બાવળા તાલુકાના બગોદરાથી સરલા ગામને જોડતો મુખ્ય માર્ગ અત્યંત ખખડધજ હાલતમાં ફેરવાઈ ગયો છે.

આશરે બે કિલોમીટરના અંતર સુધી માર્ગ પર મોટા ખાડાઓ પડી જતાં વાહન ચાલકો ભારે હાલાકી ભોગવી રહ્યા છે. સ્થાનિકોના જણાવ્યા મુજબ, આ માર્ગ પરથી પસાર થતા માટી ભરેલા ઓવરલોડ ડમ્પરોને કારણે રોડ તૂટી ગયો છે. ખાડાઓને લીધે ટુ-વ્હીલર ચાલકોમાં અકસ્માતનો ભય અને કાર ચાલકોના વાહનોને નુકસાન થવાની ભીતિ સેવાઈ રહી છે. વાહન ચાલકોએ તંત્ર પાસે સત્વરે આ રોડની મરામત કરવાની માંગ કરી છે.

નકલી દુધ, ઘી, પનીર બાદ હવે શહેરમાંથી નકલી એન્જીન ઓઈલ ઝડપાયું છે. શહેરના કુંભારવાડા વિસ્તારમાં લૂઝ ઓઈલમાંથી એન્જીન ઓઈલ બનાવતી ફેક્ટરી લોકલ ક્રાઈમબ્રાંચે ઝડપી પાડી છે. બ્રાંન્ડેડ કંપનીના સ્ટિકર લગાવી નકલી એન્જીન ઓઈલનું વેચાણ કરતા બે શખ્સોને પોલીસે કુલ રૂ.૧.૬૮ લાખના મુદ્દામાલ સાથે ઝડપી લઈ બોરતળાવ પોલીસને સોંપી આગળની કાયદેસરની કાર્યવાહી હાથ ધરી છે.

શહેરના કુંભારવાડા બાનુબેનની વાડી પીપરના ચોક સામે આવેલા પ્લોટમાં અમીત બચુભાઇ દવે (રહે.બારસો મહાદેવની વાડી, શિલ્પીનગરની પાછળ, કાળાનાળા) અને નિકુંજ શાંતિલાલ બારૈયા (રહે. શક્તિનગર, ટોપ થ્રી સર્કલ પાસે) ગેરકાયદેસર રીતે લુઝ ઓઇલમાંથી બ્રાન્ડેડ કંપનીના ઓઇલ બનાવી વેચાણ કરતા હોવાની બાતમીના આધારે લોકલ ક્રાઈમબ્રાંચે રેઈડ કરી તપાસ કરતા ઉક્ત શખ્સો બહારથી લુઝ ઓઇલ મંગાવીને તેને ઇલેક્ટ્રીક મશીન વડે મોટા ટીપણાંમાથી ૯૦૦ એમએલની બોટલમાં ભરી, કાઉન્ટર ટેબલ ઉપર ઢાંકણા ઉપર સીલ મારવાના મશીનથી સીલ મારી, બ્રાન્ડેડ કંપનીના એન્જીન ઓઇલના સ્ટીકર ચોંટાડી બ્રાન્ડેડ કંપનીના એન્જીન ઓઇલ તરીકે વેચાણ કરતા હોવાનું ખુલ્યું હતું. જે બાદ પોલીસે બન્ને શખ્સોને ૮૫ લીટર અને ૯૦ લીટર લુઝ ઓઇલ ભરેલ લોખંડના બે બેરલ તથા પ્લાસ્ટિકની બોટલો અને સ્ટીકરો મળી કુલ રૂ.૧,૬૮,૯૨૦ના મુદ્દામાલ સાથે ઝડપી લઈ આગળની કાયદેસરની કાર્યવાહી માટે બન્નેને બોરતળાવ પોલીસને સોંપ્યા હતા.

અમદાવાદથી નકલી ઓઈલ લાવી ગ્રામ્ય વિસ્તારમાં સપ્લાય કરતા હતા : પીઆઈ વાળા

શહેરના કુંભારવાડા વિસ્તારમાં નકલી એન્જીન ઓઈલની ઝડપાયેલી ફેક્ટરી મુદ્દે ભાવનગર લોકલ ક્રાઈમબ્રાંચના પીઆઈ એ.આ.વાળાએ જણાવ્યું હતું કે, બન્ને અમદાવાદથી નકલી ઓઈલ લાવી મશીનો મારફત બોટલોમાં ભરી તેમાં બ્રાંન્ડેડ કંપનીના સ્ટીકર લગાવી ગ્રામ્ય વિસ્તારમાં મોટા પ્રમાણમાં વેચાણ કરતા હતા.

