સુપ્રસિદ્ધ યાત્રાધામ અંબાજી ખાતે જતા લોકો માટે અગત્યના સમાચાર સામે આવ્યા છે. જેમાં ગબ્બર પર જવા માટે ઉપયોગમાં લેવાતી રોપ-વે સેવા આગામી 6 દિવસ માટે બંધ રાખવાનો નિર્ણય લેવામાં આવ્યો છે.મળતી માહિતી મુજબ, અંબાજી ખાતે ગબ્બર પરની રોપ-વેની મેન્ટેનન્સની કામગીરી હાથ ધરવાની હોવાથી સેવા બંધ રહેશે. જેમાં 23 ફેબ્રુઆરીથી 28 ફેબ્રુઆરી, 2026 સુધી રોપ-વે સેવા બંધ રહેશે. જ્યારે 1 માર્ચ 2026થી રોપ-વે સેવા રાબેતા મુજબ શરૂ કરવામાં આવશે.
વહીવટી તંત્ર દ્વારા આ જાહેરાત કરવામાં આવી છે. યાત્રિકોની સુરક્ષા અને સલામતીને લઈને તંત્રએ નિર્ણય લીધો છે. જોકે, દર્શનાર્થીઓ ગબ્બરના પગથિયા ચઢીને માતાજીના દર્શન કરી શકશે.
પૂર્વ સેના પ્રમુખ જનરલ એમ એમ નરવણેના પુસ્તક પર થઈ રહેલા વિવાદ પર પહેલી વખત સંરક્ષણ મંત્રી રાજનાથસિંહનું નિવેદન સામે આવ્યું છે. તેમણે કહ્યું છે કે, પૂર્વ સેના પ્રમુખોને પુસ્તક લખવા પર કોઈ રોક લાગશે નહીં, સંરક્ષણ મંત્રીએ એ સમાચારોને ખોટા ગણાવ્યા જેમાં દાવો કરવામાં આવ્યો હતો કે સેનાથી જોડાયેલા અધિકારીઓને નિવૃત્તિના 20 વર્ષ સુધી કોઈ પુસ્તક લખવાની મંજૂરી નહીં મળે.
નિયમ મુજબ, નિવૃત્ત લશ્કરી અધિકારીઓ પુસ્તક લખી શકે છે, પરંતુ ‘ઓફિશિયલ સિક્રેટ ઍક્ટ’ હેઠળ તેઓ સંવેદનશીલ માહિતી શેર કરી શકતા નથી. આથી પ્રકાશન પહેલા સંરક્ષણ મંત્રાલયની મંજૂરી લેવી અનિવાર્ય છે. અહેવાલો મુજબ, પેંગ્વિન રેન્ડમ હાઉસ ઇન્ડિયા દ્વારા આ પુસ્તકની કેટલીક નકલો 2024માં જ દિલ્હીની દુકાનોમાં પહોંચી ગઈ હતી, પરંતુ વિવાદ વધતાં તેને પરત ખેંચી લેવાઈ હતી. ત્યારે સવાલ ઉઠ્યો હતો કે શું પ્રકાશકે મંજૂરી પહેલા જ પ્રિન્ટિંગ કરી દીધું હતું?
આ પુસ્તક જનરલ નરવણેની ચાર દાયકાની સૈન્ય કારકિર્દી પર આધારિત છે, જેમાં ખાસ કરીને ચીન સાથેના સરહદી સંઘર્ષ (LAC) અને સરકારની ‘અગ્નિપથ યોજના’ જેવા સંવેદનશીલ મુદ્દાઓ પર તેમના મંતવ્યો હોવાનું માનવામાં આવે છે. વિપક્ષનો દાવો છે કે આ વિષયો અત્યંત સંવેદનશીલ હોવાથી જ સરકાર આ પુસ્તકની સમીક્ષા અટકાવી રહી છે. સંરક્ષણ મંત્રાલયે 2020થી 2024 વચ્ચે 35 પુસ્તકોને મંજૂરી આપી છે, પરંતુ આ પુસ્તક હજુ પણ મંજૂરીની પ્રક્રિયામાં અટવાયેલું છે.
