દિલ્હી કોર્ટ તરફથી કથિત દારૂ કૌભાંડ કેસમાં આરોપમુક્ત કર્યા બાદ દિલ્હીના પૂર્વ મુખ્યમંત્રી અરવિંદ કેજરીવાલે જંતર મંતરથી કેન્દ્ર સરકાર અને ભાજપ પર જોરદાર પ્રહાર કર્યો છે. કેજરીવાલે પોતાને કટ્ટર ઈમાનદાર બતાવી ભાજપને ચેલેન્જ આપી છે કે, ‘જો કોઈ પુરવાર કરી દે કે તેમણે લાંચ લીધી છે તો તે રાજનીતિ છોડી દેશે. તેમણે દાવો કર્યો કે કેન્દ્રની સરકાર તેમનાથી નફરત કરે છે તે કારણે જ તેમના પર તપાસ બેસાડી દીધી.’

અરવિંદ કેજરીવાલે આજે રવિવારે જંતર મંતર પર આયોજિત રેલીમાં ભાજપની નીતિઓ પર આકરો હુમલો કરતાં કહ્યું હતું કે, ‘તેમણે IITમાં સૌથી સારા અંક મળ્યા હતા કારણ કે તે ભણતરમાં સારા હતા. હું અમેરિકા ભણવા જઈ શકતો હતો. મારા ઘણા મિત્રો અમેરિકા ગયા હતા. તે સમયે મારા મનમાં એક વિચાર આવ્યો હતો કે આપણા દેશી હાલત ખૂબ જ ખરાબ છે. જો આપણે ભણેલા ગણેલા લોકો મોટી સંસ્થાઓમાં ડિગ્રી મેળવી અમેરિકા ચાલ્યા જઈએ તો આપણાં દેશની દેખભાળ કોણ કરશે. આપણાં દેશને કોણ સુધારશે. હું અમેરિકા ન ગયો, ભારતમાં જ રહ્યો, મને ખબર ન હતી કે કેન્દ્રની સરકાર મને આટલી નફરત કરે છે, તેમણે મારા વિરુદ્ધ ઘણી તપાસ કરાવી, દસ વર્ષમાં ભ્રષ્ટાચારનો એક પણ પૈસો ન મળ્યો, જો દિલ્હી સરકાર કોઈ ઠેકદાર, કોઈ વેન્ડર ઊભો થઈને એ કહે કે કેજરીવાલે મારા પાસે રૂપિયા માગ્યા હતા, તો હું રાજનીતિ છોડી દઇશ.’

અરવિંદ કેજરીવાલે એ પણ દાવો કર્યો કે, ‘ભાજપ સરકાર છેલ્લા 12 વર્ષથી દેશને બરબાદ કરી રહી છે. સમગ્ર દેશમાં પેપર લીક થઈ રહ્યા છે. અને વડા પ્રધાન પરીક્ષા પર ચર્ચા કરી રહ્યા છે. મોદીજી કહે છે કે કેજરીવાલ ભ્રષ્ટ છે તો કોર્ટે કહી દીધું કે કેજરીવાલ કટ્ટર ઈમાનદાર છે. કેન્દ્ર સરકાર સોનમ વાંગચૂકથી ડરી રહી છે. સોનમ વાંગચૂકને જેલમાં ધકેલી દીધા, તેમણે તો પહ્મ ભૂષણ કે વિભૂષણ મળવું જોઈતું હતું.’

તેમણે દિલ્હી સરકાર પર નિશાન સાધતાં કહ્યું કે, મહિલાઓના ખાતામાં રૂપિયા ટ્રાન્સફર કરવાના ઘણા વાયદા કરવામાં આવ્યા પણ એક પણ પૂરો કરવામાં આવ્યો નથી. ભાજપ સરકાર છેતરી રહી છે, આજે પણ લોકો કેજરીવાલની સરકારને યાદ કરીને કહે છે તે સરકાર સારી હતી.

ઈરાન અને ઈઝરાયેલ વચ્ચે યુદ્ધની સ્થિતિ ચાલી રહી છે. આ દરમિયાન અમેરિકા અને ઈઝરાયેલ દ્વારા કરવામાં આવેલા હુમલામાં ઈરાનના સુપ્રીમ લીડર આયાતુલ્લાહ અલી ખામેનેઈનું મોત નિપજ્યું છે. જેના કારણે યુદ્ધની સ્થિતિ વણસી રહી છે.

