કડાણા ડેમના બેક વોટરમાં આવેલા રાઠડા બેટ ગામે પૂર્વ શિક્ષણ મંત્રી કુબેરભાઈ ડિંડોર નાવડીમાં બેસી ખાસ મુલાકાતે પહોંચ્યા.

758 મતદારો ધરાવતા ગામમાં SIR કામગીરી સાથે નૂતન વર્ષ સ્નેહ મિલન કાર્યક્રમ યોજાયો
રાઠડા બેટ ગામમાં 758 જેટલા મતદારો રહે છે. ગામમાં SIR કામગીરીને આગળ ધપાવવા સાથે નૂતન વર્ષ સ્નેહ મિલન કાર્યક્રમ યોજાયો, જેમાં મોટી સંખ્યામાં ગ્રામજનો જોડાયા. હતા
SIR કામગીરી અંગે માર્ગદર્શન આપી BLO ની કામગીરી ઝડપી થાય તે માટે પ્રોત્સાહન આપ્યું
કાર્યક્રમ દરમિયાન કુબેરભાઈ ડિંડોરે ગ્રામજનો ને SIR ની કામગીરીનું મહત્વ સમજાવ્યું
કાર્યક્રમમાં મોટી જાહેરાત કરતા કુબેરભાઈ ડિંડોરે જણાવ્યું કે રાઠડા બેટ ગામ માટે 25 કરોડના ખર્ચે ડેમના બેક વોટર વિસ્તાર ઉપર પુલનું નિર્માણ થશે.
આ જાહેરાત સાંભળતા ગામજનોમાં ભારે આનંદ અને ઉત્સાહનો માહોલ સર્જાયો.હતો
પુલ નિર્માણ થી ગ્રામજનો ને અવરજવર માં રાહત મળસે તેમજ ગામ માં વિકાસ ના કર્યો સક્ય બનશે.

REPOTER : વીરભદ્ર સિંહ સિસોદીયા. મહીસાગર

ભારતીય રાષ્ટ્રીય કોંગ્રેસના મીડિયા ડિપાર્ટમેન્ટના ચેરમેન, શ્રી પવન ખેડાજીએ આજે ગુજરાતના સિદ્ધપુરમાં આયોજિત ‘જન આક્રોશ યાત્રા’ દરમિયાન એક તીવ્ર અને પ્રેરણાદાયક નિવેદન આપ્યું. તેમણે દૃઢતાપૂર્વક કહ્યું કે કોંગ્રેસ પક્ષ રસ્તાઓ પર સંઘર્ષ કરી રહ્યો છે અને તે અફવાને નકારી કાઢી કે તે ક્યાંય દેખાતો નથી; ઊલટું, કોંગ્રેસ અહીં રોજગાર, મોંઘવારી, ખેડૂતોના દેવા અને નાના વેપારીઓના હિતો માટે સતત લડી રહી છે, સાથે જ નશાખોરીની સમસ્યા સામે પણ અવાજ ઉઠાવી રહી છે. ખેડાજીએ દાવો કર્યો કે આ ‘જન આક્રોશ યાત્રા’ની અસર એટલી ઊંડી છે કે દિલ્હીમાં બેઠેલી સત્તાના “હાથ-પગ ધ્રૂજવા લાગ્યા છે,” જે ગુજરાતની જનતાની એકતા અને શક્તિનો પુરાવો છે.