નર્મદા જિલ્લામાં ચૈત્રમહિના દરમિયાન યોજાતી ઉત્તરવાહીની નર્મદા પંચકોશી પરિક્રમા આગામી 19 મી માર્ચથી શરૂ થવા જઈ રહી છે ત્યારે પરિક્રમા ને માંડ બેત્રણ દિવસ બાકી રહ્યાં છે ત્યારે શહેરાવથી તિલકવાડા વચ્ચે બનાવાયેલો હંગામી પુલ અચાનક ધોવાઈ જતા તેમાં ગાબડું પડી જતા અધિકારીઓમા દોડધામ મચી જવા પામી છે .

એક મહિનો ચાલનારી આ
પંચકોશી પરિક્રમા માર્ગ માંહંગામી પુલનો કેટલોક
ભાગ આજે પાણી ના પ્રવાહ માં
ધોવાઈ જવા પામ્યો હતો.ઘણો ક્ષતી ગ્રસ્ત થયો છે ત્યારે હવે
આ હંગામી પુલ બનાવનાર એજન્સીઅને એની સાથે સબંધિત સરકારી વિભાગ પર જવાબદારી નક્કી કરીકડક પગલા લેવાની માંગ ઉઠી છે.
નર્મદા જિલ્લામાં ચૈત્ર મહિના દરમિયાન યોજાતી ઉત્તરવાહી નર્મદા પંચકોશીપરિક્રમાને ધ્યાનમાં રાખીને જિલ્લાવહીવટી તંત્ર દ્વારા તૈયારીઓ હાથધરવામાં આવી રહી છે.થોડા દિવસપેહલા જ ઈન્ચાર્જ જિલ્લા કલેક્ટરઆર.વી.વાળા સહિત જિલ્લાનાઅધિકારીઓએ પરિક્રમા રૂટનું અને
પરિક્રમા વાસીઓને સામે પાર જવા
માટે શહેરાવથી તિલકવાડા વચ્ચે બનાવાયેલા હંગામી પુલ પર ચાલીને નિરીક્ષણ કર્યું હતું.હવે
નિરીક્ષણના ગણતરીના કલાકોમાં જ હંગામી પુલ ધોવાઈ જતાં અનેક
સવાલો પણ ઉઠી રહ્યા છે.અત્રે એ
ઉલ્લેખનીય છે કે પરિક્રમા દરમ્યાન
આ જ હંગામી પુલ પરથી હજારો
લોકો પસાર થાય છે ત્યારે તે સમયે જોઆ પુલ ધોવાયો હોત તો કેવી દુર્ઘટનાસર્જાઈ હોત તો શું થાત?સાથે સાથે કેટલીમોટી જાન હાનિ થઈ હોત?

