ભારતીય સિનેમાના પડદા પર રામાયણની ગાથાએ કમાણીના નવા અધ્યાયની શરૂઆત કરી છે. રણબીર કપૂરની આ ફિલ્મે માત્ર પાંચ દિવસમાં વિશ્વભરમાં 663 કરોડથી વધુનો બિઝનેસ કરીને બોક્સ ઓફિસ પર પોતાની તાકાત બતાવી દીધી છે.
રામાયણ કલેક્શન
રણબીર કપૂરની ‘રામાયણ પાર્ટ 1’એ બોક્સ ઓફિસ પર નવો ઇતિહાસ રચી દીધો છે. સોમવારે એટલે કે પાંચમા દિવસે ફિલ્મે ભારતમાં 107.50 કરોડનું નેટ કલેક્શન કરીને બોલિવુડનો સૌથી મોટો સોમવારનો રેકોર્ડ પોતાના નામે કર્યો છે.
ધુરંધર: ધ રિવેન્જ’નો રેકોર્ડ તુટ્યો
આ આંકડા સાથે ફિલ્મે રણવીર સિંહની ‘ધુરંધર: ધ રિવેન્જ’નો રેકોર્ડ પણ પાછળ છોડી દીધો છે. અગાઉ આ ફિલ્મે તેના પહેલા સોમવારે 65 કરોડની નેટ કમાણી કરી હતી. પરંતુ રણબીરની ‘રામાયણ’એ તો સોમવારના દિવસે જ 100 કરોડનો આંકડો પાર કરીને નવો ઇતિહાસ રચી દીધો છે.
નેટ કલેક્શન
માત્ર પાંચ દિવસમાં ફિલ્મનું ભારતીય નેટ કલેક્શન 346.35 કરોડ સુધી પહોંચી ગયું છે. વિદેશમાં પાંચમા દિવસે 25 કરોડની કમાણી થઈ અને ત્યાંનું કુલ કલેક્શન 250 કરોડ થઈ ગયું છે. વિશ્વભરમાં ફિલ્મે 663.90 કરોડનું ગ્રોસ કલેક્શન હાંસલ કરીને છસો કરોડના ક્લબમાં પ્રવેશ કર્યો છે.
જોરદાર કમાણી
દિવાળીની રજાઓ વચ્ચે પણ ફિલ્મે આટલી જોરદાર કમાણી કરીને એ ધારણાને ખોટી પાડી છે કે તહેવારોની આસપાસ રિલીઝ થતી ફિલ્મો સારું પ્રદર્શન નથી કરતી. નિતેશ તિવારી દિગ્દર્શિત આ મહાકાવ્યમાં સંગીત એ.આર. રહેમાન અને હેન્સ ઝિમર જેવા ઓસ્કર વિજેતાઓએ આપ્યું છે. ‘રામાયણ પાર્ટ 2’ દિવાળી 2028માં આવશે.