શ્રી ખેડાએ વર્તમાન સરકાર પર હુમલો કરતાં કહ્યું કે દેશ એક મુશ્કેલ સમયગાળામાંથી પસાર થઈ રહ્યો છે, જે કોઈ ચોક્કસ ધર્મ કે જાતિ પૂરતો મર્યાદિત નથી. તેમણે આરોપ લગાવ્યો કે મોંઘવારી અને બેરોજગારી બંને હિન્દુ અને મુસલમાન, દરેકના ઘરોને સમાન રીતે અસર કરી રહી છે, અને ખેડૂત વર્ગ પણ જાતિ કે ધર્મના ભેદભાવ વિના પરેશાન છે. તેમણે સત્તા પક્ષ પર એક મોટી ષડયંત્ર રચવાનો આરોપ લગાવ્યો, જે હેઠળ યુવાનોની આખી પેઢીને ડ્રગ્સ અને નશામાં ધકેલવામાં આવી રહી છે, જેથી તેઓ બેરોજગારી અને મોંઘવારી જેવા તેમના ભવિષ્ય સાથે જોડાયેલા મૂળભૂત પ્રશ્નો પર અવાજ ન ઉઠાવી શકે. આ જ ષડયંત્ર હેઠળ, વડીલોને હિન્દુ-મુસલમાનના ઝઘડાઓમાં વ્યસ્ત રાખવામાં આવી રહ્યા છે. તેમણે આશ્ચર્ય વ્યક્ત કરતાં કહ્યું કે સૂકો પ્રદેશ હોવા છતાં ગુજરાતમાં જેટલો દારૂ વહે છે, તેટલો તો ચેરાપુંજીમાં વરસાદ પણ નથી થતો. આ બધું એટલા માટે કરવામાં આવી રહ્યું છે જેથી “જાલિમ” સત્તામાં બની રહે અને જનતાને તેમના મુદ્દાઓથી ભટકાવી શકાય.
ખેડાજીએ સ્પષ્ટ કર્યું કે આ જાલિમ સત્તાને દૂર કરવી અનિવાર્ય છે, કારણ કે તો જ યુવાનોને નોકરી મળશે, ખેડૂતોના દેવા માફ થશે અને નાના વેપારીઓ શાંતિનો શ્વાસ લઈ શકશે. તેમણે સિદ્ધપુરની જનતાને વિશ્વાસ અપાવ્યો કે કોંગ્રેસ પક્ષના રાષ્ટ્રીય નેતાઓ—શ્રી રાહુલ ગાંધી અને શ્રી મલ્લિકાર્જુન ખડગે—દિલ્હીમાં તેમના રોજિંદા જીવન સાથે જોડાયેલા મુદ્દાઓ ઉઠાવી રહ્યા છે, અને ગુજરાતમાં અમિતભાઈ ચાવડાની સાથે મળીને આખી કોંગ્રેસ જનતાના મુદ્દાઓ ઉઠાવે છે. કોંગ્રેસ તેમના માટે લડતી રહેશે. તેમણે કાર્યકર્તાઓ અને જનતાને વચન આપ્યું કે તેઓ પીછેહઠ નહીં કરે, ભલે તેમને જેલ, લાઠી અથવા ગોળીનો સામનો કરવો પડે, કારણ કે તેમની સાથે સિદ્ધપુર, કાકોસી, પાટણ અને સમગ્ર ગુજરાતની તાકાત છે. શ્રી ખેડાએ અંતમાં ઘોષણા કરી કે છેલ્લા 30 વર્ષનો કષ્ટદાયક દોર હવે સમાપ્ત થવા જઈ રહ્યો છે અને ગુજરાતમાં કોંગ્રેસ પક્ષની સરકાર આવવાની છે.

હેમાંગ મહિપતરામ રાવલ
પ્રવક્તા
ગુજરાત પ્રદેશ કોંગ્રેસ સમિતિ

ગાંધીનગર તથા શ્રી રામબા જિલ્લા શિક્ષણ અને તાલીમ ભવન પોરબંદર પ્રેરિત તેમજ બી.આર.સી. ભવન પોરબંદર અને તાલુકા પ્રાથમિક શિક્ષણાધિકારી કચેરીના સંયુક્ત આશ્રય હેઠળ “ગરવી ગુજરાત” થીમ આધારિત પોરબંદર તાલુકા કક્ષાનો કલા ઉત્સવ–૨૦૨૫ ડિવાઇન પબ્લિક સ્કૂલ, બોખીરા ખાતે ધામધૂમપૂર્વક યોજાયો હતો.

પોરબંદર તાલુકાના કુલ ૭૬ બાળ કલાકારોએ ચિત્ર સ્પર્ધા, બાળ કવિ, સંગીત ગાયન અને સંગીત વાદન જેવી ચાર મુખ્ય સ્પર્ધાઓમાં ઉત્સાહભરી ભાગીદારી નોંધાવી હતી. તમામ બાળકોને શિલ્ડ અને પ્રમાણપત્ર એનાયત કરાયા હતા, જ્યારે દરેક સ્પર્ધામાં પ્રથમ ત્રણ સ્થાને આવેલા વિજેતાઓને રોકડ પુરસ્કાર આપવામાં આવ્યા હતા.

કાર્યક્રમની સફળતા માટે યોગદાન આપનાર તમામ નિર્ણાયકો અને બ્લોક પોરબંદર ટીમને પણ સન્માનિત કરવામાં આવ્યા હતા. કાર્યક્રમના અંતે તમામ ઉપસ્થિત મહેમાનો અને વિદ્યાર્થીઓ માટે ભોજનની વ્યવસ્થા રાખવામાં આવી હતી. બાળ કલાકારોને આપવામાં આવેલી શિલ્ડ પોરબંદર તાલુકા શિક્ષક સહકારી મંડળી દ્વારા પ્રદાન કરવામાં આવી હતી. સમગ્ર કાર્યક્રમનું સંચાલન સી.આર.સી. કો. અશોકભાઈ બથવાર દ્વારા કરવામાં આવ્યું હતું, જ્યારે આર.જે. મિલનભાઈએ વિદ્યાર્થીઓને મનોરંજન સાથે માર્ગદર્શન આપ્યું હતું.

