ICC T20 વર્લ્ડ કપ 2026માં શ્રીલંકન ટીમના નિરાશાજનક પ્રદર્શન બાદ સનથ જયસૂર્યાએ પોતાના ભવિષ્ય અંગે એક મોટો સંકેત આપ્યો છે. શ્રીલંકાના હેડ કોચ જયસૂર્યાએ સ્પષ્ટ કર્યું છે કે, ‘હું હાલમાં પદ નથી છોડી રહ્યો, પરંતુ જો શ્રીલંકા ક્રિકેટ (SLC)ને યોગ્ય વિકલ્પ મળે તો હું જવાબદારી સોંપવા માટે તૈયાર છું.’ જયસૂર્યાના નિવેદનથી એ સંકેત મળે છે કે હેડ કોચ તરીકેનો તેમનો કાર્યકાળ હવે નિર્ણાયક મોડ પર પહોંચી ગયો છે.

જયસૂર્યાનો વર્તમાન કોન્ટ્રાક્ટ જૂન 2026 સુધી

પાકિસ્તાન સામે 5 રનથી મળેલી હાર નજીકની બાદ એક પ્રેસ કોન્ફરન્સમાં સનથ જયસૂર્યાએ કહ્યું કે, ‘મારા ભવિષ્ય અંગે હજુ કોઈ અંતિમ નિર્ણય લેવામાં નથી આવ્યો.’ તેમનો વર્તમાન કોન્ટ્રાક્ટ જૂન 2026 સુધી છે. હવે શ્રીલંકાની  આ જ મહિને અફઘાનિસ્તાન સામે મર્યાદિત ઓવરની સીરિઝ યોજાવાની છે, તો આવી સ્થિતિમાં બોર્ડ હાલ માટે સ્થિરતા જાળવી રાખવાના પક્ષમાં હોઈ શકે છે.

મારી અહીં લાંબા સમય સુધી રહેવાની યોજના નથી

સનથ જયસૂર્યાએ કહ્યું કે, ‘મેં વિચાર્યું હતું કે, હું આ જવાબદારી બીજા કોઈને સોંપી દઉં. ઈંગ્લેન્ડ સીરિઝ દરમિયાન બે મહિના પહેલા પણ મેં કહ્યું હતું કે મારી અહીં લાંબા સમય સુધી રહેવાની યોજના નથી. જે રીતે વર્લ્ડ કપ સમાપ્ત થયો તેનો મને અફસોસ છે. છેલ્લા દોઢ વર્ષમાં અમે અમારા રેન્કિંગમાં સુધારો કર્યો છે અને ટીમને વધુ સારી સ્થિતિમાં પહોંચાડી છે. મારો કોન્ટ્રાક્ટ જૂનમાં સમાપ્ત થઈ રહ્યો છે. મેં હજુ સુધી સત્તાવાર રીતે બોર્ડને મારો નિર્ણય નથી જણાવ્યો.’

શ્રીલંકાનું T20 વર્લ્ડ કપ અભિયાન

શ્રીલંકાનું T20 વર્લ્ડ કપ અભિયાન શરૂઆતથી જ સંઘર્ષપૂર્ણ રહ્યું. લીગ સ્ટેજમાં ઝિમ્બાબ્વે સામે ચોંકાવનારી હાર છતાં શ્રીલંકાની ટીમ સુપર 8 સ્ટેજમાં પહોંચી. ત્યારબાદ સુપર 8 સ્ટેજમાં તેને ઈંગ્લેન્ડ, ન્યુઝીલેન્ડ અને પાકિસ્તાન સામે હારનો સામનો કરવો પડ્યો. પાકિસ્તાન સામેની મેચ સૌથી પીડાદાયક સાબિત થઈ. 213 રનના પીછો કરવા માટે શ્રીલંકાના કેપ્ટન દાસુન શનાકાએ 76 રનની વિસ્ફોટક અણનમ ઈનિંગ રમી, પરંતુ ટીમ માત્ર 5 રનથી લક્ષ્ય ચૂકી ગઈ. 2014ની ચેમ્પિયન શ્રીલંકા ટીમ સતત પાંચમી વખત T20 વર્લ્ડ કપના સેમિફાઇનલમાં પહોંચવામાં નિષ્ફળ રહી.

સનથ જયસૂર્યાની અંડરમાં શ્રીલંકાનું શાનદાર પ્રદર્શન

2024ના મધ્યમાં કાર્યકારી કોચ તરીકે કાર્યભાર સંભાળનારા સનથ જયસૂર્યાને તે જ વર્ષે કાયમી હેડ કોચ તરીકે નિયુક્ત કરી દેવામાં આવ્યા હતા. તેમના કાર્યકાળ દરમિયાન શ્રીલંકાએ અનેક ઐતિહાસિક સિદ્ધિઓ હાંસલ કરી. 27 વર્ષ બાદ ભારત સામે પહેલી વાર દ્વિપક્ષીય વનડે સીરિઝ જીતી. ઈંગ્લેન્ડ સામે ઓવલ મેદાન પર યાદગાર ટેસ્ટ જીત હાંસલ કરી. બજી તરફ ઘરઆંગણે ન્યુઝીલેન્ડ સામે 2-0 થી ટેસ્ટ સીરિઝ પર કબજો જમાવ્યો.