રાહુલ ગાંધીએ લોકસભામાં મુદ્દો ઉઠાવ્યા બાદ સંસદ પરિસરમાં પુસ્તક બતાવી દાવો કર્યો હતો કે, ‘મને લાગે છે કે નરવણેનું આ પુસ્તક વિદેશમાં મળે છે, તે વિદેશમાં પબ્લિશ થઈ ચૂક્યું છે, જ્યારે સરકાર અહીં તેને પબ્લિશ કરવા દેતી નથી. મને એવું લાગી રહ્યું છે..’ દેશની સુરક્ષાનો ઉલ્લેખ કરતાં મોદી સરકાર પર આકરા પ્રહાર કરતાં રાહુલ ગાંધીએ કહ્યું કે, દેશની સુરક્ષા જ્યારે ગંભીર સંકટ પર હતી ત્યારે મોદીજી રાજનૈતિક જવાબદારીથી હાથ અદ્ધર કરી દીધા હતા, જનરલ નરવણે ખુદ લખે છે કે તે સમયે તેમણે અહેસાસ થયો હતો કે રાજનૈતિક નેતૃત્વએ સેનાને એકલા મૂકી દીધી હતી..’
અમદાવાદ શહેરમાં ફરી એકવાર આંગડિયા પેઢીમાંથી નાણા લઈને નીકળતા વેપારીઓને નિશાન બનાવતી ગેંગ સક્રિય થઈ છે. અમદાવાદ શહેરના સોલા વિસ્તારમાં કારગીલ રોડ પાસે બે બાઈક પર આવેલા ચાર અજાણ્યા ગઠીયાઓએ એક વેપારીની નજર ચૂકવી 2 લાખની રોકડ ભરેલી બેગની ચોરી કરી ફરાર થઈ જતાં ચકચાર મચી ગઈ છે. સમગ્ર ઘટનાના સીસીટીવી ફૂટેજ પણ સામે આવ્યા છે.
ઘટનાની મળતી માહિતી અનુસાર, ભોગ બનનાર વેપારી આંગડિયા પેઢીમાંથી 2 લાખની રોકડ લઈને નીકળ્યા હતા. ગઠીયાઓ પહેલેથી જ વેપારીનો પીછો કરી રહ્યા હતા. જ્યારે વેપારી સોલાના કારગીલ રોડ પાસેથી પસાર થઈ રહ્યા હતા, ત્યારે તકનો લાભ ઉઠાવી બે બાઈક પર સવાર થઈને આવેલા ચાર શખ્સોએ વેપારીનું ધ્યાન ભટકાવ્યું હતું અને નજર ચૂકવીને લાખોની રોકડ ભરેલી બેગ લઈને પળવારમાં રફુચક્કર થઈ ગયા હતા.
આ લૂંટની ઘટનાના સીસીટીવી ફૂટેજ પોલીસને પ્રાપ્ત થયા છે, જેમાં ગઠીયાઓ કેવી રીતે રેકી કરીને વેપારીને નિશાન બનાવે છે તે સ્પષ્ટ જોઈ શકાય છે. આ ફૂટેજના આધારે સોલા પોલીસે ગુનો નોંધી આરોપીઓને પકડવા માટે ચક્રો ગતિમાન કર્યા છે.સોલા પોલીસે આ મામલે વેપારીની ફરિયાદના આધારે તપાસ શરૂ કરી છે. પોલીસ દ્વારા આસપાસના રસ્તાઓના પણ સીસીટીવી ચેક કરવામાં આવી રહ્યા છે જેથી આરોપીઓ કયા રૂટ પર ભાગ્યા છે તેની કડી મળી શકે. આ ઘટનાને પગલે આંગડિયા પેઢીના ગ્રાહકોમાં ફફડાટ વ્યાપી ગયો છે.
જ્યોતિષ પીઠના શંકરાચાર્ય સ્વામી અવિમુક્તેશ્વારનંદ સરસ્વતી વિરૂદ્ધ યૌન શોષણના આરોપ મામલે એડીજે રેપ એન્ડ પોક્સો સ્પેશિયલ કોર્ટથી મોટો આદેશ સામે આવ્યો છે. એડીજે પોક્સો એક્ટ વિનોદ કુમાર ચૌરસિયાએ સ્વામી અવિમુક્તેશ્વરાનંદ સરસ્વતી અને તેમના શિષ્ય સ્વામી મુકુંદાનંદ ગિરી વિરૂદ્ધ ફરિયાદ દાખલ કરવાનો નિર્દેશ આપ્યો છે. કોર્ટે પોલીસને કેસ નોંધવા અને કાયદા મુજબ તપાસ કરવાનો આદેશ આપ્યો છે. કોર્ટના આદેશ બાદ હવે ઝુસી પોલીસ સ્ટેશનમાં કેસ નોંધવામાં આવશે.
