મોરબીના વિશ્વપ્રસિદ્ધ સિરામિક ઉદ્યોગ પર હાલમાં કાળા વાદળો છવાયા છે. વૈશ્વિક ભૌગોલિક તણાવ અને ઈંધણની તીવ્ર અછતને કારણે આ ઉદ્યોગ અત્યંત કપરા સમયમાંથી પસાર થઈ રહ્યો છે.મોરબીનો સિરામિક ઉદ્યોગ, જે ભારત જ નહીં પણ વિશ્વના અનેક દેશોમાં ટાઇલ્સ અને સેનિટરી વેર પહોંચાડે છે, તે હાલમાં ગંભીર સંકટનો સામનો કરી રહ્યો છે. ઈરાન અને ઈઝરાયેલ વચ્ચે ફાટી નીકળેલા યુદ્ધની સીધી અસર મોરબીના કારખાનાઓ પર જોવા મળી રહી છે. છેલ્લા કેટલાક દિવસોમાં જ વધુ 70 કારખાનાઓ બંધ થઈ જતાં ઉદ્યોગપતિઓ અને શ્રમિકોમાં ચિંતાની લહેર પ્રસરી ગઈ છે.

સિરામિકના એકમો બંધ થવા પાછળનું મુખ્ય કારણ પ્રોપેન ગેસની ભારે અછત માનવામાં આવી રહી છે. છેલ્લા છ દિવસથી પ્રોપેન ગેસની નિયમિત સપ્લાય ખોરવાઈ ગઈ છે. ઈરાન-ઈઝરાયેલ યુદ્ધના કારણે આંતરરાષ્ટ્રીય સ્તરે સપ્લાય ચેઈન પ્રભાવિત થઈ છે, જેના કારણે મોરબીમાં અત્યાર સુધીમાં કુલ 170 એકમો બંધ કરવાની ફરજ પડી છે. ગેસ વિના ભઠ્ઠીઓ (Kilns) ચલાવવી અશક્ય હોવાથી કરોડો રૂપિયાના ઓર્ડર્સ પેન્ડિંગ પડ્યા છે અને દૈનિક ટર્નઓવરને મોટો ફટકો પડ્યો છે.

મોરબી આસપાસના વિસ્તારમાં ફેલાયેલા આ ઉદ્યોગની કમર તૂટી ગઈ છે. ઉદ્યોગકારો મૂંઝવણમાં છે કે ગેસની નિયમિત સપ્લાય ક્યારે શરૂ થશે? જો યુદ્ધ લાંબુ ચાલશે તો મોરબીનો સિરામિક ઉદ્યોગ ફરી ક્યારે ધમધમતો થશે તે એક મોટો પ્રશ્નાર્થ છે. હજારો શ્રમિકોની રોજીરોટી પણ આ સ્થિતિને કારણે જોખમમાં મુકાઈ છે. તંત્ર અને ઉદ્યોગ સંગઠનો આ સમસ્યાનો ઉકેલ લાવવા માટે પ્રયત્નશીલ છે, પરંતુ વૈશ્વિક પરિસ્થિતિ પર કોઈનું નિયંત્રણ ન હોવાથી હાલમાં ‘થોભો અને રાહ જુઓ’ની સ્થિતિ છે.

આ નિર્ણય માત્ર એક ટેક્નિકલ ઈનોવેશન નથી પણ સરકારની સંવેદનશીલતા, પારદર્શકતા તથા સમયબદ્ધ જવાબદારીનો સશક્ત દાખલો છે. રાજ્ય સરકારે આ પહેલ વડે સ્પષ્ટ સંદેશ આપ્યો છે કે વિકાસની સાથે-સાથે સુરક્ષા, ગુણવત્તા તથા જાહેર વિશ્વાસ; ત્રણેય સમાન રીતે ફરજિયાત છે.

