ઈજાગ્રસ્તોને તાત્કાલિક નજીકની હોસ્પિટલો ખાતે ખસેડવામાં આવ્યા છે, જ્યાં અનેક મજૂરોની હાલત ગંભીર હોવાનું જાણવા મળી રહ્યું છે. મળતી માહિતી મુજબ, આ અકસ્માતમાં 4થી 5 લોકોના મોત થયા હોવાની આશંકા પણ વ્યક્ત કરવામાં આવી રહી છે.

છત્તીસગઢના સક્તિ જિલ્લામાં આવેલા સિંઘીતરાઈ વિસ્તારમાં આવેલા વેદાંતા પાવર પ્લાન્ટમાં મંગળવારે બપોરે લગભગ 2 વાગ્યાના સમયે ભયાનક દુર્ઘટના સર્જાઈ છે. પ્લાન્ટમાં અચાનક બોઈલર ફાટતાં સમગ્ર વિસ્તારમાં અફરાતફરી મચી ગઈ. પ્રાથમિક માહિતી મુજબ આ દુર્ઘટનામાં આશરે 30થી 40 જેટલા મજૂરો ગંભીર રીતે ઘાયલ થયા છે.

ઈજાગ્રસ્તોને તાત્કાલિક નજીકની હોસ્પિટલો ખાતે ખસેડવામાં આવ્યા છે, જ્યાં અનેક મજૂરોની હાલત ગંભીર હોવાનું જાણવા મળી રહ્યું છે. મળતી માહિતી મુજબ, આ અકસ્માતમાં 4થી 5 લોકોના મોત થયા હોવાની આશંકા પણ વ્યક્ત કરવામાં આવી રહી છે, જોકે આ મામલે સત્તાવાર રીતે હજુ સુધી કોઈ પુષ્ટિ કરવામાં આવી નથી.ઘટના બાદ પાવર પ્લાન્ટ પરિસરમાં હાહાકાર મચી ગયો છે. માહિતી મળતાં જ સ્થાનિક પ્રશાસન, પોલીસ, ફાયર બ્રિગેડ અને મેડિકલ ટીમો તાત્કાલિક ઘટનાસ્થળે પહોંચી ગઈ અને રાહત-બચાવ કામગીરી ઝડપથી શરૂ કરવામાં આવી છે.

કોન્સર્ટમાં સામેલ આ ગ્રુપના 3 વિદ્યાર્થીઓએ કથિત રીતે ડ્રગ્સનું સેવન કર્યું. વિદ્યાર્થીઓની ઉંમર 23થી 25 વર્ષની વચ્ચે હતી. ડ્રગ્સ લેવાના થોડા સમય બાદ જ તેમની તબિયત અચાનક બગડવા લાગી.

મુંબઈમાં એક હાર્ડ ટેક્નો કોન્સર્ટ દરમિયાન ડ્રગ્સનું સેવન બે વિદ્યાર્થીઓ માટે જીવલેણ બન્યું છે. 11 એપ્રિલે નેસ્કો વેરહાઉસમાં આયોજિત આ ઈવેન્ટ બાદ 3 વિદ્યાર્થીઓની તબિયત લથડી, જેમાંથી 2 લોકોના મોત થયા છે. પોલીસે આ કેસમાં પોસ્ટ ગ્રેજ્યુએટ વિદ્યાર્થીઓ અને એક ઈવેન્ટ ઓર્ગેનાઈઝર સહિત 5 લોકોની ધરપકડ કરી છે.

આ કેસ 11 એપ્રિલનો છે, જ્યારે નેસ્કો વેરહાઉસમાં એક હાર્ડ ટેક્નો કોન્સર્ટ આયોજિત કરવામાં આવ્યો હતો, આ ઈવેન્ટમાં ઈટલીના ટેક્નો આર્ટિસ્ટસ પણ સામેલ થયા હતા, જેના કારણે મોટી સંખ્યામાં યુવાનો ત્યાં પહોંચ્યા હતા. આ દરમિયાન એક કોલેજના વિદ્યાર્થીઓનું ગ્રુપ પણ કોન્સર્ટમાં સામેલ થયું હતું. કોઈને અંદાજો નહતો કે તે મ્યૂઝિક ઈવેન્ટ કેટલાક કલાકોમાં જ દુર્ઘટનામાં બદલાઈ જશે.