જણાવી દઈએ કે, શ્રી કૃષ્ણ જન્મભૂમિ મુક્તિ નિર્માણ ટ્રસ્ટના અધ્યક્ષ અને શાકુંભરી પીઠાધીશ્વર આશુતોષ બ્રહ્મચારી તરફથી દાખલ કરાયેલી અરજી પર કોર્ટમાં શુક્રવારે સુનાવણી થઈ હતી. પ્રયાગરાજની એડીજે રેપ એન્ડ પોક્સ સ્પેશિયલ કોર્ટે કેસની સુનાવણી કરતા આરોપ લગાવનારા બંને સગીરોના કોર્ટમાં વીડિયો સાથે નિવેદન દાખલ કરાયા હતા. આ સાથે જ પોક્સો કોર્ટે પોલીસના રિપોર્ટનું પણ સંજ્ઞાન લીધું હતું. સગીરોના નિવેદન દાખલ કરવા અને પોલીસ રિપોર્ટ જોયા બાદ કોર્ટે જજમેન્ટ રિઝર્વ કર્યું હતું. હવે શનિવારે કોર્ટે આ મામલે ચુકાદો પણ સંભળાવી દીધો છે
ઉલ્લેખનીય છે કે, શ્રી કૃષ્ણ જન્મભૂમિ મુક્તિ નિર્માણ ટ્રસ્ટના અધ્યક્ષ અને શાકુંભરી પીઠાધીશ્વર આશુતોષ બ્રહ્મચારી મહારાજે 173 (4) હેઠળ અરજી દાખલ કરી હતી, જેમાં ફરિયાદ દાખલ કરીને કડક કાર્યવાહી કરવાની માંગ કરી હતી. આરોપ લગાવનારા બંને સગીરોના નિવેદન 13 ફેબ્રુઆરીએ કોર્ટમાં વીડિયોગ્રાફી સાથે દાખલ કરાયા હતા. કોર્ટે પોલીસ રિપોર્ટને પણ સંજ્ઞાનમાં લીધો અને સુનાવણી બાદ ચુકાદો સુરક્ષિત રાખી લીધો હતો.
હવે કોર્ટના આદેશ બાદ કેસમાં આગળની કાયદાકીય કાર્યવાહી થશે. આશુતોષ બ્રહ્મચારીએ દાવો કર્યો કે, તેમણે કથિત ઘટનાઓથી સંબંધિત સીડી પણ કોર્ટમાં સોંપી છે. તેમણે કહ્યું કે, તેમને ન્યાય મળ્યો છે અને તેઓ પ્રયાગરાજથી વિદ્યા મઠ, વારાણસી સુધી પગપાળા સનાતન યાત્રા કાઢશે જેથી લોકોને હકીકત જણાવી શકાય.
ત્યારે, આ મુદ્દે સ્વામી અવિમુક્તેશ્વરાનંદનું નિવેદન પણ સામે આવ્યું હતું. તેમણે કહ્યું હતું કે, જ્યારે ચારેય શંકરાચાર્ય બેસેશે ત્યારે વાત કરીશું. હજુ તો અમારા ઉપર આરોપ લગાવાયા છે. અમે તેના પુરાવા કોર્ટમાં રજૂ કરી ચૂક્યા છીએ. દૂધનું દૂધ અને પાણીનું પાણી થવું જોઈએ. બે મહિનામાં અથવા જલ્દીથી કોર્ટ આનો ચુકાદો સંભળાવશે. તેના પર ઝડપી ટ્રાયલ થવી જોઈએ. જે એક્ટ મારા પર લગાવાયા છે, તે એક્ટમાં એ નિયમ છે કે ન તો બાળકોની ઓળખ જાહેર કરવામાં આવે અને ન તો કોઈ બીજાની ઓળખને સામે લાવવામાં આવે. તેમ છતાં એવું કરાઈ રહ્યું છે. માત્ર મને બદનામ કરવા માટે આવું કરાઈ રહ્યું છે. જનતા બધું સમજી રહી છે અને જોઈ રહી છે. ગૌ માતાને પ્રતિષ્ઠા આપવી પડશે.
