સિવિલ જજ( જૂનિયર ડિવિઝન) માટે ગુજરાત જ્યુડિશિયલ સર્વિસ દ્વારા લેવાયેલી રાજ્યવ્યાપી પરીક્ષામાં એમ.એસ.યુનિવર્સિટીની લો ફેકલ્ટીના પૂર્વ અને વર્તમાન  વિદ્યાર્થીઓ ઝળકયા છે.

એમ.એસ.યુનિવર્સિટીના એલએલએમ પાર્ટ ૨ના વિદ્યાર્થી પ્રિયાંશ રાઠોડે આખા રાજ્યમાં પહેલો ક્રમ પ્રાપ્ત કર્યો છે તો અન્ય બે પૂર્વ  વિદ્યાર્થિનીઓ શ્રુતિ પાસી ૧૭મા  અને ધન્વી જોષી ૨૮મા ક્રમાંકે રહી છે.આ સ્ટુડન્ટસનું આજે વાઈસ ચાન્સલેર પ્રો.ભણગેના હસ્તે સન્માન કરવામાં આવ્યું હતું.

ઉલ્લેખનીય છે કે, આ પરીક્ષા પ્રીલિમ, મેઈન અને ઈન્ટરવ્યૂ એમ ત્રણ તબક્કામાં લેવામાં આવે છે.લગભગ ૮૦૦૦ ઉમેદવારોએ પ્રીલિમ પરીક્ષા આપી હતી અને તેમાંથી મેઈન પરીક્ષા અને બાદમાં ઈન્ટરવ્યૂ માટે ઉમેદવારોને શોર્ટ લિસ્ટ કરાયા હતા.

અખાતી દેશોમાં ભડકેલા યુધ્ધના કારણે હવે ગેસ સિલિન્ડરો માટે મારામારી જોવા મળી રહી છે.ખાસ કરીને કોમર્શિયલ ગેસ સિલિન્ડરોમાં કાપ મૂકવાના કારણે ફૂડ ઈન્ડસ્ટ્રીઝ પર ગંભીર અસર થઈ રહી છે.

વડોદરામાં હોટલો અને રેસ્ટોરન્ટો બાદ હવે ફરસાણની દુકાનોના વેપારીઓ પણ ચિંતામાં મૂકાયા છે.શહેરના ફરસાણના વેપારીઓના એસોસિએશનના પૂર્વ પ્રમુખ રાધેશ્યામભાઈનું કહેવું છે કે, ફરસાણના ઘણા વેપારીઓ પાસે પાઈપલાઈન ગેસ અને ડિઝલની ભઠ્ઠીની સુવિધા છે.તેમને તો વાંધો આવે તેમ નથી પણ ૫૦૦થી વધારે વેપારીઓ એવા છે જેઓ ફરસાણ બનાવવા માટે ગેસ સિલિન્ડર પર આધારિત છે અને તેમની ચિંતા વધી છે.કારણકે વેપારીઓ પાસે ગેસ સિલિન્ડરનો સ્ટોક તો હોતો નથી.આ વેપારીઓને ગેસ સિલિન્ડર નહીં મળે તો પ્રોડક્શન ઓછું કરવું પડશે અથવા તો બંધ કરવું પડશે.બીજી તરફ ફરસાણ એસોસિએશનના વર્તમાન પ્રમુખ ભરતભાઈ રાણાનું કહેવું છે કે, રેસ્ટોરન્ટો કરતા ફરસાણના વેપારીઓની સ્થિતિ ઓછી ખરાબ છે.હજી સુધી મને વેપારીઓ તરફથી કોઈ ગંભીર ફરિયાદ મળી નથી તેમજ ફરસાણના ભાવ વધે તેવી સ્થિતિ અત્યારે તો દેખાતી નથી.શક્ય છે કે, કેટલાક વેપારીઓને ગેસ સિલિન્ડર ના હોય તો બીજેથી ફરસાણ મંગાવીને વેચવું પડે.

