આવેલ વી.એમ. કોમ્પ્યુટરરાઈઝ વે-બ્રીજ ખાતે ટ્રેપ (છટકું) ગોઠવી હતી જેમા નક્કી થયા મુજબ હેડ કોન્સ્ટેબલ ભરતભાઈ મેમકીયાએ ફરિયાદી પાસે રોકડ રૃ.૮૦,૦૦૦ની લાંચ માંગી હતું પરંતુ કોઈ કારણોસર આ રકમ સ્વીકારી નહોતી અને તે દરમિયાન જ અમદાવાદ એસીબી ટીમ દ્વારા હેડ કોન્સ્ટેબલને ઝડપી પાડી કાયદેસરની કાર્યવાહી હાથ ધરી છે. અત્રે ઉલ્લેખનીય છે કે આ સમગ્ર લાંચ પ્રકરણમાં પોલીસ અધિકારી વતી લાંચ માંગનાર કથિત વહિવટદાર અને અન્ય બદલી થયેલા પોલીસ કર્મચારીની સંડોવણી હોવાનું ચર્ચાઈ રહ્યું છે પરંતુ તેમ છતાંય તેમના નામો કેમ નથી ખુલ્યા અને કેમ ફરિયાદ પણ નથી નોંધાઈ ? સહિતની ચર્ચાઓએ જોર પકડયું છે.

નડિયાદના કોલેજ રોડ નહેરથી ફતેપુરા રિંગરોડ તરફ જતો માર્ગ વાહનોની અવરજવરથી ધમધમતો રહે છે, ત્યારે આ રોડની બંને સાઈડો તોતિંગ વૃક્ષો તેમજ ઝાડી ઝાંખરાથી છવાઈ ગયો છે, જેના કારણે વાહન ચાલકોને અવરજવર કરવામાં ઘણી હાલાકી ભોગવવી પડે છે. આ માર્ગ પરના નડતરરૂપ વૃક્ષો ઝાડી-ઝાંખરા દૂર કરવા લાગણી વ્યાપી છે.

નડિયાદ શહેરના વ્યસ્ત ગણાતા કોલેજ રોડ નહેરથી ફતેપુરા રીંગ રોડને જોડતો રોડ સોસાયટી વિસ્તાર તેમજ ફતેપુરા ગામના લોકોની અવરજવરથી ધમધમતો રહે છે. ત્યારે આ રોડની બંને સાઈડ પર ઉગી નીકળેલા નડતરરૂપ વૃક્ષો અને ઝાડી-ઝાંખરા વાહનચાલકો માટે જોખમી સાબિત થઈ રહ્યાં છે. લાંબા સમયથી નડતર રૂપ વૃક્ષોની છટણી ન થતા સામેથી આવતા વાહન જોઈ ન શકાતું હોય અકસ્માતનો ભય સેવાઈ રહ્યો છે. આ ઉપરાંત રસ્તાની બંને તરફ મોટા થયેલા વૃક્ષોની ડાળીઓ માર્ગ પર ઝૂકી રહી છે, જેના કારણે સામેથી આવતા વાહનો જોવામાં ચાલકોને ભારે મુશ્કેલી પડી રહી છે. ખાસ કરીને વળાંક પર દ્રશ્યતા ઓછી થતા અકસ્માતની શક્યતા રહે છે. રોડની કિનારીઓ પર ઉગી નીકળેલા ઝાંખરાને કારણે વાહનચાલકોએ રોડની વચ્ચે વાહન ચલાવવાની ફરજ પડે છે, આ માર્ગ પર રાત્રિના સમયે પૂરતા પ્રકાશના અભાવે નડતરરૂપ ડાળીઓ વાહનચાલકોને દેખાતી નથી, જે ટુ-વ્હીલર ચાલકો માટે જીવનું જોખમરૂપ બની છે. જેથી દરરોજ અવરજવર કરતા વાહનચાલકોમાં ભારે રોષ જોવા મળી રહ્યો છે. ત્યારે તંત્ર દ્વારા સત્વરે આ માર્ગ પર નડતરરૂપ ડાળીઓ અને ઝાડી-ઝાંખરાનું ટ્રિમિંગ (છટણી) કરવા માગણી ઉઠી છે.