તેમણે વધુમાં કહ્યું હતું કે, અમારા પર જેટલા પણ આરોપ લગાવવામાં આવે, પરંતુ અમે અટકીશું નહીં. ખોટા આરોપો લગાવવા છતાં અમારું મનોબળ વધતું રહેશે. દૂષિત માનસિકતાને લઈને માત્ર મને આરોપો લગાવીને ફસાવવામાં આવી રહ્યો છે. સ્વામી અવિમુક્તેશ્વરાનંદે કહ્યું કે, માતાની પ્રતિષ્ઠાનો અવાજ ઉઠાવવાનું આ નુકસાન મારે ભોગવવું પડી રહ્યું છે. મારા પર એવા આરોપ લગાવાયા છે, જેની સર્વ સમાજમાં કોઈ કલ્પના પણ ન કરી શકે, પરંતુ હું ડરવાનો નથી, કારણ કે સત્યને આંચ પણ નહીં.
પ્રદેશ ભાજપ અધ્યક્ષ જગદીશ વિશ્વકર્માએ કમલમ ખાતે પ્રેસ કોન્ફરન્સમાં કોંગ્રેસ પર હુમલો કર્યો હતો. તેમણે કહ્યું કે ભારતમાં NDAનું શાસન છે અને વિકસીત ભારત 2047ના સપના વડાપ્રધાન જોઇ રહ્યા છે.જગદીશ વિશ્વકર્માએ દિલ્હીમાં યોજાયેલી AI સમિટનો ઉલ્લેખ કર્યો અને કહ્યું કે, વિશ્વના અનેક દેશો અને વૈશ્વિક લીડર આ સમિટમાં જોડાયા હતા. જે જોઇને યુથ કોંગ્રેસના નેતાના પેટમાં તેલમાં રેડ રેડાયું હતું.તેમણે કહ્યું કે રાહુલ ગાંધી ચીન અને પાકિસ્તાનના ઈશારે નાદાની કરી રહ્યા છે. યુથ કોંગ્રેસના લોકોએ AI સમિટમાં વરવું દ્રષ્ય કર્યું છે.
તેમણે જણાવ્યું કે કોંગ્રેસ પોતાની કબર જાતે ખોદી રહી છે. ભારતના તમામ લોકો આવીને આ ઘટનાની નિંદા કરી રહ્યા છે. દેશની જનતા તેમને સબક શીખવશે. AI સમિટમાં કરેલું કાર્ય ક્યારેય માફ ન થાય એવું કૃત્ય છે.
વડોદરા શહેરના વારસિયા વિસ્તારમાં ગિફ્ટ શોપ સંચાલક વેપારીની આંખમાં મરચાની ભૂકી નાખી રૂ. 10 લાખની લૂંટના કેસમાં સંડોવાયેલ આરોપીની રેગ્યુલર જામીન અરજી અદાલતે નામંજૂર કરવાનો હુકમ કર્યો છે.
ફરિયાદી લીલારામ રેવાણી ગઈ તા.16/01/2026ના રોજ રાત્રે 8:30 વાગ્યાની આસપાસ પોતાની કાર લઈને કારેલીબાગ મેન્ટલ હોસ્પિટલ પાસે આવેલી પોતાની ગિફ્ટ શોપથી પરત ઘરે પહોંચ્યા હતા. કારમાંથી ઉતરવા જતા હતા તે વખતે, એક મોપેડ અને એક બાઈક પર આશરે 25 થી 30 વર્ષના શખ્સો મોઢા ઉપર કાળા કપડા બાંધી ઘસી આવ્યા હતા. અને ફરિયાદીની આંખમાં મરચાની ભૂકી નાખી કારમાં પાછળ રાખેલ બેગ લઈ નાસી છૂટ્યા હતા. બેગમાં દુકાનના વકરાના રોકડા રૂપિયા 10 લાખ હતા. આ ગુનામાં સંડોવાયેલ આરોપી હિરેન મિનેષભાઈ વસાવા રહે -અમુલ ડેરીની સામે ,આણંદ/ મૂળ રહે – અંકલેશ્વર) સામે વારસિયા પોલીસ સ્ટેશન ખાતે બીએનએસ (ભારતીય ન્યાય સંહિતા) લૂંટ, ષડયંત્ર સહિતની કલમો હેઠળ ગુનો નોંધાયો છે. આરોપીએ જામીન મુક્ત થવા ચોથા એડિ. સેશન્સ જજ મોબીન અબ્દુલરસીદ ટેલરની કોર્ટમાં અરજી રજૂ કરતા સુનાવણી હાથ ધરાઈ હતી.