નર્મદા પરિક્રમા દરમિયાન નર્મદા નદી બે વખત પાર કરવાની હોય છે જેમાં પ્રથમ વખત જ્યારે પાર કરવાની આવે છે જેમાં શહેરાવથી સામે તિલકવાડા જણાવવા માટે દર વર્ષે કામ ચલાઉ પુલ બનાવવામાં આવે છે ત્યારે આ વર્ષે પણ કામ ચલાઉ પુલ બનાવવામાં આવે છે અને તાજેતરમાં જ આ કામનું નિરીક્ષણ પણ અધિકારીઓ દ્વારા કરવામાં આવ્યું હતું ત્યારે અત્યારે નર્મદા ડેમના વીજ મથકો ચાલતા તેમાંથી પાણી છોડવાના કારણે ચારથી પાંચ હજાર ક્યુસેક પાણી આવવાના કારણે કામ ચલાઉ પુલનો શહેરાવ તરફ ભાગ પર મોટું નુકસાન થયું હતું અને જેના વિડીયો અને ફોટા વીડિયોમાં વાયરલ થયા હતા. આ બાબતે અધિકારીઓનું કહેવું છે કે આ પુલનું કામ હજુ પૂર્ણ થયું નથી અને કામ અધૂરું હતું જ કે પાણી આવશે તેવી શક્યતાઓ હતી તો થોડું નુકશાન થશે તેમને એમ પણ કહ્યું કે પરિક્રમા પહેલા પુલ સંપૂર્ણ રીતે સુરક્ષિત સાથે બનીને તૈયાર થઈ જશે તેમ કહ્યું હતું ત્યારે બીજી તરફ રવિવારનો દિવસ હતો ત્યારે નર્મદા જિલ્લાના કલેક્ટર સંજય મોદીના અધ્યક્ષ સ્થાને ઉત્તરવાહીની નર્મદા પરિક્રમાને લઈને મીટીંગ નું આયોજન કરવામાં આવ્યું હતું ત્યારે મીટીંગ ની અંદર જિલ્લાના 10 થી 12 જેટલા ઉચ્ચ અધિકારીઓ રવિવારના રજાના મૂડમાં જ હતા આવ્યા ન હતા જાણવા મળેલી માહિતી અનુસાર મહત્વની મીટીંગ માટે જિલ્લા કલેકટર સંજય મોદી સહિત અધિકારીઓ ઉપસ્થિત રહ્યા હતા પણ કેટલાક અધિકારીઓ ઉપસ્થિત ન હતા રહ્યા હતા જેને લઇને જિલ્લા કલેકટર સંજય મોદી ભારે ગુસ્સે થયા હતા. સૂત્રો દ્વારા મળતી માહિતી અનુસાર આ અધિકારીઓ જે ગેરહાજર રહ્યા છે જેઓની પાસે લેખિત જવાબ માંગવામાં આવનાર છે તેવું જાણવા મળેલ છે. ત્યારે રજાના દિવસે મીટીંગ મહત્વની હતી જેમાં જિલ્લાના કલેક્ટર ઉપસ્થિત હતા પરંતુ અનેક અધિકારીઓએ ગુલ્લી મારતા જિલ્લાના કલેક્ટર સાંજે મોદી ભારે ગુસ્સે થયા હતા તેમ સૂત્ર દ્વારા જાણવા મળેલ છે ત્યારે ઉત્તરવાહીની નર્મદા પરિક્રમા આ
આ વખતે હજારોની સંખ્યામાં શ્રદ્ધાળુ આવે તેવું આયોજન તંત્ર દ્વારા કરવામાં આવ્યું છે પરંતુ લાગી રહ્યું છે કે કેટલાક અધિકારીઓ સરકારના આયોજનને હળવાશમાં લઈ રહ્યા છે ત્યારે જિલ્લા કલેકટર આજે ગુસ્સે થયા હતાહવે જોવું રહ્યું કે તંત્ર આગળ કેવી રીતે કામ લેશે?