T20 વર્લ્ડ કપ 2026ના સુપર 8ની અંતિમ મેચ ભારત અને વેસ્ટ ઈન્ડિઝ વચ્ચે આજે ટક્કર થશે. કેપ્ટન સૂર્યકુમાર યાદવની આગેવાની હેઠળની આ મેચ ટીમ ઈન્ડિયા માટે સેમિફાઇનલમાં સ્થાન મેળવવા માટે યોગ્ય સાબિત થઈ શકે છે.જોકે,ઇતિહાસ પર નજર કરીએ તો,આ ટુર્નામેન્ટમાં વેસ્ટ ઈન્ડિઝનો ભારત સામે રેકોર્ડ વધુ મજબૂત છે.T20 વર્લ્ડ કપમાં બંને ટીમો વચ્ચે અત્યાર સુધી કુલ ચાર મેચ રમાઈ છે. વેસ્ટ ઈન્ડિઝે આમાંથી ત્રણ જીતી છે, જ્યારે ભારત ફક્ત એક જ વાર જીત્યું છે. આનો અર્થ એ થયો કે હેડ-ટુ-હેડ રેકોર્ડ કેરેબિયન ટીમના પક્ષમાં 3-1 છે.

2009 અને 2010 માં વેસ્ટ ઈન્ડિઝનું વર્ચસ્વ

2009 માં ઇંગ્લેન્ડમાં ભારત-વેસ્ટ ઈન્ડિઝનો પ્રથમ મુકાબલો થયો હતો. ભારત તે મેચમાં મોટો સ્કોર કરવામાં નિષ્ફળ ગયું હતું, અને વેસ્ટ ઈન્ડિઝે સરળતાથી લક્ષ્ય હાંસલ કર્યું હતું. ત્યારબાદ 2010 માં કેરેબિયનમાં બંને ટીમો ફરી એકબીજાનો સામનો કરી હતી. તે મેચમાં, વેસ્ટ ઈન્ડિઝે તેમની મજબૂત બેટિંગ અને સુનિયોજિત બોલિંગથી ફરી એકવાર ભારતને હરાવ્યું હતું.

2014માં ભારતે સ્કોર સેટલ કર્યો

આ પછી, ભારતે 2014ના T20 વર્લ્ડ કપમાં પહેલી વાર વેસ્ટ ઈન્ડિઝને હરાવ્યું. ભારતે શાનદાર બોલિંગના કારણે વિરોધી ટીમને ઓછા સ્કોર સુધી મર્યાદિત કરી. ત્યારબાદ ભારતીય બેટ્સમેનોએ સંયમિત બેટિંગથી લક્ષ્ય હાંસલ કર્યું. આ વિજય ભારત માટે મહત્વપૂર્ણ હતો, અને ટીમ ફાઇનલમાં પહોંચી.

2016ની સેમિ-ફાઇનલનો દુખાવો

સૌથી યાદગાર મેચ 2016ની સેમિ-ફાઇનલ હતી. ભારતે ઉચ્ચ સ્કોર બનાવ્યો હતો, પરંતુ વેસ્ટ ઇન્ડિઝે શાનદાર બેટિંગ કરીને સરળતાથી લક્ષ્ય હાંસલ કર્યું. તે હારથી ભારતીય ચાહકોને ભારે ફટકો પડ્યો, અને વેસ્ટ ઇન્ડિઝ પાછળથી ચેમ્પિયન બન્યું.

આ વખતે સ્ટેક પર સેમિ-ફાઇનલ

દક્ષિણ આફ્રિકા વર્તમાન ટુર્નામેન્ટમાં આ ગ્રુપમાંથી સેમિ-ફાઇનલ માટે ક્વોલિફાય થઈ ગયું છે. હવે, બીજા સ્થાન માટેનો જંગ ભારત અને વેસ્ટ ઇન્ડિઝ વચ્ચે છે. સેમિફાઇનલમાં પહોંચવા માટે ભારતે કોઈપણ કિંમતે જીતવું પડશે. ઇતિહાસ વેસ્ટ ઇન્ડિઝના પક્ષમાં હોઈ શકે છે, પરંતુ વર્તમાન ફોર્મ અને સંતુલિત ટીમ સંયોજન સાથે, ભારત પાસે આ વખતે રેકોર્ડની બરાબરી કરવાની સારી તક છે. ક્રિકેટ ચાહકો બીજી એક રોમાંચક મેચની અપેક્ષા રાખી રહ્યા છે, જ્યાં જૂના સ્કોર્સ સેટલ કરવાની તક મળશે અને સેમિફાઇનલનો રસ્તો પણ નક્કી થશે.