બચાવ પક્ષના વકીલે દલીલો કરી હતી કે, આરોપીની અટક કરી રિમાન્ડ લીધા છે. ફરિયાદી સામે એ.ડી.નો ગુનો નોંધાયો છે. આરોપીને પરેશાન કરવા ખોટી રીતે સંડોવી દીધા છે. આરોપીનો ગુનાહિત ઇતિહાસ નથી હાલનો પ્રથમ ગુનો છે. મુદ્દામાલ રિકવર થઈ ગયો છે. મોટાભાગની તપાસ પૂર્ણ થઈ છે . આરોપીની કસ્ટોડિયલ ઇન્ટ્રોગ્રેશનની ની જરૂર નથી. અરજદાર તપાસમાં સહકાર આપશે નિયમિત કોર્ટમાં હાજર રહેશે અને શરતોનું ચુસ્તપણે પાલન કરશે. આરોપીને જામીનમુક્ત કરવા જોઈએ.
સરકાર તરફે ધારાશાસ્ત્રી ડીજીપી અનિલ એમ. દેસાઈએ દલીલો કરી હતી. સરકારી વકીલે તપાસ અધિકારીના સોગંદનામાં ઉપર આધાર રાખી મુખ્યત્વે દલીલ કરી છે કે, આરોપીએ પ્રિ પ્લાનથી લૂંટ કરી બનાવને અંજામ આપ્યો છે. અરજદાર /આરોપી હિરેને , વિનોદ અને અનિલ ના કહેવાથી રૂપિયા ભરેલી બેગ પોતાની પાસે રાખેલ. કારેલીબાગ ભૂતડી જાપા ખાતે રિક્ષામાંથી ઊતરી બેગ લઈને જતો હતો તે દરમિયાન લૂંટના મુદ્દામાલ સાથે પોલીસે ઝડપી પાડ્યો હતો. અલગ -અલગ દેશની રૂ.2,30, 52,931ની ચલણી નોટો મળી આવી છે. તપાસ હજુ ચાલુ છે. આરોપીનો ગુનામાં લૂંટની રકમ લઈ જવામાં મુખ્ય રોલ છે. ગુનાની ગંભીરતા ધ્યાને લેતા તેમજ કાયદાની જોગવાઈઓ જોતા જામીન અરજી રદ કરવી જોઈએ.
કોર્ટે રજૂ કરેલ દસ્તાવેજો, પોલીસ તપાસના પેપર્સનો અભ્યાસ કરતા તથા બંને પક્ષોની દલીલો ધ્યાને લેતા નોંધ્યું હતું કે, આરોપીએ ગુનાહિત કાવતરું રચીને લૂંટ કરવાના બદઇરાદા સાથે ધાડ પાડી ગુનો કર્યો છે. અરજદાર આરોપી તથા કાયદાના સંઘર્ષમાં આવેલ સગીર ભેગા મળી આણંદથી આરોપી અતુલની બાઈક પર અગાઉ ઘડેલ પ્લાનિંગ મુજબ ગુનાને અંજામ આપવા વડોદરા આવ્યા હતા. વાહનની ઓળખ ન થઈ જાય તે માટે નંબર પ્લેટ કાઢી નાખી હતી. અરજદાર સમગ્ર પ્લાનના માસ્ટરમાઈન્ડ હોઈ, ગુનો આચરવામાં મહત્વની ભૂમિકા ભજવેલ હોય, જેથી આરોપી સામે પ્રથમ દર્શનીય કેસ હોવાનું જણાય છે. ગુના ની તપાસ હજી નાજુક તબક્કામાં હોઇ તેમજ અન્ય આરોપીઓને પકડવાના બાકી હોઈ આરોપીને જામીન આપવાથી તપાસ અધુરી રહેશે. હાલના આરોપી અન્ય આરોપીઓને ઓળખતા હોય જેથી તેઓની તપાસના કામે કસ્ટોડિયલ ઇન્ટરોગેશનની જરૂર છે. ગુનામાં સજાની જોગવાઈ જોઈએ તો મહત્તમ આજીવન /10 વર્ષની કેદની સજાને પાત્ર ગંભીર પ્રકારનો ગુનો છે. હાલના તબક્કે અરજદાર/આરોપીને જામીન ઉપર મુક્ત કરવા ન્યાયોચિત જણાતું નથી.
