T20 વર્લ્ડ કપમાં ભારતના વિજય બાદ પાકિસ્તાનના પૂર્વ ફાસ્ટ બોલર શોએબ અખ્તરે આકરા પ્રહારો કર્યા છે. તેણે દાવો કર્યો કે ભારતે ક્રિકેટને બરબાદ કરી નાંખ્યું છે. અખ્તરે ટીમ ઈન્ડિયાની તુલના ગલી ક્રિકેટમાં દાદાગીરી કરતા કોઈ ‘અમીર બાપના નબીરા’ સાથે કરી હતી.

T20 વર્લ્ડ કપ 2026ની ફાઈનલમાં ભારતના શાનદાર પ્રદર્શને વિશ્વભરમાં ચર્ચા જગાવી છે. અમદાવાદમાં રમાયેલી ફાઈનલમાં ભારતે ન્યૂઝીલેન્ડને 96 રને હરાવીને ત્રીજી વખત T20 વર્લ્ડ કપનો ખિતાબ પોતાના નામે કર્યો. જ્યાં આખું વિશ્વ ભારતના વખાણ કરી રહ્યું છે, ત્યારે પાકિસ્તાનના ખેલાડીઓ ટીમ ઈન્ડિયા વિરુદ્ધ ઝેર ઓકી રહ્યા છે.

પાકિસ્તાની શૉ ‘ગેમ ઓન હૈ’ના એક એપિસોડમાં શોએબ અખ્તરે ક્રિકેટની વાત કરી હતી. તેણે કહ્યું હતું કે, ભારતની વધતી જતી તાકાતે ક્રિકેટને નુકસાન પહોંચાડ્યું છે. આ તો પેલા ગલીના અમીર છોકરા જેવું છે, જે આજુબાજુના ગરીબ છોકરાઓને બોલાવે અને કહે કે ‘ચાલો ક્રિકેટ રમીએ.’ ભારત પણ આપણી સાથે એવું જ કરી રહ્યું છે. 8 ટીમમાંથી તેઓ 4 રાખે છે અને એમાંથી પણ પોતાની મરજી મુજબની ટીમોને આગળ વધારીને છેલ્લે કહે છે કે ‘જુઓ, હું જીતી ગયો.’ તેમણે આખું ક્રિકેટ ખતમ કરી નાખ્યું છે.

રસપ્રદ વાત એ છે કે, આ ફાઈનલ મેચ પહેલા અખ્તરનો સૂર થોડો અલગ હતો. તેણે કહ્યું હતું કે ‘ભારત ફેવરિટ છે, પરંતુ હું ઈચ્છું છું કે ‘ક્રિકેટના હિતમાં’ ન્યૂઝીલેન્ડની જીત થાય. આ પહેલા પણ તેણે કહ્યું હતું કે, ‘મને લાગે છે કે ભારત સામે ન્યૂઝીલેન્ડ દબાણમાં આવી જશે કારણ કે, ભારત પર પણ 150 કરોડ લોકોનું દબાણ છે. ટીમ ઈન્ડિયા અમદાવાદમાં ઓસ્ટ્રેલિયા સામે ફાઈનલમાં હારી ચૂકી છે, પરંતુ હું ભારતને વિજેતા તરીકે જોઉં છું.

જો કે, આ શૉમાં અખ્તરે ભારતીય ટીમના હેડ કોચ ગૌતમ ગંભીરના વખાણ પણ કર્યા હતા. તેણે કહ્યું કે મુશ્કેલ સમયમાં ખેલાડીઓને સાથ આપવાની ગંભીરની શૈલીએ ભારતની સફળતામાં મોટો ભાગ ભજવ્યો છે.

માત્ર અખ્તર જ નહીં, અન્ય પાકિસ્તાની ખેલાડી મોહમ્મદ આમિરે વિચિત્ર તર્ક આપીને ટીમ ઈન્ડિયાને ઉતરતી ગણાવાનો પ્રયાસ કર્યો છે. આમિરે જણાવ્યું કે ભારતની જીતનો શ્રેય ન્યૂઝીલેન્ડના બોલરોને જાય છે! કિવી બોલરો ભારતીય બેટર્સ પર દબાણ બનાવવામાં નિષ્ફળ રહ્યા, જેના કારણે ભારત આસાનીથી મેચ પર પકડ બનાવી શક્યું.જો કે, નિષ્ણાતોના મતે, ભારતની આ જીત કોઈ નસીબ કે અન્યની ભૂલ નથી, પરંતુ સમગ્ર ટુર્નામેન્ટમાં ટીમ ઈન્ડિયાએ બતાવેલા સાતત્યપૂર્ણ પ્રદર્શનનું પરિણામ છે.

ભારતની ધરતી પર રમાયેલા T20 વર્લ્ડ કપ 2026માં ટીમ ઈન્ડિયાએ ન્યૂઝીલેન્ડને 96 રનથી હરાવીને સતત બીજી વખત ટ્રોફી જીતીને ઈતિહાસ રચ્યો છે. આ ઐતિહાસિક વિજય બાદ અમદાવાદના નરેન્દ્ર મોદી સ્ટેડિયમમાં જ્યારે જીતનો જશ્ન શરૂ થયો, ત્યારે કેમેરાની નજર ઓલરાઉન્ડર હાર્દિક પંડ્યા અને તેની ગર્લફ્રેન્ડ માહિકા શર્મા પર અટકી ગઈ હતી.