નાગરિકોની સલામતી તથા જાહેર મિલ્કતોના સંરક્ષણને ટોચની પ્રાથમિકતા આપતાં મુખ્યમંત્રી ભૂપેન્દ્ર પટેલના નેતૃત્વ હેઠળ રાજ્ય સરકારે ‘એસેટ સેફ્ટી મૉનિટરિંગ પોર્ટલ’ અમલી બનાવવાનો મહત્વનો નિર્ણય કર્યો છે. વડાપ્રધાન નરેન્દ્ર મોદીના વિઝન હેઠળ કરવામાં આવેલા આ નિર્ણય સાથે જ હવે રાજ્યમાં હયાત રોડ, બ્રિજ, બિલ્ડિંગ સહિત તમામ સરકારી તેમજ જાહેર ઈન્ફ્રાસ્ટ્રક્ચરનું રાજ્ય કક્ષાએથી ઈન્ટીગ્રેટેડ મૉનિટરિંગ થશે કે જેથી કોઈ પણ ઈન્ફ્રાસ્ટ્રક્ચર સામાન્ય પ્રજાની સલામતી માટે જોખમકારક ન બને.

આ નિર્ણય માત્ર એક ટેક્નિકલ ઈનોવેશન નથી પણ સરકારની સંવેદનશીલતા, પારદર્શકતા તથા સમયબદ્ધ જવાબદારીનો સશક્ત દાખલો છે. રાજ્ય સરકારે આ પહેલ વડે સ્પષ્ટ સંદેશ આપ્યો છે કે વિકાસની સાથે-સાથે સુરક્ષા, ગુણવત્તા તથા જાહેર વિશ્વાસ; ત્રણેય સમાન રીતે ફરજિયાત છે.

રાજ્ય સરકારના આ નિર્ણય અંગે સામાન્ય વહિવટી વિભાગ (જીએડી) દ્વારા તાજેતરમાં એક પરિપત્ર જાહેર કરવામાં આવ્યો છે. પરિપત્ર મુજબ રાજ્યના રોડ, બ્રિજ, સરકારી ઇમારતો તથા અન્ય નાગરિક ઈન્ફ્રાસ્ટ્રક્ચર સહિત 1.50 લાખથી વધુ જાહેર સંપત્તિઓની હવે એક જ સેન્ટ્રલાઈઝ્ડ ડિજિટલ પ્લેટફૉર્મ પર નોંધણી થશે. જીઆઈએસ આધારિત લોકેશન, ફોટોગ્રાફ્સ, સંરક્ષક અધિકારીની વિગતો તથા ખાસ ડિજિટલ ઓળખ; આ સંપૂર્ણ વ્યવસ્થા મિલ્કતોની આવરદાની વૈજ્ઞાનિક તેમજ સતત દેખરેખ સુનિશ્ચિત કરશે. તેનાથી માત્ર વર્તમાન સુરક્ષા જ મજબૂત નહિં થાય પણ ભવિષ્યની બાંધકામ પ્રક્રિયા પણ ડેટા આધારિત બનશે.

મુખ્યમંત્રી ભૂપેન્દ્ર પટેલના સંવેદનશીલ વહિવટી અભિગમનાં કેન્દ્રમાં નાગરિક સલામતી છે. એસેટ સેફ્ટી મૉનિટરિંગ પોર્ટલના માધ્યમથી એ સુનિશ્ચિત કરવામાં આવશે કે કોઈ પણ મિલ્કતની માળાખકીય નબળાઈ, નિરીક્ષણમાં વિલંબ કે રિપૅરિંગની જરૂરિયાત પ્રત્યે બેદરકારી ન થાય. સ્વચાલિત નિરીક્ષણ કૅલેન્ડર તથા રિયલ-ટાઇમ ઍલર્ટ સિસ્ટમ વહીવટી તંત્રને સમયસર કાર્યવાહી માટે ફરજ પાડશે.