આમ, ગુનાનો પ્રકાર, ગુનાની ગંભીરતા, સજાની જોગવાઈ, આરોપીનો રોલ, તપાસનો નાજુક તબક્કો વિગેરે તમામ પરિબળો ધ્યાને લેતા અરજદાર /આરોપીના જામીન નામંજૂર કર્યા છે.
સુરતના વેસુ વિસ્તારમાં ચકચારી 300 કરોડના જમીન કૌભાંડનો મહત્વનો આરોપી બિલ્ડર પ્રતુલ પટેલ અમેરિકા ભાગે તે પહેલાં જ બેંગ્લોર એરપોર્ટ પરથી તેની ધરપકડ કરવામાં આવી છે.સુરતના વેસુ વિસ્તારમાં ચકચારી 300 કરોડના જમીન કૌભાંડનો મહત્વનો આરોપી બિલ્ડર પ્રતુલ પટેલ અમેરિકા ભાગે તે પહેલાં જ બેંગ્લોર એરપોર્ટ પરથી તેની ધરપકડ કરવામાં આવી છે.
આ કેસમાં ઈકો સેલ પોલીસ પહેલાથી જ તપાસમાં હતી અને અમેરિકા ભાગવાનો પ્રયાસ કરી રહ્યો હતો પણ પોલીસની સતર્કતાથી બિલ્ડર પ્રતુલ પટેલને બેંગ્લોર એરપોર્ટ પરથી દબોચી લેવાયો હતો.
આ કેસમાં ખુલ્યું છે કે પ્રતુલ પટેલ આ કૌભાંડના આરોપી વિનુ માલવિયાનો પાર્ટનર છે. ઉલ્લેખનિય છે કે આ કેસમાં ખેડૂતની જમીન પચાવી લેવા માટે બોગસ દસ્તાવેજો તૈયાર કરવામાં આવ્યા હતાપ્રતુલ પટેલ પાસે અમેરિકાની નાગરિકતા હોવાનું બહાર આવ્યું છે અને તેથી જ તે અમેરિકા ભાગવાનો પ્રયાસ કરી રહ્યો હતોઇકો સેલ પોલીસે પ્રતુલ પટેલની ધરપકડ કરી કૌંભાડમાં તેની ભૂમિકા સહિતના વિવિધ મુદ્દે તપાસ શરુ કરી છે.
ओडिशा के केंद्रापाड़ा में राजकनिका थाना क्षेत्र के एक निजी अंग्रेजी माध्यम स्कूल में कक्षा 7 की छात्रा से कथित यौन उत्पीड़न का मामला सामने आया है. पीड़िता की मां की शिकायत पर सीडब्ल्यूसी और पुलिस ने जांच शुरू की. पुलिस ने पांच लोगों के खिलाफ एफआईआर दर्ज कर सभी आरोपियों को गिरफ्तार कर लिया है. तीन शिक्षक और एक महिला सहायक से पूछताछ हुई. पीड़िता का बयान मजिस्ट्रेट के सामने दर्ज कराया जाएगा.
ओडिशा के केंद्रापाड़ा जिले के राजकनिका थाना क्षेत्र के एक निजी अंग्रेजी माध्यम स्कूल में कक्षा 7 की छात्रा से कथित यौन उत्पीड़न का गंभीर मामला सामने आया है. इस घटना के बाद बाल कल्याण अधिकारियों और पुलिस ने तुरंत जांच शुरू कर दी है. मामला बुधवार को सामने आया, जब पीड़िता की मां ने केंद्रापाड़ा जिला बाल कल्याण समिति (CWC) में लिखित शिकायत दर्ज कराई. इस मामले में पांच लोगों को गिरफ्तार किया गया है.
