જામનગરમાં ડિફેન્સ કોલોની વિસ્તારમાં રહેતા એક રિક્ષાચાલકની યુવાન પુત્રી સાથે ઇન્સ્ટાગ્રામ માં ફ્રેન્ડશીપ કરનાર હૈદરાબાદના એક શખ્સ એ મિત્રતા તોડી નાખવાના મામલે ધાકધમકી આપી હતી, જેથી મામલો સીટી સી. ડિવિઝન પોલીસ મથકમાં લઈ જવાયો છે, અને હૈદરાબાદના શખ્સ સામે પોલીસે ગુનો નોંધ્યો છે. જેની શોધખોળ ચલાવાઇ રહી છે.

જામનગરના ડિફેન્સ કોલોની વિસ્તારમાં રહેતા અમૃતલાલ મહીડા નામના રીક્ષા ચાલકની યુવાન પુત્રી કે જેને થોડા સમય પહેલા ઇન્સ્ટાગ્રામ માં દિનેશ નામક યુવક સાથે મિત્રતા થઈ હતી.થોડો સમય વાતચિત ચાલી હતી, પરંતુ યુવતીને પસંદ ન હોવાથી દિનેશ સાથે મિત્રતા તોડી નાખી હતી, જેથી તે ઉસકેરાયો હતો, અને યુવતીને ફોન કરીને ધાકધમકીઓ આપવાનું શરૂ કર્યું હતું.

જેથી આ મામલાને સીટી સી. ડિવિઝન પોલીસ મથકમાં લઈ જવાયો હતો, ત્યાં રીક્ષા ચાલક અમૃતભાઈ દ્વારા હૈદરાબાદના દિનેશ નામના શખ્સ વીરુદ્ધ ફરિયાદ નોંધાવતાં પોલીસે ભારતીય ન્યાય સંહિતા 2023ની કલમ 351(3) મુજબ ગુન્હો નોંધ્યો છે, અને સોશિયલ મીડિયાના માધ્યમથી આરોપીની શોધખોળ હાથ ધરી છે.

ચૈત્ર મહિનાની નવરાત્રિ દરમિયાન પાવાગઢમાં માતાજીના દર્શને આવેલા યુવકને ડુંગર પર અકસ્માતનો ભોગ બનવું પડ્યું છે. મંદિરે માતાજીના દર્શન કરવા માટે જતો યુવાન ખીણમાં પડ્યો હતો. અચાનક જ યુવકને ચક્કર આવતા તે ઢળી પડ્યો હતો.

ચૈત્ર મહિનાની નવરાત્રિ દરમિયાન પાવાગઢમાં માતાજીના દર્શને આવેલા યુવકને ડુંગર પર અકસ્માતનો ભોગ બનવું પડ્યું છે. મંદિરે માતાજીના દર્શન કરવા માટે જતો યુવાન ખીણમાં પડ્યો હતો. અચાનક જ યુવકને ચક્કર આવતા તે ઢળી પડ્યો હતો. તાત્કાલિક આ યુવકનું રેસક્યૂ કરી તેને સારવાર માટે હાલોલ હોસ્પિટલમાં ખસેડવામાં આવ્યો હતો.

ચૈત્ર નવરાત્રિ દરમિયાન વડતાલનો 24 વર્ષનો યુવક તુષાર માતાજીના દર્શને પાવાગઢ આવ્યો હતો. ડુંગર ચઢીને માતાજીના દર્શન કરવા જતી વખતે અસહ્ય તાપને કારણે તેને ચક્કર આવ્યા હતાં. આ દરમિયાન તે ઢળી પડ્યો અને ખીણમાં ખાબક્યો હતો. તુષારને ગંભીર ઈજાઓ પહોંચી હતી. તેનું તાત્કાલિક રેસ્કયૂ ઓપરેશન કરી તાત્કાલિક સારવાર માટે હાલોલની હોસ્પિટલમાં ખસેડવામાં આવ્યો હતો.