કોન્સર્ટમાં સામેલ આ ગ્રુપના 3 વિદ્યાર્થીઓએ કથિત રીતે ડ્રગ્સનું સેવન કર્યું. વિદ્યાર્થીઓની ઉંમર 23થી 25 વર્ષની વચ્ચે હતી. ડ્રગ્સ લેવાના થોડા સમય બાદ જ તેમની તબિયત અચાનક બગડવા લાગી, સ્થિતિ ગંભીર બનતા જોઈને તાત્કાલિક તેમને હોસ્પિટલ લઈ જવામાં આવ્યા પણ ત્યા સુધીમાં શરીર પર ડ્રગ્સની અસર ખતરનાક સ્તર પર પહોંચી ચૂકી હતી.

તેમાંથી બે મહિલા વિદ્યાર્થીઓને હિન્દૂ હ્રદય સમ્રાટ બાલાસાહેબ ઠાકરે ટ્રોમા હોસ્પિટલમાં લઈ જવામાં આવ્યા, જ્યારે એક પુરૂષ વિદ્યાર્થીઓને ગોરેગાંવની એક ખાનગી હોસ્પિટલમાં દાખલ કરાવવામાં આવ્યા. ડોક્ટરોએ 3 વિદ્યાર્થીઓને બચાવવાનો પ્રયત્ન કર્યો પણ સ્થિતિ સતત બગડતી રહી. સારવાર દરમિયાન ગોરેગાંવની ખાનગી હોસ્પિટલમાં દાખલ 24 વર્ષીય યુવકનું મોત થયું. ત્યારે ટ્રોમા હોસ્પિટલમાંથી ડિસ્ચાર્જ થયા બાદ ખાનગી હોસ્પિટલમાં દાખલ કરવામાં આવેલી 24 વર્ષીય મહિલા વિદ્યાર્થીનું પણ સોમવારે મોત થયું. બીજી અન્ય મહિલા વિદ્યાર્થિની સ્થિતિ પણ હાલમાં ગંભીર છે અને તે ICUમાં જિંદગીનો જંગ લડી રહી છે.

ઘટનાની જાણકારી મળતા જ વાનરાઈ પોલીસ સ્ટેશનની ટીમ હરકતમાં આવી અને કેસની તપાસ શરૂ કરી. પોલીસે આ મામલે 5 આરોપીઓની ધરપકડ કરી છે, જેમાં કેટલાક પોસ્ટ ગ્રેજ્યુએટ વિદ્યાર્થી અને એક ઈવેન્ટ ઓર્ગેનાઈઝર સામેલ છે. પોલીસ એ તપાસ કરી રહી છે કે ડ્રગ્સ ક્યાંથી આવ્યું અને કોણે વિદ્યાર્થીઓ સુધી પહોંચાડ્યું.

પોલીસે આરોપીની વિરૂદ્ધ ભારતીય ન્યાય સંહિતા અને NDPS એક્ટ હેઠળ કડક કલમો હેઠળ કેસ દાખલ કર્યો છે. તેમાં ડ્રગ્સની ખરીદી, કબ્જો અને ગુનાહિત ષડયંત્ર જેવા ગંભીર આરોપ સામેલ છે. ધરપકડ કરેલા આરોપીઓની પૂછપરછ ચાલી રહી છે અને પોલીસ સમગ્ર નેટવર્કનો ખુલાસો કરવાના પ્રયત્ન કરી રહ્યું છે.

ગૌતમબુદ્ધ નગર જિલ્લામાં પગાર વધારાની માંગ સાથે શ્રમિકોનું પ્રદર્શન બીજા દિવસે પણ ચાલુ રહ્યું હતું. કેટલીક જગ્યાએ પથ્થરમારાની ઘટનાઓ બાદ પોલીસે સ્થિતિ કાબૂમાં લીધી છે, પરંતુ આ ઘટના પર રાહુલ ગાંધીની પ્રતિક્રિયાએ ચર્ચા જગાવી છે. તેમણે શ્રમિકોની સ્થિતિને દેશના મજૂરની અંતિમ ચીસ ગણાવી છે.

