વડાલી નગરના માણેકચોક વિસ્તાર પાસે આવેલ શ્યામ સુંદર મંદિરના પાટોત્સવ પ્રસંગે મહાપૂજા સહિત યજ્ઞનું આયોજન કરવામાં આવ્યું હતું. ભગવાન શ્યામ સુંદરનો પાટોત્સવ ખૂબ જ ધામધૂમ પૂર્વક ઉજવવામાં આવ્યો હતો. જેમાં યસ દવે, રમીલાબેન સોની, પ્રવિણાબેન સોની તથા ભક્તોએ ભાગ લીધો હતો. પાટોત્સવને સફ્ળ બનાવવા પંકજભાઈ સુથાર, મિલનભાઈ સોની, મનોજભાઈ સોની, પ્રજ્ઞેશભાઈ સુખડિયા રાજુભાઈ સોની, કમલેશભાઈ સુથાર સહિતનાઓએ ભારે જહેમત ઉઠાવી હતી. પાટોત્સવ પ્રસંગે ભક્તોએ દર્શન કરી ધન્યતા અનુભવી હતી.

વિકાસશીલ ગુજરાતના દાવાઓ વચ્ચે છોટાઉદેપુર જિલ્લાના નસવાડી તાલુકામાંથી સરકારી વહીવટની અત્યંત શરમજનક તસવીર સામે આવી છે. ડુંગરાળ વિસ્તારો અને કાચા રસ્તાઓ પર દોડવા માટે લાખોના ખર્ચે ખરીદાયેલી એમ્બ્યુલન્સો ધૂળ ખાઈ રહી છે, જ્યારે બીજી તરફ આધુનિક યુગમાં પણ આદિવાસી સમાજની સગર્ભા મહિલાઓને દવાખાને પહોંચાડવા માટે લોકો ‘ઝોળી’નો ઉપયોગ કરવા મજબૂર બન્યા છે.

છોટાઉદેપુર જિલ્લા પંચાયત આરોગ્ય વિભાગ દ્વારા અંદાજે ₹20 લાખના ખર્ચે ખાસ પ્રકારની એમ્બ્યુલન્સોની ખરીદી કરવામાં આવી હતી. હેતુ એવો હતો કે, 108 એમ્બ્યુલન્સ જ્યાં ન પહોંચી શકે તેવા દુર્ગમ વિસ્તારોમાં આ વાહનો પહોંચે. નસવાડી તાલુકાને આ એમ્બ્યુલન્સો ફાળવી તો દેવાઈ, પરંતુ બ્લોક હેલ્થ ઓફિસરને આ વાહનો કયા PHC (પ્રાથમિક આરોગ્ય કેન્દ્ર) ને આપવા તેની સ્પષ્ટતા ન કરાતા બે-બે એમ્બ્યુલન્સો ગઢબોરીયાદ સામૂહિક આરોગ્ય કેન્દ્રના કમ્પાઉન્ડમાં ભંગાર હાલતમાં પડી રહી છે.

ગઈકાલે જ નસવાડીના ખોખરા અને નલિયાબારી ગામે જ્યારે સગર્ભા મહિલાઓને તાકીદે હોસ્પિટલ ખસેડવાની જરૂર હતી, ત્યારે 108 એમ્બ્યુલન્સ ખરાબ રસ્તાના કારણે પહોંચી શકી ન હતી. જો વહીવટી તંત્રએ ડુંગરાળ વિસ્તારની આ ખાસ એમ્બ્યુલન્સો ચાલુ રાખી હોત, તો તે સરળતાથી ત્યાં પહોંચી શકત. પરંતુ અધિકારીઓના વાંકે દર્દીઓને ઝોળીમાં નાખીને પહાડો ઉતારવા પડ્યા હતા.