તેના હેઠળ આ એકીકૃત પોર્ટલ પર ફીલ્ડ ઑફિસર્સ ડિજિટલ લૉગિન વડે નિરીક્ષણ રિપોર્ટ તથા ફોટોગ્રાફ્સ અપલોડ કરશે. જિલ્લા કલેક્ટરો તથા મહાનગર પાલિકા કમિશ્નરોએ સાપ્તાહિક, માસિક તથા ત્રિમાસિક સમીક્ષા કરવાની રહેશે. પ્રભારી સચિવો જિલ્લા પ્રવાસ દરમિયાન જરૂરી નિર્દેશો આપશે.

જીએડીમાં રચાયેલી ડેડિકેટેડ એસેટ સેફ્ટી મૉનિટરિંગ સેલ રાજ્ય કક્ષાએ ડેલી મૉનિટરિંગ કરશે તથા મુખ્ય સચિવને નિયમિત રિપોર્ટ સોંપશે. આ વ્યવસ્થા મુખ્યમંત્રીની નેમ તથા ગ્રાઉન્ડ ઈમ્પ્લિમેન્ટેશન વચ્ચે કોઈ અંતર ન રહે એ સુનિશ્ચિત કરશે. આમ, મુખ્યમંત્રી ભૂપેન્દ્ર પટેલનો એસેટ સેફ્ટી મૉનિટરિંગ પોર્ટલ લાગુ કરવાનો નિર્ણય ગુજરાતના વહીવટી ઇતિહાસમાં એક માઇલ સ્ટોન સાબિત થશે. આ માત્ર એક પોર્ટલ નથી પણ સલામત, પારદર્શક અને વિશ્વાસનીય ગુજરાતના મજબૂત પાયા સમાન છે.

ભુજ-ખાવડા હાઈવે પર લક્ઝુરિયસ રેન્જ રોવર કાર ચાલતી વખતે અચાનક આગની લપેટમાં આવી ગઈ હતી. આગ એટલી વિકરાળ હતી કે જોતજોતામાં કાર બળીને લોખંડના માળખામાં ફેરવાઈ ગઈ હતી.કચ્છના ભુજ-ખાવડા હાઈવે પર આજે એક ગમખ્વાર ઘટના સામે આવી છે, જેમાં એક લક્ઝુરિયસ રેન્જ રોવર કાર ચાલતી વખતે અચાનક આગની લપેટમાં આવી ગઈ હતી. આગ એટલી વિકરાળ હતી કે જોતજોતામાં કાર બળીને લોખંડના માળખામાં ફેરવાઈ ગઈ હતી.

પ્રાપ્ત માહિતી અનુસાર, કાર ખાવડાથી ભુજ તરફ જઈ રહી હતી ત્યારે હાઈવે પર અચાનક તેમાં આગ લાગી હતી. કારમાંથી ધુમાડો નીકળતો જોઈ ચાલકે તાત્કાલિક ગાડી સાઈડમાં ઉભી રાખીને બહાર નીકળી ગયો હતો, જેના કારણે તેનો આબાદ બચાવ થયો છે. જોકે, કારની અંદર રહેલા અગત્યના દસ્તાવેજો અને રોકડ રકમ પણ આગમાં સંપૂર્ણપણે સળગીને ખાખ થઈ ગયા છે.

આગ લાગતાની સાથે જ આસપાસના લોકો એકઠા થઈ ગયા હતા અને ફાયર વિભાગને જાણ કરવામાં આવી હતી. જોકે, કાર પ્લાસ્ટિક અને અન્ય જ્વલનશીલ મટીરીયલની બનેલી હોવાથી આગે ખૂબ જ ટૂંકા સમયમાં વિકરાળ સ્વરૂપ ધારણ કરી લીધું હતું. ફાયર ફાઈટરની ટીમ પહોંચે તે પહેલા જ ગાડી સંપૂર્ણપણે બળીને ખાખ થઈ ચૂકી હતી.