ઈરાન અને ઈઝરાયલનું યુદ્ધ બંધ થવાનું નામ નથી લેતું ત્યારે ઘરેલુ અને હોટલની ગુજરાતી થાળી મોંઘી થઈ ગઈ છે. સામાન્ય રીતે ગુજરાતીઓમાં અમુક પ્રસંગો કે તહેવારોમાં હોટલમાં જઈને ગુજરાતી થાળી આરોગવા જવાની એક રસમ છે. પરંતુ હાલમાં પ્રવર્તેલી એલપીજીની અછતને કારણે ગુજરાતી થાળી પર અંદાજિત વીસ ટકાનો વધારો જોવા મળ્યો છે. જે ઘણી હોટલો અને રેસ્ટોરન્ટોએ હાલમાં લાગુ કર્યો છે.

બ્લુમબર્ગના માર્ચ 2026ના અહેવાલો અનુસાર, ઈરાન યુદ્ધ અને સ્ટ્રેઈટ ઓફ હોર્મુઝના બંધ થવાથી ભારતમાં ઓઇલ અને LPGની અછત સર્જાઈ છે. આનાથી ગુજરાતી થાળીનો ખર્ચ વધ્યો છે. ગુજરાતી થાળીમાં સામાન્ય રીતે રોટલી, દાળ, બે-ત્રણ શાક, ભાત, ઘી, પાપડ, અથાણું, છાશ, કઢી અને ફરસાણ આવે છે. આ તમામ વાનગીઓ બનાવવામાં LPG અને ખાદ્ય તેલનો મુખ્ય વપરાશ થાય છે.

ક્રૂડ ઓઇલના ભાવ 100 ડૉલર પ્રતિ બેરલથી વધી 105 ડૉલર સુધી પહોંચ્યા છે. યુદ્ધ શરૂ થયા પછી 40%થી વધુ વધારો. ભારત 80% ક્રૂડ અને ત્રણ-ચતુર્થાંશ એલપીજી હોર્મુઝ માર્ગે આયાત કરે છે. આ અછતે ખાદ્ય તેલ અને પરિવહન ખર્ચ પણ વધાર્યા છે. એલપીજીના ભાવમાં સૌથી મોટો ફટકો ઘરગથ્થુ 14.2 કિલો સિલિન્ડરના ભાવમાં 7% વધારો થયો છે જે હવે 913 થયા છે. કોમર્શિયલ સિલિન્ડરની સામાન્ય કિંમત 1,900 હતી, પણ બ્લેક માર્કેટમાં હવે બમણી-ત્રણ ગણી થઈ ગઈ છે.

ઘરગથ્થુ એલપીજીમાં 7%ના વધારાથી રસોઈ ખર્ચમાં 20-30નો વધારો થયો છે. ખાદ્ય તેલ અને શાકભાજીના પરિવહન ખર્ચ વધતા એક થાળીનો કુલ ખર્ચ 8-12% મોંઘો થયો છે. જેની સીધી અસર ઘરેલું ગુજરાતી થાળી દાળ-ભાત-શાક-રોટલી પર થઈ છે.

રેસ્ટોરન્ટ એસોસિયેશન અનુસાર 80% રેસ્ટોરન્ટ એલપીજીના ઉર્જા સ્ત્રોત પર આધારિત છે. કોમર્શિયલ એલપીજીની અછતને કારણે ઘણી હોટલોમાં “ક્રાઈસિસ મેન” બનાવવું પડ્યું છે અને થાળીના ભાવમાં 10%થી વધુ વધારો થયો છે. મોટા ભાગની અમદાવાદની રેસ્ટોરન્ટે પોતાના ભાવમાં 20થી 50 રૂપિયાનો વધારો કર્યો છે. ઘણી હોટલોએ બીજી રીતે વડોદરા અને અમદાવાદમાં મેનુ કટ કર્યું છે. ખાતરની અછતથી લાંબા ગાળે શાકભાજી અને અનાજ પણ મોંઘા થશે અને તેના કારણે પણ ગુજરાતી થાળી વધુ મોંઘી થશે. જો યુદ્ધ લાંબુ ચાલશે તો ફૂડ ઈન્ફ્લેશન વધુ વધશે. સરકારે ઘરગથ્થુ એલપીજીના ભાવ ન વધે તે માટે અસરકારક પગલાં લીધા છે પરંતુ હોટલો અને ઢાબા હજુ પણ સંઘર્ષ કરી રહ્યા છે.