રાંધણ ગેસની અછત યથાવત રહી તો ૧૫ માર્ચ પછી કેટરિંગ સર્વિસના સંચાલકો નવા ઓર્ડર નહીં લઈ શકે

ડીલરો કહે છે કે, કોમર્શિયલ ગેસના સિલિન્ડરોનું ભલે બૂકિંગ કરાવ્યું હોય પણ મળવાની ગેરંટી નથી

કોમર્શિયલ ગેસ સિલિન્ડર નહીં મળતા હોવાથી કેટરિંગ સર્વિસ ચલાવતા સંચાલકોના માથા પર પણ ચિંતાના વાદળો છવાયેલા છે.વડોદરાના કેટરર્સ એસોસિએશનના પ્રમુખ કૃણાલ પટેલનું કહેવું છે કે, તા.૧૫ માર્ચ સુધી લગ્નસરાની સિઝન છે.જોકે શિયાળાની સરખામણીએ ઉનાળામાં લગ્નો ઓછા હોય છે એટલે મોટાભાગના સંચાલકો મેનુમાં ફેરફાર કરીને કે લાઈવ કાઉન્ટર ઓછા રાખીને ઓર્ડર પૂરા કરી શકે તેમ લાગે છે.ઉપરાંત સંચાલકો એક બીજાની પાસે પડેલા સિલિન્ડરથી કામ ચલાવી રહ્યા છે.જોકે કોઈની પાસે પાંચથી વધારે સિલિન્ડર એક સાથે ઉપલબ્ધ હોતા નથી.કારણકે તેનાથી વધારે સિલિન્ડર રાખવાની મનાઈ છે.જો ગેસની અછત યથાવત રહી તો તા.૧૫ માર્ચ પછી કેટરિંગ સર્વિસના સંચાલકો કોઈ પણ જાતના ઓર્ડર નહીં લઈ શકે.ડીલરો પાસે પણ જાણકારી નથી કે કોર્મશિયલ સિલિન્ડર ક્યારથી નિયમિત રીતે મળતા થશે.બૂકિંગ અગાઉથી કરાવ્યું હોય તો પણ અત્યારે ડીલરો કહે છે કે , તમે બૂક કરાવ્યા હોય તેટલા સિલિન્ડર મળવાની ગેરંટી નથી.

જ્યોતી ફાઉન્ડેશન ટ્રસ્ટ સંસ્થામાં કામ માટે ગયેલી ૧૬ વર્ષની સગીરા પર  ટ્રસ્ટના સંચાલકે દુષ્કર્મ આચર્યું હતું. આ ઉપરાંત સોશિયલ મીડિયાના માધ્યમથી સંપર્કમાં આવેલા અન્ય એક યુવાને પણ સગીરા પર બળાત્કાર ગુજાર્યો હતો. સગીરા ગર્ભવતી થતાં સમગ્ર મામલો બહાર આવતા આખરે પોલીસે ગુનો નોંધી ટ્રસ્ટના સંચાલક સહિત બંને બળાત્કારીઓની ધરપકડ કરી છે.

૧૬ વર્ષની સગીરાની માતાએ મકરપુરા પોલીસ સ્ટેશનમાં નોંધાવેલી ફરિયાદમાં જણાવ્યું છે કે મારી પુત્રી મકરપુરા વિસ્તારમાં આવેલી જ્યોતી ફાઉન્ડેશન ટ્રસ્ટમાં કામ માટે ગઇ હતી ત્યારે ટ્રસ્ટના ૩૭ વર્ષના સંચાલક પંકજ રમેશભાઇ પરમાર (રહે.શ્રીજી વસાહત, દશામાતાના મંદિર પાસે, માણેજા, મૂળ રહે.શીનોર ગામ, તા.ડભોઇ)એ દુષ્કર્મ ગુજાર્યું હતું. 

આ ઉપરાંત મારી પુત્રી ૨૦ વર્ષના જતીન ઉર્ફે આદેશ ઇશ્વરભાઇ ગોહિલ (રહે.વીએમસી ક્વાટર્સ, ટીપી-૧૩, છાણીજકાતનાકા)ના સંપર્કમાં સોશિયલ મીડિયા દ્વારા આવી હતી ત્યારે જતીન ઉર્ફે આદેશે પણ પુત્રી સાથે દુષ્કર્મ ગુજાર્યું હતું. દરમિયાન પુત્રી ગર્ભવતી થયાની જાણ થઇ હતી પરંતુ મારા પતિની તબિયત સારી રહેતી નહી હોવાથી પુત્રીએ ડરના કારણે કશું કહ્યું ન હતું. પતિના એક મિત્રએ હિંમત આપતા આખરે ફરિયાદ નોંધાવી હતી.

ઉપરોક્ત વિગતોની ફરિયાદ બાદ પોલીસે ટ્રસ્ટના સંચાલક પંકજ રમેશભાઇ પરમાર અને જતીન ઉર્ફે આદેશ ઇશ્વરભાઇ ગોહિલની ધરપકડ કરી હતી જ્યારે પીડિતાના પેટમાં ગર્ભ કોનો છે તે દિશામાં પણ મેડિકલ તપાસ કરવામાં આવશે.