રાહુલ ગાંધીએ સોશિયલ મીડિયા પ્લેટફોર્મ ‘X’ પર એક લાંબી પોસ્ટ દ્વારા શ્રમિકોના આર્થિક સંઘર્ષનો ચિતાર આપ્યો હતો. નોઈડામાં કામ કરતા મજૂરનો પગાર રૂપિયા 12,000 છે, જ્યારે ભાડું રૂપિયા 4,000 થી રૂપિયા 7,000 સુધીનું હોય છે. રાહુલ ગાંધીએ લખ્યું કે, જ્યારે રૂપિયા 300નો વાર્ષિક પગાર વધારો મળે છે, ત્યારે મકાનમાલિકો રૂપિયા 500 ભાડું વધારી દે છે. આ બેફામ મોંઘવારી મજૂરનું ગળું ટૂંપે છે. શ્રમિકો રૂપિયા 20,000 પગારની માંગ કરી રહ્યા છે, જેને રાહુલે તેમનો અધિકાર ગણાવ્યો છે.

રાહુલ ગાંધીએ આ સ્થાનિક પ્રદર્શનને વૈશ્વિક પરિસ્થિતિ સાથે જોડતા જણાવ્યું હતું કે, પશ્ચિમ એશિયામાં યુદ્ધને કારણે સપ્લાય ચેઇન તૂટી ગઈ છે, જેનાથી ઇંધણના ભાવ આસમાને પહોંચ્યા છે. તેમણે એક મહિલા શ્રમિકનો ઉલ્લેખ કર્યો જેણે જણાવ્યું કે, ગૅસના ભાવ વધે છે પણ પગાર નહીં. ગૅસ સંકટમાં લોકોએ રૂપિયા 5,000માં પણ સિલિન્ડર ખરીદ્યા હશે. રાહુલે આરોપ લગાવ્યો કે, આ વૈશ્વિક મોંઘવારી અને ટેરિફ વૉરનો બોજ વડાપ્રધાનના મિત્ર ઉદ્યોગપતિઓ પર નહીં, પણ રોજેરોજ કમાઈને ખાતા મજૂર પર પડ્યો છે.

રાહુલ ગાંધીએ નવેમ્બર 2025થી અમલી બનેલા ચાર નવા શ્રમ કાયદાઓ પર નિશાન સાધ્યું હતું. આ કાયદાઓ દ્વારા કામના કલાકો વધારીને 12 કલાક કરી દેવામાં આવ્યા છે. સરકારે કોઈપણ ચર્ચા વગર ઉતાવળમાં આ કાયદા લાગુ કર્યા હોવાનો આરોપ તેમણે લગાવ્યો. જે મજૂર રોજ 12 કલાક ઊભા રહીને કામ કરે છે અને બાળકોની ફી દેવું કરીને ભરે છે, શું તેની માંગ ગેરવાજબી છે?

રાહુલ ગાંધીએ સ્પષ્ટ કર્યું કે, તેઓ દેશની કરોડરજ્જુ સમાન શ્રમિકોની સાથે છે, જેમને સરકારે બોજ સમજી લીધા છે. નોઈડાના આ પ્રદર્શનોએ દેશમાં વધતી મોંઘવારી અને શ્રમ અધિકારોના મુદ્દાને ફરી એકવાર કેન્દ્રસ્થાને લાવી દીધો છે.