शिकायत मिलते ही सीडब्ल्यूसी की टीम उसी दिन स्कूल पहुंची और हालात का जायजा लिया. अधिकारियों ने स्कूल परिसर का निरीक्षण किया और आरोपों की प्रारंभिक जांच शुरू की, ताकि बच्ची के हितों की रक्षा की जा सके और तथ्यों की पुष्टि हो सके.सीडब्ल्यूसी की जांच के साथ-साथ राजकनिका पुलिस ने भी मामला दर्ज कर अपनी जांच शुरू कर दी. जांच के तहत स्कूल के तीन शिक्षकों और एक महिला सहायक को पूछताछ के लिए थाने बुलाया गया. फिलहाल उन्हें विस्तृत पूछताछ के लिए हिरासत में रखा गया है. पुलिस टीम पीड़िता के घर भी पहुंची और साक्ष्य जुटाने के साथ बयान दर्ज किए.
पुलिस अधीक्षक ने बताया, ‘इस मामले में पांच लोगों के खिलाफ एफआईआर दर्ज की गई है और सभी पांचों को गिरफ्तार कर लिया गया है. हमें आज इस मामले की रिपोर्ट मिली. पीड़िता का बयान मजिस्ट्रेट के सामने दर्ज कराया जाएगा. पुलिस के साथ-साथ सीडब्ल्यूसी भी मामले की जांच कर रही है. आरोपियों के खिलाफ पॉक्सो एक्ट के तहत धाराएं लगाई गई हैं.’
ભરૂચ જિલ્લાના જંબુસર તાલુકાના વાવલી ગામે એક અત્યંત કરુણ ઘટના સામે આવી છે. ઘરે મોટા ભાઈના લગ્નનો મંગળ અવસર હતો, પરંતુ વિધિની વક્રતા જુઓ કે વરરાજાનો નાનો ભાઈ કાળનો કોળિયો બની ગયો. આ અકસ્માતે લગ્નની શરણાઈના સૂરને માતમમાં ફેરવી નાખ્યો છે.
જંબુસરના વાવલી ગામે ઠાકોર પરિવારમાં મોટા પુત્રના લગ્નની ધામધૂમથી તૈયારીઓ ચાલી રહી હતી. લગ્ન પ્રસંગ હોવાથી ફૂલ-હારની ખરીદી માટે વરરાજાનો નાનો ભાઈ દેવાંશભાઈ સુરેશભાઈ ઠાકોર બાઈક લઈને જંબુસર આવ્યો હતો. પરત ફરતી વખતે કાળમુખા અકસ્માતે તેની જિંદગી છીનવી લીધી. જંબુસર-પાદરા રોડ પર આવેલા વાઈટ ડાયમંડ નજીક અકસ્માત સર્જાયો હતો.
દેવાંશભાઈની બાઈક અને આઈસર ટેમ્પા વચ્ચે જોરદાર ટક્કર થઈ હતી. આ અકસ્માતમાં ગંભીર ઈજાઓ થવાના કારણે દેવાંશભાઈનું ઘટનાસ્થળે જ મોત નીપજ્યું હતું. જે ઘરેથી વરઘોડો નીકળવાનો હતો, ત્યાં પુત્રનો મૃતદેહ પહોંચતા આખા ગામમાં અરેરાટી વ્યાપી ગઈ છે. માતા-પિતા અને વરરાજા ભાઈ પર આભ ફાટી પડ્યું છે. ઘટનાની જાણ થતા જ જંબુસર પોલીસ સ્થળ પર પહોંચી હતી.
પોલીસે આઈસર ટેમ્પા ચાલક વિરુદ્ધ ગુનો નોંધી, મૃતદેહને પોસ્ટમોર્ટમ માટે ખસેડી આગળની કાયદેસરની તપાસ હાથ ધરી છે. લગ્નના માહોલમાં આ પ્રકારની દુર્ઘટનાએ માનવીય સંવેદનાઓને હચમચાવી દીધી છે. ટ્રાફિકના નિયમોનું પાલન અને સાવચેતીભર્યું ડ્રાઇવિંગ કેટલું અનિવાર્ય છે તે આ ઘટના પરથી ફરી એકવાર સાબિત થાય છે.