બનાસકાંઠા જિલ્લાના ઊન ગામમાં બુધવારે (18મી માર્ચ) પ્રેમ લગ્નના વિવાદે હિંસક સ્વરૂપ ધારણ કરતા સમગ્ર પંથકમાં ચકચાર મચી ગઈ છે. કિંજલ રબારીના કેસ બાદ વકરેલા આ વિવાદમાં બે સમાજના ટોળાઓ સામસામે આવી જતા મોટાપાયે તોડફોડ અને પથ્થરમારો થયો હતો. હાલ સમગ્ર ગામ પોલીસ છાવણીમાં ફેરવાયું છે અને ચુસ્ત બંદોબસ્ત વચ્ચે અજંપાભરી શાંતિ જોવા મળી રહી છે.હવે આ મામલે ચૌધરી સમાજ, રબારી સમાજના આગેવાન અને સાધુ-સંતોના નિવેદનનો સામે આવ્યા છે.

મળતી માહિતી અનુસાર, ઊન ગામમાં 18મી માર્ચના રોજ થયેલી હિંસામાં ચૌધરી અને રબારી સમાજના લોકો લાકડીઓ અને અન્ય હથિયારો સાથે સામસામે આવી ગયા હતા. આ હિંસક અથડામણમાં અંદાજે 20થી 25 જેટલી કારના કાચ તોડી નાખવામાં આવ્યા હતા. પરિસ્થિતિ બેકાબૂ બનતા પોલીસે તાત્કાલિક સ્થળ પર પહોંચી મામલો થાળે પાડવાનો પ્રયાસ કર્યો હતો. હવે આ મામેલ ચૌધરી સમાજના આગેવાન શીતલ ચૌધરીનો એક વીડિયો વાઈરલ થયો છે, જેમાં તેમણે આક્રોશ વ્યક્ત કરતા જણાવ્યું કે, ‘અમે દીકરી લીધા વિના અહીંથી જઈશું નહીં. અમે પ્રેમથી વાત કરવા આવ્યા હતા છતાં અમારા પર હુમલો કરવામાં આવ્યો.’ આ ઉપરાંત તેમણે સમાજના રાજકીય નેતાઓને પણ આ મામલે રસ લેવા વિનંતી કરી છે અને ન્યાયની માંગ કરી છે.

બીજી તરફ, ઠાકરશી રબારીનું નિવેદન પણ સામે આવ્યું છે. તેમણે ચૌધરી સમાજને ‘શાંત અને સંસ્કારી’ ગણાવીને શાંતિ જાળવવા અપીલ કરી છે. તેમણે આક્ષેપ કર્યો છે કે, આ સંમેલન પાછળ કેટલાક લોકોનું મોટું ષડયંત્ર હોઈ શકે છે. યુવાનોએ કોઈની ઉશ્કેરણીમાં આવવું જોઈએ નહીં અને વડીલોના નિર્ણયને માન્ય રાખવો જોઈએ.

ઊન ગામમાં હિંસા ન ફાટી નીકળે તે માટે સાધુ-સંતો પણ મેદાને આવ્યા છે. રૂપ પુરી મહારાજે બંને સમાજને શાંતિ જાળવવા વિનંતી કરતા કહ્યું છે કે, ‘અસામાજિક તત્ત્વોથી સાવચેત રહેવું જરૂરી છે, કારણ કે હિંસાથી સમાજને મોટું નુકસાન થઈ શકે છે. બંને સમાજના આગેવાનોએ સાથે બેસીને ચર્ચા દ્વારા જ આ વિવાદનો સુખદ ઉકેલ લાવવો જોઈએ.’ નોંધનીય છે કે, હાલમાં પોલીસ તંત્ર દ્વારા સોશિયલ મીડિયા પર પણ નજર રાખવામાં આવી રહી છે જેથી કોઈ અફવા ન ફેલાય. ઉણ ગામમાં પોલીસ પેટ્રોલિંગ વધારી દેવામાં આવ્યું છે.

આ સમગ્ર વિવાદ પાછળની ઘટના જોઈએ તો, અગાઉ રાધનપુરના સિનાડ ગામની સિંગર કિંજલ રબારીએ અશોક ચૌધરી નામના યુવક સાથે પ્રેમ લગ્ન કર્યા હતા, જેના કારણે ભારે વિવાદ સર્જાયો હતો. તે સમયે રબારી અને ચૌધરી બંને સમાજના આગેવાનોએ પરસ્પર સહમતિ સાધીને રબારી સમાજની દીકરીને પરત સોંપી દીધી હતી.