કાર્યક્રમ માટે ડિવાઇન પબ્લિક સ્કૂલ ફાળવવા બદલ સી.આર.સી. હરેશભાઈ અને આચાર્ય દિપેનભાઈ ઓડેદરાનો આભાર વ્યક્ત કરાયો હતો. કાર્યક્રમને સફળ બનાવવા તાલુકા લાયઝન ડો. રામચંદ્ર મહેતા, તાલુકા પ્રાથમિક શિક્ષણાધિકારી વેજાભાઈ કોડિયાતર, બી.આર.સી. કો. ઓર્ડિનેટર પરેશકુમાર ડી. પુરુષવાણી, સી.આર.સી. અને બ્લોક ટીમ પોરબંદર દ્વારા મહત્વપૂર્ણ યોગદાન આપવામાં આવ્યું હતું.

આ પ્રસંગે પોરબંદર જિલ્લા શિક્ષણાધિકારી વી. કે. પરમાર, કમલાબાગ પોલીસ સ્ટેશનના પી.આઈ. આર.સી. કાનમિયા, રેડિયો જોકી મિલનભાઈ પાણખાણિયા, કેળવણી નિરીક્ષકો વત્સલભાઈ, મુળુભાઈ, ચમ મેમોરિયલ સ્કૂલના ડિરેક્ટર કમલભાઈ પાઉં, હિરેનભાઈ પાઉં, તેમજ સુનયનાબેન ડોગરા, હિનાબેન મેઘનાથી, હેતલબેન લાખાણી, મહિલા કાઉન્સિલર હેતલબેન પંડ્યા, 181 મહિલા ટીમ કાઉન્સિલર નિરુપાબેન બાબરીયા, મહિલા કોન્સ્ટેબલ કિરણબેન ચાવડા સહિતના માનનીય મહેમાનો ઉપસ્થિત રહ્યા હતા.
મહેમાનો દ્વારા બાળ કલાકારોને પ્રોત્સાહિત કરી તેમના સર્જનાત્મક પ્રયત્નોની પ્રશંસા કરવામાં આવી હતી.

રિપોર્ટર : વિરમભાઇ કે. આગઠ

કેશોદના વેરાવળ રોડ નજીક સ્વામીનારાયણ નગરમાં શ્રીવૈશ સુથાર જ્ઞાતી સમાજ દ્વારા વિવિધ કાર્યક્રમોનું આયોજન કરવામાં આવ્યું હતું

જેમાં માળા પહેરામણી મનોરથ યજ્ઞોપવીત સંસ્કાર તેજસ્વી વિદ્યાર્થીઓના સન્માન સાથે 33માં સમુહ લગ્ન સહીતનું આયોજન કરવામાં આવ્યું હતું જેમાં શ્રીવૈશ સુથાર જ્ઞાતી સમાજ તથા આમંત્રિત મહેમાનો ઉપસ્થિત રહ્યા હતા સુત્રેજ મઢપતી ભુવા આતાશ્રી જયંતીભાઈ કાંટેલીયાએ નવ દંપતીઓને આશિર્વાદ પાઠવ્યા હતા ત્રિદિવસીય કાર્યક્રમોમાં શ્રીવૈશ સુથાર જ્ઞાતી સમાજ આમંત્રિત મહેમાનો ઉપસ્થિત રહ્યા હતા શ્રીવૈશ સુથાર જ્ઞાતી સમાજના આ કાર્યને વધાવવા બહેનો દ્વારા ભોજન પીરસવામાં આવ્યું હતું જેમાં દરેક ભોજનારથીઓને ભોજન પીરસતા સમયે જય માતાજી બોલી ભોજનને સાચા અર્થમાં માં અન્ન પુર્ણાની પ્રસાદીરૂપ બધાએ લાભ લીધો હતો અન્નનો બગાડ ન થાય તેવો સમિતી દ્વારા ખાસ કાળજી રાખવામાં આવી હતી દર વર્ષે વિવિધ કાર્યક્રમોના થતાં આયોજનમાં તન મન ધનથી સાથ સહકાર આપનાર તમામ જ્ઞાતીજનોનો સમીતી દ્વારા આભાર વ્યક્ત કરવા સાથે દાતાઓ તથા આમંત્રિત મહેમાનોનું સન્માન કરવામાં આવ્યું હતું