REPOTER :દીપક જગતાપ, રાજપીપલા

• ટેક્સનો બોજ: સુરતીઓ વેપારમાં મંદીનો સામનો કરી રહ્યા છે, ત્યારે મ્યુનિસિપલ કોર્પોરેશન દ્વારા વસૂલાતા યુઝર ચાર્જ અને મિલકત વેરામાં વધારાથી લોકોમાં ભારે રોષ છે.
• કોંગ્રેસનું પતન: સુરતના અનેક કોંગ્રેસી નેતાઓ ભાજપમાં ભળી જતાં, મતદારો માની રહ્યા છે કે “પંજો” હવે “કમળ” ની બી-ટીમ બની ગયો છે.
• વિકલ્પની શોધ: ટેક્સટાઈલ અને હીરા ઉદ્યોગના રત્નકલાકારો હવે દિલ્હી મોડલ જેવી સુવિધાઓ અને પ્રમાણિક શાસન માટે ‘આપ’ તરફ જોઈ રહ્યા છે.
• રાજકોટ: “રંગીલું શહેર” હવે સમસ્યાઓથી બેહાલ
  રાજકોટ, જે સત્તાધારી પક્ષનો ગઢ ગણાય છે, ત્યાં પણ હવે ગણગણાટ શરૂ થયો છે:
• પાણી અને રોડ: રાજકોટના વિકસતા વિસ્તારોમાં હજુ પણ પાણીની તંગી અને ચોમાસા બાદ બિસ્માર બનેલા રસ્તાઓ મુખ્ય ચર્ચાનો વિષય છે. ‘સ્માર્ટ સિટી’ ના નામે માત્ર કાગળ પર વિકાસ થતો હોવાનો આક્ષેપ જનતા કરી રહી છે.
• ભ્રષ્ટાચારના આક્ષેપો: તાજેતરમાં સામે આવેલા વિવિધ કૌભાંડો અને વહીવટી તંત્રની નિષ્ફળતાએ રાજકોટના મધ્યમ વર્ગને વિચારતા કરી દીધા છે.
• રાજકીય શૂન્યાવકાશ: કોંગ્રેસના નેતાઓ જે રીતે ભાજપના શરણે જઈ રહ્યા છે, તેનાથી રાજકોટના મતદારોને લાગે છે કે હવે સત્તા પક્ષને પડકારવા માટે એક નવી અને મજબૂત શક્તિની જરૂર છે.
  જનતાનો સવાલ: ક્યાં સુધી સહન કરવું?
  ભાજપ અને કોંગ્રેસ વચ્ચેની આંતરિક સમજૂતીથી ગુજરાતના લોકો હવે “ત્રામી” ગયા છે. ભ્રષ્ટાચાર અને મોંઘવારીના ચક્રવ્યૂહમાં ફસાયેલી જનતાને લાગે છે કે:
  “જો દિલ્હીમાં શાળાઓ અને હોસ્પિટલો સુધરી શકતી હોય, તો ગુજરાતમાં કેમ નહીં? શું આપણા ટેક્સના પૈસા માત્ર નેતાઓના ખિસ્સા ભરવા માટે જ છે?”
  નિષ્કર્ષ:
  સુરતની જાગૃત જનતા હોય કે રાજકોટના સમજદાર મતદારો, આ વખતે તેઓ ભાજપના ‘વિકાસ’ અને કોંગ્રેસના ‘વચનો’ થી છેતરાવા તૈયાર નથી. આમ આદમી પાર્ટી માટે આ એક સુવર્ણ તક છે, કારણ કે ગુજરાત હવે ખરા અર્થમાં ‘પરિવર્તન’ માટે તરસ્યું છે.

ગુજરાતમાં આગામી મહાનગરપાલિકાની ચૂંટણીના પડઘમ વાગી રહ્યા છે ત્યારે રાજ્યનું રાજકીય તાપમાન ચરમસીમાએ પહોંચ્યું છે. દાયકાઓથી ચાલી આવતા ભાજપ અને કોંગ્રેસના દ્વિધ્રુવીય જંગ વચ્ચે આ વખતે મતદારોનો મિજાજ કંઈક અલગ જ સંકેતો આપી રહ્યો હોય તેવું જણાય છે.

જનતામાં આક્રોશ અને પરિવર્તનની લહેર
વર્ષોથી સત્તા પર રહેલી ભારતીય જનતા પાર્ટી સામે આ વખતે લોકોમાં સુપ્ત આક્રોશ જોવા મળી રહ્યો છે. વધતી જતી મોંઘવારી, બેરોજગારી અને પાયાની સુવિધાઓમાં કથિત ભ્રષ્ટાચારના મુદ્દે શહેરી મતદારો નારાજ જણાય છે. રસ્તાઓ પરના ખાડા, પાણીની સમસ્યા અને ટેક્સના ભારણથી કંટાળેલી જનતા હવે સત્તાધારી પક્ષ પાસે હિસાબ માંગી રહી હોય તેવું ચિત્ર ઊપસી રહ્યું છે.
કોંગ્રેસની છબી અને ‘વેચાણ’ના આક્ષેપો
બીજી તરફ, મુખ્ય વિપક્ષ તરીકે કોંગ્રેસ પોતાની વિશ્વસનીયતા ગુમાવી રહી હોય તેમ લાગે છે. સામાન્ય જનતામાં એવી ચર્ચા જોર પકડી રહી છે કે કોંગ્રેસના દિગ્ગજ નેતાઓ અવારનવાર ભાજપમાં જોડાઈ જાય છે અથવા સત્તાધારી પક્ષના ઇશારે કામ કરે છે. વિપક્ષી નેતાઓની આ “પક્ષાંતર નીતિ”ને કારણે મતદારો પોતાને છેતરાયેલા અનુભવી રહ્યા છે.
આમ આદમી પાર્ટી: એક નવો ‘વિકલ્પ’
ભાજપ અને કોંગ્રેસના આ ચક્રવ્યૂહ વચ્ચે આમ આદમી પાર્ટી (AAP) લોકો માટે આશાનું કિરણ બનીને ઉભરી રહી છે. દિલ્હી અને પંજાબના મોડેલ બાદ, ગુજરાતના લોકો હવે “ત્રીજા વિકલ્પ” તરફ ગંભીરતાથી વિચારી રહ્યા છે.