મંગળવારે સંસદ સંકુલમાં પ્રેરણા સ્થળ ખાતે ડૉ. બી.આર. આંબેડકરની 135મી જન્મજયંતિ નિમિત્તે આયોજિત કાર્યક્રમમાં PM નરેન્દ્ર મોદી અને કોંગ્રેસ પ્રમુખ મલ્લિકાર્જુન ખડગે વચ્ચે સૌહાર્દપૂર્ણ વાતચીત જોવા મળી

મંગળવારે સંસદ સંકુલમાં પ્રેરણા સ્થળ ખાતે ડૉ. બી.આર. આંબેડકરની 135મી જન્મજયંતિ નિમિત્તે આયોજિત કાર્યક્રમમાં PM નરેન્દ્ર મોદી અને કોંગ્રેસ પ્રમુખ મલ્લિકાર્જુન ખડગે વચ્ચે સૌહાર્દપૂર્ણ વાતચીત જોવા મળી. લોકસભાના અધ્યક્ષ ઓમ બિરલા, કેન્દ્રીય સંસદીય બાબતોના પ્રધાન કિરેન રિજિજુ અને અન્ય ઘણા નેતાઓ પણ હાજર રહ્યા હતા અને આંબેડકરને શ્રદ્ધાંજલિ આપી હતી.

સમાચાર એજન્સી ANI દ્વારા શેર કરાયેલા એક વીડિયોમાં, વડા પ્રધાન અને રાજ્યસભામાં વિરોધ પક્ષના નેતા (LOP) ખડગેએ ટૂંકી વાતચીત દરમિયાન એકબીજાનું અભિવાદન કર્યું અને સ્મિત કર્યું. ઓમ બિરલા અને ઉપરાષ્ટ્રપતિ સી.પી. રાધાકૃષ્ણનને મળ્યા પછી, વડા પ્રધાન મોદી ખડગે પાસે ગયા અને હાથ મિલાવ્યા. બંને નેતાઓએ ટૂંકી વાતચીત કરી. ત્યારબાદ, તેઓ સાથે હસતા જોવા મળ્યા.

થોડા દિવસો પહેલા, વડા પ્રધાન મોદી લોકસભામાં વિરોધ પક્ષના નેતા રાહુલ ગાંધી સાથે વાત કરતા જોવા મળ્યા હતા. બંને નેતાઓ એકબીજાની નજીક ઉભા હતા, થોડા નમ્ર શબ્દોની આપ-લે કરતા હતા અને પછી પોતપોતાના કાર્યક્રમો માટે રવાના થયા હતા. પીએમ મોદીએ સંસદ સંકુલમાં આંબેડકરની 135મી જન્મજયંતિ પર તેમને પુષ્પાંજલિ અર્પણ કરી.

ઇન્સ્ટાગ્રામ પર એક પોસ્ટમાં, પ્રધાનમંત્રીએ કહ્યું કે રાષ્ટ્ર માટે આંબેડકરનો ટેકો આજે પણ લોકોને પ્રેરણા આપે છે. તેમણે ડૉ. બાબાસાહેબ આંબેડકરને તેમની જન્મજયંતિ પર શ્રદ્ધાંજલિ અર્પણ કરી. રાષ્ટ્ર નિર્માણમાં તેમના પ્રયાસો ખૂબ પ્રેરણાદાયક છે. તેમનું જીવન અને કાર્ય પેઢીઓને ન્યાયી અને પ્રગતિશીલ સમાજ બનાવવા માટે પ્રેરણા આપતા રહેશે.

ખડગેએ આંબેડકરને એક સ્વપ્નદ્રષ્ટા નેતા તરીકે વર્ણવ્યા જેમણે ભારતને તેનો નૈતિક અને બંધારણીય આત્મા આપ્યો અને લોકોને બંધારણમાં સમાવિષ્ટ સિદ્ધાંતોનું રક્ષણ કરવા અપીલ કરી. તેમણે વધુમાં કહ્યું કે બાબાસાહેબ માત્ર ભારતીય બંધારણના ઘડવૈયા જ નહોતા પરંતુ સ્વતંત્રતા, સમાનતા, બંધુત્વ અને ન્યાય માટે અથાક યોદ્ધા પણ હતા. કોંગ્રેસના સાંસદ રાહુલ ગાંધીએ કહ્યું કે બંધારણ અને આંબેડકરના આદર્શો પડકારોનો સામનો કરી રહ્યા છે. તેમણે કહ્યું કે તેઓ તેમની રક્ષા માટે પોતાની બધી શક્તિથી લડશે.