ફાઈનલ મેચમાં જીતની જાહેરાત થતાની સાથે જ હાર્દિક પંડ્યા ભાવુક થઈ ગયો હતો. આ દરમિયાન તેની ગર્લફ્રેન્ડ માહિકા શર્મા સુરક્ષા કોર્ડન તોડીને મેદાનમાં દોડી આવી હતી. માહિકાએ હાર્દિકને જોરથી આલિંગન આપ્યું અને તેના પર વહાલ વરસાવ્યું હતું. બંને ભારતીય તિરંગામાં લપેટાઈને મેદાન પર નાચતા જોવા મળ્યા હતા. સોશિયલ મીડિયા પર વાયરલ થયેલા એક વીડિયોમાં તો બંને વિજયની ખુશીમાં સ્ટેજ પર સૂતા અને નિરાંતની ક્ષણો માણતા જોવા મળ્યા હતા, જે જોઈને ફેન્સ આશ્ચર્યચકિત થઈ ગયા હતા.

નતાશા સ્ટેનકોવિક સાથેના છૂટાછેડા બાદ હાર્દિકના જીવનમાં માહિકા શર્માનું આગમન થયું છે. મેચ પછી આપેલા એક ઇન્ટરવ્યુમાં હાર્દિકે ખુલ્લેઆમ સ્વીકાર્યું હતું કે માહિકા તેના માટે “નસીબદાર ચાર્મ” સાબિત થઈ છે. તેણે કહ્યું, “જ્યારથી માહિકા મારા જીવનમાં આવી છે, ત્યારથી મારું નસીબ બદલાઈ ગયું છે અને મેદાન પર મારી સફળતાનો સિલસિલો યથાવત છે.” આ આખી ટૂર્નામેન્ટ દરમિયાન માહિકા દરેક મેચમાં હાર્દિકને પ્રોત્સાહિત કરવા સ્ટેડિયમમાં હાજર રહી હતી.

માત્ર અંગત જીવનમાં જ નહીં, પણ મેદાન પર પણ હાર્દિકે આ વર્લ્ડ કપમાં ધૂમ મચાવી છે. તેણે 9 મેચમાં 160.74ના શાનદાર સ્ટ્રાઈક રેટથી 217 રન ફટકાર્યા હતા, જેમાં બે અડધી સદીનો પણ સમાવેશ થાય છે. આ ઉપરાંત બોલિંગમાં પણ કમાલ કરતા તેણે મહત્વની 9 વિકેટ ઝડપી હતી.

T20 વર્લ્ડકપ ફાઈનલના દિવસે રોહિત શર્મા અને તેની પત્ની રિતિકા સજદેહ બાઉન્ડ્રી લાઈનની બહાર ગંભીર ચર્ચા કરતા જોવા મળ્યા હતા. આ વીડિયો ઝડપથી વાયરલ થઈ રહ્યો છે.T20 વર્લ્ડકપ 2026 ફાઈનલ દરમિયાન રોહિત શર્મા અને તેની પત્ની રિતિકા સજદેહ અમદાવાદના નરેન્દ્ર મોદી સ્ટેડિયમમાં હાજર હતા. 8 માર્ચની સાંજે જ્યારે ટીમ ઈન્ડિયાએ ન્યુઝીલેન્ડને 96 રનથી હરાવીને ટાઇટલ જીત્યું, ત્યારે આ કપલનો એક વીડિયો વાયરલ થયો હતો.

ભૂતપૂર્વ ભારતીય કેપ્ટન રોહિત શર્મા અને તેની પત્ની રિતિકા સજદેહ T20 વર્લ્ડકપ 2026 ફાઈનલ દરમિયાન ગંભીર ચર્ચા કરતા જોવા મળ્યા હતા. આ કપલ બાઉન્ડ્રી લાઈનની બહાર ઊભું હતું. તેઓ ગંભીર ચર્ચા કરતા જોવા મળ્યા હતા.

તમને જણાવી દઈએ કે રોહિત રિતિકાની કોઈ પણ વાત સાથે સહમત ન હતો. તે થોડો ગુસ્સે પણ જોવા મળ્યો હતો, પરંતુ રિતિકા તેને સમજાવવાનો ખૂબ પ્રયાસ કરી રહી હતી. ‘હિટમેન’ શરૂઆતમાં તેનાથી દૂર ગયો, પરંતુ તેણે તેની પીઠ થપથપાવી અને તેને બોલાવીને તેની સાથે સમજાવવાનો પ્રયાસ કર્યો. પરંતુ તે ફરી એકવાર અસંમત થયો અને દૂર ગયો.

રોહિત શર્મા અને રિતિકા સજદેહનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે. ક્રિકેટ ફેન્સ તેનું વિવિધ રીતે અર્થઘટન કરી રહ્યા છે અને કોમેન્ટ કરી રહ્યા છે. T20 વર્લ્ડકપ 2026 ફાઈનલ પહેલા આ કપલ વચ્ચે શું થયું તે કહેવું મુશ્કેલ છે.રોહિત શર્માને T20 વર્લ્ડકપ 2026 માટે બ્રાન્ડ એમ્બેસેડર તરીકે પણ નિયુક્ત કરવામાં આવ્યો હતો, જેને 2024માં ભારતને ટાઈટલ અપાવ્યું હતું. ભારત ગત T20 વર્લ્ડકપ ચેમ્પિયન રહ્યું છે અને આ સીઝનમાં પણ તેનું ટાઈટલ જાળવી રાખ્યું. રોહિત શર્મા વ્હાઈટ બોલ ક્રિકેટમાં ભારતના સૌથી સફળ કેપ્ટનોમાંથી એક છે, જેને 2025માં મેન ઈન બ્લુને ICC ચેમ્પિયન્સ ટ્રોફીમાં પણ કેપ્ટનશીપ કરી હતી.