• શિક્ષણ અને સ્વાસ્થ્ય: આપ દ્વારા કરવામાં આવતા મફત વીજળી, શ્રેષ્ઠ સરકારી શાળાઓ અને મહોલ્લા ક્લિનિકના વાયદાઓ મધ્યમ અને ગરીબ વર્ગને આકર્ષી રહ્યા છે.
• ભ્રષ્ટાચાર મુક્ત શાસન: લોકો માની રહ્યા છે કે વર્ષો જૂના પક્ષોના ભ્રષ્ટાચારના નેટવર્કને તોડવા માટે એક નવી વિચારધારા અને નવા ચહેરાઓની જરૂર છે.
  નિષ્કર્ષ
  ગુજરાતના રાજકારણમાં અત્યાર સુધી માત્ર બે જ પક્ષોનું પ્રભુત્વ રહ્યું છે, પરંતુ આ વખતે જનતા “ત્રામી” ગઈ છે. મતદારોનો ઝુકાવ જોતા એવું લાગે છે કે તેઓ હવે પરંપરાગત રાજનીતિ છોડીને કામના આધારે વોટ આપવા માંગે છે. શું ‘આપ’ ગુજરાતના મહાનગરોમાં ગાબડું પાડી શકશે? તે તો આવનારો સમય જ કહેશે, પણ એટલું નક્કી છે કે આ વખતની જંગ રસપ્રદ રહેશે.

સાબરકાંઠા જિલ્લાના હિંમતનગર તાલુકાના કઠવાડિયા ગામે ખેતરના રસ્તા જેવી નજીવી બાબતે થયેલા વિવાદે ઉગ્ર સ્વરૂપ ધારણ કર્યું છે. જૂની અદાવત અને રસ્તાના પ્રશ્ને એક યુવક પર 15 જેટલા શખસોના ટોળાએ હુમલો કરી તેની હત્યા કરી દેતા સમગ્ર પંથકમાં ચકચાર મચી ગઈ છે. હિંમતનગર ગ્રામ્ય પોલીસે આ મામલે ગુનો નોંધી વધુ તપાસ હાથ ધરી છે.

મળતી માહિતી અનુસાર, મૃતક ધર્મેન્દ્ર સિંહ ઝાલા અને હુમલાખોરો વચ્ચે ખેતરના રસ્તાને લઈને લાંબા સમયથી વિવાદ ચાલી રહ્યો હતો. આ વિવાદની અદાવતમાં 15 જેટલા શખસોના ટોળાએ ધર્મેન્દ્ર સિંહને નિશાન બનાવ્યા હતા. હુમલાખોરોએ પૂર્વાયોજિત કાવતરા મુજબ ધર્મેન્દ્ર સિંહ પર હિંસક હુમલો કર્યો હતો. હુમલા દરમિયાન ત્રણ શખસોએ ધર્મેન્દ્ર સિંહ પર તીક્ષ્ણ ચપ્પા વડે આડેધડ ઘા ઝીંકી દીધા હતા.

લોહીલુહાણ હાલતમાં યુવક જ્યારે જમીન પર ઢળી પડ્યો, ત્યારે પણ હુમલાખોરોની નફરત શાંત થઈ નહોતી. ચપ્પાના ઘા માર્યા બાદ બે મહિલાઓએ અત્યંત ક્રૂરતા દાખવી ગંભીર રીતે ઇજાગ્રસ્ત યુવકના માથાના ભાગે પથ્થરોના ઘા માર્યા હતા.આ ઘટનાની જાણ થતા જ હિંમતનગર ગ્રામ્ય પોલીસનો કાફલો કઠવાડીયા ગામે પહોંચી ગયો હતો. પોલીસે મૃતદેહને પોસ્ટમોર્ટમ માટે ખસેડી 15 જેટલા શખસો સામે હત્યાનો ગુનો દાખલ કર્યો છે. ગામમાં કોઈ અનિચ્છનીય ઘટના ન બને તે માટે ચુસ્ત પોલીસ બંદોબસ્ત ગોઠવી દેવામાં આવ્યો છે અને ફરાર આરોપીઓને પકડવા માટે ચક્રો ગતિમાન કર્યા છે.