મિડલ ઈસ્ટમાં ચાલી રહેલા ભીષણ યુદ્ધની વૈશ્વિક અસરો હવે ગુજરાતના સુપ્રસિદ્ધ શ્રદ્ધાધામો સુધી પહોંચી છે. આ યુદ્ધને કારણે સર્જાયેલી કોમર્શિયલ ગેસ સિલિન્ડરની તીવ્ર અછતને પગલે ખેડા જિલ્લાના યાત્રાધામ ડાકોર અને આણંદ જિલ્લાના પીપળાવ સ્થિત આશાપુરી માતાજીના મંદિરની ભોજન પ્રસાદી અનિશ્ચિતકાળ માટે બંધ કરવાની ફરજ પડી છે.

મળતી માહિતી અનુસાર, ખેડા જિલ્લાના સુપ્રસિદ્ધ યાત્રાધામ ડાકોરમાં મંદિર ટ્રસ્ટ દ્વારા ભાવિક ભક્તો માટે ચલાવવામાં આવતી નિઃશુલ્ક ભોજન પ્રસાદીની સેવા હાલ યુદ્ધના કારણે બંધ કરી દેવામાં આવી છે. ડાકોર ટેમ્પલ કમિટીના મેનેજરના જણાવ્યાનુસાર, શનિવાર અને રવિવારના રોજ અંદાજે 2 હજારથી વધુ ભક્તો ભોજનનો લાભ લેતા હતા, જ્યારે અન્ય દિવસોમાં 1 હજાર જેટલા ભક્તો અહીં પ્રસાદ લેતા હતા. કોમર્શિયલ ગેસ સિલિન્ડરની સપ્લાય ખોરવાતા રસોડામાં ઈંધણની અછત સર્જાઈ છે. મંદિર તંત્ર દ્વારા સ્પષ્ટતા કરવામાં આવી છે કે જેવી સિલિન્ડરની પૂર્તિ થશે, કે તુરંત ભોજન પ્રસાદી ફરી કાર્યરત કરવામાં આવશે.

આણંદ જિલ્લાના સોજીત્રા તાલુકાના પીપળાવ ગામે આવેલું સુપ્રસિદ્ધ આશાપુરી માતાજીનું મંદિર પણ ગેસ સંકટનો સામનો કરી રહ્યું છે. અહીં વર્ષોથી ચાલતી વિનામૂલ્યે ભોજનની વ્યવસ્થા ઈંધણના અભાવે બંધ કરવી પડી છે. દર રવિવારે અહીં સમગ્ર ગુજરાતમાંથી હજારો શ્રદ્ધાળુઓ ઉમટે છે. ભોજનાલય બંધ થતા દૂર-દૂરથી આવતા ભક્તોને હવે બહારની હોટલો કે નાસ્તાના સેન્ટરો પર નિર્ભર રહેવું પડી રહ્યું છે. જિલ્લામાં છેલ્લા ઘણાં દિવસોથી કોમર્શિયલ ગેસની સપ્લાય ઠપ થઈ ગઈ છે. મંદિર પ્રશાસનના તમામ પ્રયાસો છતાં જરૂરિયાત મુજબના બાટલા ન મળતા અંતે ભોજન પ્રસાદી બંધ કરવાનો નિર્ણય લેવાયો છે.

ઉલ્લેખનીય છેકે, ઈરાન-ઈઝરાયલ યુદ્ધને કારણે માત્ર ઔદ્યોગિક ક્ષેત્ર જ નહીં, પરંતુ સામાન્ય જનતા અને ધાર્મિક સંસ્થાઓ પણ પ્રભાવિત થઈ છે. સ્થાનિકો અને ભક્તોની માંગ છે કે વહીવટી તંત્ર દ્વારા યુદ્ધના આ સમયગાળામાં આવશ્યક સેવાઓ અને ધાર્મિક સ્થાનો માટે ગેસની પૂર્તિ અગ્રતાના ધોરણે કરવામાં આવે, જેથી હજારો શ્રદ્ધાળુઓની આસ્થા અને સુવિધા જળવાઈ રહે.