બનાસકાંઠા જિલ્લાના મુખ્ય મથક પાલનપુરના ગોબરી રોડથી જગાણા ગામને જોડતા રૂપિયા 3.80 કરોડના ખર્ચ નવા બનેલા રોડમાં ભ્રષ્ટાચારની ગંધ આવી છે. નવો રોડ બનીને તૈયાર તો થઈ ગયો પરંતુ એક સપ્તાહમાં જ રોડની સાઈડો તૂટવા લાગી છે. રૂ 3.80 કરોડના માતબર ખર્ચે તૈયાર થયેલા આ રોડની સાઈડોમાં પગ મૂકો તો કાંકરીઓ વિખેરાતા આ રોડ ભ્રષ્ટાચારની ચાડી ખાઈ રહ્યો છે…
પાલનપુરના ગોબરી રોડ થી જગાણા ને જોડતા માર્ગનું કામ હજુ એક સપ્તાહ પહેલા જ જિલ્લા પંચાયતના આરએન્ડબી વિભાગ દ્વારા પૂર્ણ થયું છે.પરંતુ કામની ગુણવત્તા એટલી હલકી છે કે રોડ બન્યાના એક સપ્તાહમાં જ તેના પોપડા ઉખડવા લાગ્યા છે. અંદાજે રૂ.3.80 કરોડ રૂપિયાના ખર્ચે તૈયાર થયેલા આ રોડની સ્થિતિ શું છે તે જાણવા સંદેશ ન્યુઝ આ માર્ગ પર પહોંચ્યું તો આ નવા બનેલા રોડની સાઈડોમાં પગ મુકતા જ રોડની કાંકરીઓ વિખેરાતી જોવા મળી.
જોકે આ રોડની કામગીરી પૂર્ણ થયા બાદ રોડ મામલે ભ્રષ્ટાચારના આક્ષેપો ઉઠ્યા હતા. અને ભ્રષ્ટાચારની બુમો વચ્ચે હવે તંત્ર અને કોન્ટ્રાક્ટરની બંનેની કામગીરી શંકાના દાયરામાં છે. સવાલ એ ઉઠી રહ્યા છે કે શું સુપરવાઇઝિંગ કરનારા અધિકારીઓએ આ કામગીરી દરમિયાન આંખ આડા કાન કર્યા હતા કે શું. રૂ.3.80 કરોડ જેવી મોટી રકમ ખર્ચાયા બાદ પણ જો એક સપ્તાહમાં રોડ કાગળની જેમ તૂટી જતો હોય તો આ મામલે ઉચ્ચસ્તરીય તપાસ થવી અનિવાર્ય છે. હવે જોવાનું એ રહે છે કે શું જવાબદાર કોન્ટ્રાક્ટર સામે તંત્ર કોઈ પગલા ભરે છે કે પછી ફરી એકવાર કાગળ પર કામ પૂર્ણ બતાવી ભ્રષ્ટાચાર પર પડદો પાડી દેવાય છે…
જો કે એક તરફ આ કામગીરીમાં ભ્રષ્ટાચાર થયાના આક્ષેપો થઇ રહ્યા છે. તો બીજી જિલ્લા પંચાયત માર્ગ અને મકાન વિભાગના કાર્યપાલક ઈજનેર કોન્ટ્રાક્ટર અને પોતાના વિભાગનો લૂલો બચાવ કરતા કહી રહ્યા છે કે આ જે રોડ ઉખડી રહ્યો છે તે 10 મીટર છોડીને રોડ છે. તો શું કોન્ટ્રાક્ટરે ટેન્ડર પ્રમાણે જે 10 મીટરનો રોડ બનાવવાનો હતોતેનાથી મોટો રોડ બનાવ્યો…? અને એક તરફ કાર્યપાલક ઇજનેરનું કહેવું છે કે આ રોડ બન્યો તે બાદ તેનું ટેસ્ટિંગ પણ કરાયું અને ટેસ્ટિંગ માં પણ પાસ થયો છે. ત્યારે આ રોડનું ટેસ્ટિંગ કરનાર અધિકારીઓ સામે પણ સવાલ ઉઠી રહ્યા છે. અધિકારીએ છેલ્લે પોતાનો અને અન્ય અધિકારીઓને બચાવ કરતા કહી દીધું કે આ રોડ માટે 3 વર્ષનું મેન્ટનન્સ કોન્ટ્રાકટરે જ કરવાનું છે.