સ્થાનિકોમાં ભારે રોષ જોવા મળી રહ્યો છે કે છોટાઉદેપુર જિલ્લા પંચાયતમાં છેલ્લા બે વર્ષથી ઇન્ચાર્જ આરોગ્ય અધિકારી વહીવટ ચલાવી રહ્યા છે. આ ઇન્ચાર્જ રાજમાં પ્રજાની સુખાકારીની કોઈને પડી ન હોય તેમ દેખાઈ રહ્યું છે. સરકારના લાખો રૂપિયાના સાધનો અધિકારીઓની આળસ અને સંકલનના અભાવે વ્યર્થ સાબિત થઈ રહ્યા છે. શું આદિવાસી વિસ્તારની જનતાને ટેકનોલોજી અને સુવિધાનો લાભ અધિકારીઓના અહમ અને આળસના કારણે ક્યારેય નહીં મળે? તે મોટો સવાલ છે.

ખાડી દેશોમાં ચાલી રહેલા યુદ્ધની મોટી અસર ગેસ સહિતના પુરવઠા પર પડી છે. સમગ્ર દેશમાં ગેસની બોટલોને લઈ ભારે હાલાકી સર્જાઈ છે. નાની હોટેલ અને નાશ્તાવાળાને મોટી તકલીફોનો સામનો કરવો પડ્યો છે.

ખાડી દેશોમાં ચાલી રહેલા યુદ્ધની મોટી અસર ગેસ સહિતના પુરવઠા પર પડી છે. સમગ્ર દેશમાં ગેસની બોટલોને લઈ ભારે હાલાકી સર્જાઈ છે. નાની હોટેલ અને નાશ્તાવાળાને મોટી તકલીફોનો સામનો કરવો પડ્યો છે. લોકોમાં ગેસ પુરવઠામાં તંગી સર્જાવાની દહેશત ફેલાઈ હોવાથી ગેસ સંચાલકોની ઓફિસો પાસે લાઈનો લગાવી છે. ત્યારે ગુજરાતમાં પણ તેની અસર જોવા મળી છે.

અમદાવાદમાં ગેસની બોટલને લઈને ભારે હાલાકી સર્જાઈ છે. નાની હોટેલ અને નાશ્તાની રેસ્ટોરન્ટ ચલાવતા લોકોને મોટી તકલીફોનો સામનો કરવો પડ્યો છે. આજે માત્ર આખા દિવસમાં એક જ બોટલ ચાલે એટલો પુરવઠો છે. નવી બોટલ મળશે તો આગળ કામ થશે તેવું હોટેલના સંચાલકોનું કહેવું છે. દુકાનદારો કહી રહ્યાં છે કે ગેસની બોટલ નહીં મળે તો અમારે કામકાજ બંધ રાખવું પડશે. અમારે ત્યાં નોકરી કરનારાને પણ અમે પૈસા નહીં આપી શકીએ. રોજ એક બોટલ જોઈએ છે જો એ પણ નહીં મળે તો અમારે ધંધો બંધ કરવા સિવાય કોઈ રસ્તો નથી. કોમર્શિયલ ગેસની અસરથી કોલેજની કેન્ટિનમાં પણ હાલાકીનો સામનો કરવો પડ્યો છે. પીજીમાં રહેતા વિદ્યાર્થીઓને પણ ભોજન મેળવવા મુશ્કેલી થઈ છે.

વડોદરામાં પણ રસ્ટોરન્ટોમાં એક જ દિવસ ચાલે તેટલો જ ગેસ છે. સાંજે રેસ્ટોરન્ટમાં જમવાનું બનશે કે નહીં તે એક સવાલ છે. વડોદરા સ્ટેશન વિસ્તારમાં 25 જેટલી હોટલો આવેલી છે. જ્યાં આજે ચાલે તેટલો જ ગેસનો જથ્થો છે. જો ગેસ નહીં મળે તો રેસ્ટોરન્ટ બંધ કરી પડે તેવી સ્થિતિ છે. રેસ્ટોરન્ટના સંચાલકોનું કહેવું છે કે, ગેસની અછતના કારણે ભાડા કેવી રીતે કાઢવા તે સવાલ સતાવી રહ્યો છે. બેરોજગારીમાં વધારો થશે, બ્લેકમાં પણ બોટલ મળતી નથી. સરકારે સમસ્યાનું સમાધાન લાવવું જોઈએ. સુરતમાં પણ રસ્ટોરન્ટના સંચાલકો ચિંતામાં છે.