ઈરાન અને ઈઝરાયેલ વચ્ચે યુદ્ધની સ્થિતિ ચાલી રહી છે. આ દરમિયાન અમેરિકા અને ઈઝરાયેલ દ્વારા કરવામાં આવેલા હુમલામાં ઈરાનના સુપ્રીમ લીડર આયાતુલ્લાહ અલી ખામેનેઈનું મોત નિપજ્યું છે. જેના કારણે યુદ્ધની સ્થિતિ વણસી રહી છે. ત્યારે દુબઈમાં વારંવાર હુમલા થઈ રહ્યા હોવાથી ત્યાંની એર સ્પેસ બંધ કરવામાં આવી છે. જેથી અનેક ભારતીયો સહિત ગુજરાતીઓ દુબઈમાં ફસાયા હોવાનું જાણવા મળ્યું છે. ગુજરાતના 20 જેટલા પ્રવાસીઓ દુબઈની હોટેલમાં કેદ થવા મજબૂર બન્યાં છે. ગઈકાલે ફ્લાઈટની ટિકિટ હતી પરંતું વિમાન સેવા બંધ હોવાથી તેઓ દુબઈમાં ફસાઈ ગયા છે. લોકોએ સરકાર પાસે પરત આવવા માટે માગ કરી હતી.

મહેસાણા જિલ્લાના ત્રણ વેપારીઓ વ્યાપાર અર્થે દુબઈ ગયા હતાં. વિમાન સેવા બંધ થવાથી તેઓ દુબઈમાં જ અટવાઈ ગયા હતાં. 25 ફેબ્રુઆરીએ તેઓ દુબઈ ગયા હતાં. વતન વાપસી માટે સ્થાનિક સાંસદ સહિત સરકારને તેમણે રજૂઆત કરી હતી. આ ત્રણેય વેપારીઓએ વીડિયો બનાવીને સરકાર પાસે મદદ માગી હતી. બીજી તરફ પાલનપુરના 20 જેટલા યુવકો દુબઈમાં ફસાયા છે. તેઓ સુરક્ષિત હોવાનો દાવો કરી રહ્યા છે. તેઓ દર કલાકે વીડિયો કોલથી માહિતી લઈ રહ્યાં છે. આ યુવકોનું કહેવું છે કે, દુબઈમાં સ્થિતિ નિયંત્રણમાં છે. હવાઈ હુમલાના કારણે તેમના પરિવારજનો ચિંતામાં છે.

કેનેડાના પીએમ ભારતના પ્રવાસે છે. ત્યારે દિલ્હીમાં હૈદરાબાદ હાઉસ ખાતે મળેલી દ્વિપક્ષીય બેઠકમાં પીએમ મોદીએ હાલમાં ચાલી રહેલા યુદ્ધને લઇને મહત્વની વાત કરી.

કેનેડાના PM માર્ક કાર્ની ભારતની મુલાકાતે છે. સોમવારે દિલ્હીમાં તેઓ PM નરેન્દ્ર મોદીને મળ્યા હતા. બંને નેતાઓ રાષ્ટ્રીય રાજધાનીના હૈદરાબાદ હાઉસમાં મળ્યા હતા. મુલાકાત દરમિયાન, બંને નેતાઓએ હાથ મિલાવ્યા અને ફોટોગ્રાફ્સ માટે પોઝ આપ્યો, ત્યારબાદ દ્વિપક્ષીય મુલાકાત થઈ.વડા પ્રધાન મોદી અને તેમના કેનેડિયન સમકક્ષ માર્ક કાર્નીએ વેપાર, ઊર્જા અને મહત્વપૂર્ણ ટેકનોલોજીના ક્ષેત્રોમાં મહત્વપૂર્ણ કરારો પર હસ્તાક્ષર કર્યા. બેઠક દરમિયાન, પીએમ મોદીએ કેનેડાને ભારતનો સારો મિત્ર ગણાવ્યું. તેમણે કહ્યું કે બંને દેશો વચ્ચેના સંબંધોમાં સકારાત્મકતામાં સુધારો થયો છે, અને આનો શ્રેય પીએમ કાર્નીને જાય છે.

હાલમાં ચાલી રહેલા યુદ્ધને લઇને પીએમ મોદીએ કહ્યું કે ભારત અને કેનેડા વચ્ચે થયા મહત્વના કરાર થયા છે. આ દરમિયાન પીએમ મોદીએ કહ્યું કે ભારત હંમેશા શાંતિના ક્ષમાં છે. મિડલ ઇસ્ટની સ્થિતિ ચિંતાજનક છે. વાતચીતથી સમાધાન કાઢો. ભારત શાંતિ અને સ્થિરતા ઇચ્છે છે. માર્ક કાર્ને સાથે મુલાકાત બાદ, પીએમ મોદીએ પશ્ચિમ એશિયાની પરિસ્થિતિ પર પણ પ્રતિક્રિયા આપી. વડા પ્રધાન મોદીએ કહ્યું કે પશ્ચિમ એશિયાની પરિસ્થિતિ અમારા માટે ખૂબ ચિંતાનો વિષય છે. અમે સંવાદ અને રાજદ્વારી વિશે વાત કરી રહ્યા છીએ. અમે આ દેશોમાં ભારતીયોની સુરક્ષા સુનિશ્ચિત કરવા માટે આ દેશો સાથે સંપર્કમાં રહીશું.